لندن ( 14 جولائی 2025): لندن کے ساؤتھ اینڈ ایئرپورٹ پر طیارہ حادثے کے بعد ایئرپورٹ پر تمام پروازیں منسوخ کردی گئی ہیں۔
بین الاقوامی خبر رساں ادارے کی رپورٹ کے مطابق ساؤتھ اینڈ ایئرپورٹ پر فلائٹ آپریشن غیر اعلانیہ مدت تک بند رہے گا۔
رپورٹس کے مطابق ساؤتھ اینڈ ایئرپورٹ پر چھوٹا طیارہ حادثہ کا شکار ہوکر تباہ ہو گیا تھا۔ سوشل میڈیا پر پوسٹ ہونے والی ایک فوٹیج میں سیاہ دھواں اٹھتا دیکھا جاسکتا ہے۔
رپورٹس کے مطابق پرائیویٹ طیارہ نیدرلینڈز جا رہا تھا کہ ٹیک آف کے فورا بعد گر گیا جس کے نتیجے میں آگ بھڑک اٹھی۔
مسافر طیارہ رن وے پر اترتے ہی حادثے کا شکار
ابھی تک اس بات کی تصدیق نہیں ہوسکی ہے کہ طیارہ حادثے میں کتنے مسافر موجود تھے۔
ہوائی اڈے سے چلنے والی زیادہ تر پروازیں ایزی جیٹ ہیں جو پورے یورپ کے مقامات پر پرواز کرتی ہیں۔