ہالی وڈ کی فلم باربی نے اپنی افسانوی کامیابی سے نہ صرف ایک ارب ڈالر سے زیادہ کا بزنس کیا بلکہ کئی ریکارڈ بھی توڑ ڈالے ہیں۔
گریٹا گیروِگ کی ہدایت کاری میں بننے والی فلم میں آسٹریلوی اداکارہ مارگوٹ روبی نے تصوراتی باربی کا مرکزی کردار ادا کیا، فلم نے تھیٹرز میں غیر معمولی طور پر اچھا بزنس کیا ہے۔
رپورٹ کے مطابق اگرچہ فلم باربی نے دنیا بھر کے باکس آفس پر 1.2 بلین ڈالر کا ریکارڈ بزنس کیا ہے لیکن یہ فلم اب تک مختلف ممالک میں فلاپ رہی ہے۔
فلم کو دلچسپ موضوعات کی وجہ سے چند ممالک میں اس پر پابندی عائد کی گئی تھی، جب کہ کچھ ممالک میں اسے زیادہ پسند نہیں کیا گیا تھا۔
رپورٹ کے مطابق الجزائر کویت اور لبنان میں باربی فلم کو پابندی کا سامنا کرنا پڑا، اس کے علاوہ فلم جنوبی کوریا میں اچھی کارکردگی نہیں دکھا سکی۔
’باربی‘ کے لیے اداکارہ مارگوٹ کا خطیر معاوضہ آپ کے ہوش اڑا دیگا
رپورٹ کے مطابق فلم ایشیائی ملک میں صرف 4 ملین ڈالر کا بزنس کرسکی ہے۔ جنوبی کوریا میں اس فلم کی ناکامی کی وجہ یہ ہے کہ ملک میں حقوق نسواں کو اب بھی ممنوع سمجھا جا رہا ہے۔
اس رپورٹ کے بعد یہ کہا جا سکتا ہے کہ دنیا بھر میں باکس آفس پر شاندار کلیکشن کے باوجود جنوبی کوریا میں باربی فلاپ رہی لیکن فلم باربی اب بھی دنیا کے دیگر حصوں میں بزنس کر رہی ہے۔
باربی جو کہ 220 ملین ڈالر کے بجٹ سے بنائی گئی ہے اس نے اپنی ریلیز کے محض دو ہفتے بعد ہی رواں ماہ کے آغاز میں عالمی باکس آفس پر ایک ارب ڈالرز سے زائد کا بزنس کرلیا تھا۔
