ARYNews.tv | Urdu – Har Lamha Bakhabar

Tag: سائنس اینڈ ٹیکنالوجی

  • اسپیس ایکس کا ایک اور تاریخی مشن شروع

    اسپیس ایکس کا ایک اور تاریخی مشن شروع

    واشنگٹن: امریکا میں خلائی تحقیق کے ادارے ناسا نے نجی کمپنی کے تیار کردہ راکٹ میں چار خلابازوں کو انٹرنیشنل خلائی اسٹیشن پر روانہ کردیا ہے۔

    بین الاقوامی میڈیا رپورٹ کے مطابق اسپیس۔ ایکس فالکن نائن راکٹ کو چار خلا بازوں کے ہمراہ فلوریڈا کے کینیڈی اسپیس سینٹر سے روانہ کیا گیا، ناسا کا پہلا مکمل مشن ہے جس میں عملے کو نجی ملکیت میں خلائی جہاز کے مدار میں بھیجا گیا ہے۔

    ناسا نے اسپیس ایکس کا نیا ڈیزائن تیار کیا ہے، اس ڈریگن کیپسول کو عملے نے لچک کا نام دیا ہے، ناسا کے خلا باز سائنسی تحقیقات کے لئے چھ ماہ تک خلا میں قیام کریں گے۔

    دوسری جانب امریکی صدر ڈونلڈ ٹرمپ نے سماجی رابطے کی ویب سائٹ ٹوئٹر پر جاری اپنے بیان میں کہا کہ یہ ایک شاندار پرواز تھی، جب ہم بر سر اقتدار آئے تھے تو اس وقت ناسا شدید بحران سے دو چار تھا، اب یہ دوبارہ سے اپنی پرانی ساکھ کو بحال کرتے ہوئے دنیا کا جدید ترین خلائی مرکز بن چکا ہے۔

    نو منتخب صدر جو بائڈن نے بھی ناسا اور اسپیس ایکس کو مبارکباد پیش کی ہے، اپنے ٹوئٹر پیغام میں انہوں نے لکھا ہے کہ یہ عمل سائنسی طاقت ، تخلیق و عزم کی بدولت کیا کچھ کر سکنے کی دلیل ہے۔

    اس سے قبل امریکا کے خلائی تحقیقاتی ادارے دی نیشنل ایروناٹکس اینڈ اسپیس ایڈمنسٹریشن (ناسا) کا خلائی جہاز تاریخ میں پہلی بار بینوں‌ نامی سیارچے پر کامیابی سے اترا تھا، ناسا نے تصدیق کی کہ تاریخ میں پہلی بار ناسا کے خلائی جہاز نے ’بینوں‘ نامی پر کامیاب لینڈنگ کی جہاں سے ماہرین نے مٹی اور پتھر اکھٹے کیے ہیں۔

    یہ بھی پڑھیں:  خلا بازوں کو ملی تاریخی کامیابی، ناسا نے تصاویر اور ویڈیوز جاری کردیں

    ناسا کے مطابق جاپان کا یہ خلائی جہاز جلد زمین پر واپس آئے گا، جس کے بعد حاصل کیے جانے والے نمونوں کا مشاہدہ کیا جائے گا۔

    تحقیقاتی ادارے نے اعلامیے میں بتایا کہ امریکی وقت کے مطابق 20 اکتوبر کی دوپہر کو ’اوسائرس ریکس‘ نامی خلائی جہاز عمارت جتنے بڑے سیارچے پر پہنچا اور پھر وہاں سے 60 گرام کے قریب دھول، مٹی اور پتھر حاصل کیے۔

  • چین کی 6 جی ٹیکنالوجی کی جانب اہم پیش قدمی

    چین کی 6 جی ٹیکنالوجی کی جانب اہم پیش قدمی

    بیجنگ: چین نے ٹیکنالوجی کے دوڑ میں سبقت حاصل کرتے ہوئے سکس جی ٹیکنالوجی کیلئے سیٹلائٹ روانہ کر دیا ہے۔

    چینی میڈیا کے مطابق سکس جی ٹیکنالوجی فائیو جی سے سوگنا تیز ہو سکتی ہے، دنیا کی پہلی سکس جی سیٹلائٹ کا شمار ان تیرہ دیگر سیٹلائٹس میں ہوتا ہے جنہیں مارچ میں سکس نامی گاڑی کے ذریعے خلائی مدار میں بھیجا گیا تھا۔باقی سیٹلائٹس کمرشل مقاصد کے لیے بھیجی گئی ہیں اس کے علاوہ سکس جی پر تجربے کے لیے بھی مخصوص سیٹلائٹ کو خلا میں بھیجا گیا ہے۔China successfully sends world's first 6G satellite into orbit to test technology — RT World Newsچینی میڈیا کے مطابق بھیجے گئے مصنوعی سیارے میں آپٹیکل ریموٹ سینسنگ سسٹم بھی موجود ہے جو فصلوں کی تباہ کاریوں کی نگرانی کرسکتا ہے ، سیلاب اور جنگل کی آگ کو روک سکتا ہے۔

    یہ بھی پڑھیں:  متحدہ عرب امارات کا خلائی مشن مریخ‌ پر کب پہنچے گا؟‌

    چینی میڈیا کے مطابق چین کے شمالی صوبے شانشی کے تائیوان سیٹلائٹ لانچ سینٹر سے سکس جنریشن ٹیلی مواصلات کی ٹیکنالوجی کے حامل تجرباتی سیٹلائٹ کو زمین کے مدار میں بھیجا گیا، جدید ترین سیٹلائٹ کانام چین کی یونیورسٹی آف الیکٹرانک سائنس اینڈ ٹیکنالوجی کے نام پر رکھا گیا ہے۔ یہ خلا میں سکس جی فریکوئنسی بینڈ کی کارکردگی کی تصدیق کے لئے استعمال ہوگا۔

  • بلٹ ٹرین نے تیز رفتاری کا ایک اور ریکارڈ بنا ڈالا

    بلٹ ٹرین نے تیز رفتاری کا ایک اور ریکارڈ بنا ڈالا

    ٹوکیو: جدید ترین بلٹ ٹرین شنکانسین نے 380 کلومیٹر فی گھنٹہ چلنے کا آزمائشی سفر کامیابی سے طے کرلیا ہے۔

    بین الاقوامی میڈیا کے مطابق ذرائع ابلاغ کے نمائندوں کو جاپان کی جدید ترین بلٹ ٹرین کی تیز رفتاری کا تجربہ کرایا گیا، وہ 380 کلومیٹر فی گھنٹہ کی انتہائی تیز رفتار آزمائشی ٹرین میں سوار ہوئے، یہ رفتار موجودہ ٹرینوں کے مقابلے میں 60 کلومیٹر فی گھنٹہ زائد ہے۔

    میڈیا نمائندوں کا الفا ایکس ٹرین پر سوار ہونے کا یہ پہلا موقع تھا، آزمائش کے دوران تیز رفتار ٹرین اتنے ہموار انداز میں دوڑ رہی تھی کہ میز پر رکھی ہوئی پلاسٹک کی بوتل بمشکل ہی ہل رہی تھی۔

    یہ بھی پڑھیں:  جاپان میں دنیا کی تیز ترین بلٹ ٹرین متعارف

    ہوا کی مزاحمت کو کم کرنے کے لیے اس کا مخصوص اگلا حصہ اب تک کی ٹرینوں سے زیادہ لمبا ہے، اس کے علاوہ جھٹکوں اور ارتعاش کو کم کرنے کے لیے یہ ٹرین نئے سسپنشن نظام سے لیس ہے۔Japan launches new Shinkansen bullet train | CNN Travelمقامی میڈیا کے مطابق ایسٹ جاپان ریلوے کمپنی کا ارادہ ہے کہ اپریل 2030ء سے ٹرین کا عملی استعمال شروع کر دیا جائے۔

    خیال رہے جاپان وہ ملک ہے جس نے 1964 کے ٹوکیو اولمپکس کے موقع پر دنیا کی پہلی بلٹ ٹرین فلیٹ کو متعارف کرایا تھا اور پھر تیز ٹرینیں اس ملک کی اقتصادی ترقی کی علامت بن گئیں۔

  • فیس بک نے نئی سروس متعارف کرادی

    فیس بک نے نئی سروس متعارف کرادی

    سان فرانسسکو: فیس بک کلاؤڈ گیمنگ کی دنیا میں قدم رکھنے والی ایک اور بڑی ٹیکنالوجی کمپنی بن گئی ہے۔

    بین الاقوامی میڈیا رپورٹ کے مطابق فیس بک کے نائب صدر جیسن روبن نے بتایا کہ کلاؤڈ گیمنگ میں قدم رکھنے کی وجہ ایسی گیمنز صارفین تک پہنچانا ہے جو ہم فراہم کرسکتے ہیں، ہم مفت کھیلی جانے والی گیمز صارفین کو فراہم کریں گے۔

    فیس بک میں گیمز کے اضافے کو ایک دہائی سے زیادہ عرصہ ہوچکا ہے، جس کا آغاز فلیش پر مبنی گیمز جیسے فارم ویلے سے ہوا جس کے بعد اس کمپنی نے اپنے انسٹنٹ گیمز پلیٹ فارم کے لیے ایچ ٹی ایم ایل 5 کی جانب پیش رفت کی، مگر یہ دونوں ٹیکنالوجیز کافی محدود اور سادہ ہیں۔جیسن روبن نے بتایا کہ کلاؤڈ پلیٹ فارم پر زیادہ پیچیدہ گیمز صارفین تک پہنچ سکیں گی جبکہ انسٹنٹ گیمز پلیٹ فارم بھی اپنی جگہ موجود رہے گا جو فیس بک ایپ میں کلاؤڈ گیمنگ کے ساتھ ہوگا۔

    یہ بھی پڑھیں:  فیس بک نے بڑی پابندی عائد کردی

    جیسن روبن کا کہنا تھا کہ اس نئے پلیٹ فارم سے 30 کروڑ افراد کے لیے گیمز کی سہولت برقرار رہے گی، مگر وہ زیادہ پیچیدہ گیمز کھیل سکیں گے۔

    یہ مفت گیمز فیس بک میں بیٹاورژن میں 26 اکتوبر سے دستیاب ہوں گی اور کچھ گیمز جیسے تھری ڈی ریسر اسفالٹ 9 اور موبائل لیجنڈز ایڈونچر پر کھیلی جاسکیں گی۔

    خیال رہے کہ فیس بک نے گزشتہ سال اسپین کی کلاؤڈ گیمنگ سروس پلے گیگا کو خریدا تھا جو اس نئی سروس میں مددگار ثابت ہوگی۔

  • واٹس ایپ نے کاروباری افراد کو خوشخبری سنادی

    واٹس ایپ نے کاروباری افراد کو خوشخبری سنادی

    فیس بک نے اپنی زیر ملکیت میسجنگ اپلیکششن واٹس ایپ کے اندر خریداری اور ہوسٹنگ سروسز شروع کرنے کا اعلان کیا ہے

    تفصیلات کے مطابق فیس بک کی جانب سے اب کلاؤڈ کمپیوٹنگ سیکٹر میں بھی قدم رکھا جارہا ہے اور اس کے میسجنگ ٹولز استعمال کرنے والے کمپنیوں کو اپنے پیغامات فیس بک سرورز میں محفوظ کرنے کی سہولت فراہم کی جارہی ہے۔

    اسی تناظر میں فیس بک نے اپنے زیر ملکیت دنیا کی مقبول ترین میسجنگ اپلیکششن کے لیے ایپ کے اندر خریداری اور ہوسٹنگ سروسز شروع کرنے کا اعلان کیا ہے، تاکہ اس کے ذریعے اپنی آمدنی کو بڑھا سکے جبکہ کمپنی کے ای کامرس انفراسٹرکچر کو اکٹھا کرسکے۔

    یہ بھی پڑھیں:  واٹس ایپ نے صارفین کی دیرینہ خواہش پوری کردی

    اس نئی سروسز کی فراہمی سے کاروباری ادارے واٹس ایپ کے اندر فیس بک شاپس کے ذریعے اپنی اشیا فروخت کرسکیں گے۔

    واضح رہے کہ واٹس ایپ میں پہلے ہی لاکھوں چھوٹے کاروباری ادارے اپنے صارفین سے رابطہ رکھے ہوئے ہیں، میٹ ایڈیما کے مطابق اس وقت روزانہ واٹس ایپ پر 17 کروڑ 50 لاکھ افراد کسی کاروباری ادارے سے رابطہ کرتے ہیں۔

    یاد رہے کہ فیس بک نے 2014 میں واٹس ایپ کو 19 ارب ڈالرز میں خریدا تھا مگر اب تک اسے اپنی کمائی کا ذریعہ بنا نہیں سکی ہے۔

  • وزیر اعظم عمران خان ملک میں سائنس و ٹیکنالوجی کے فروغ کے لیے پرعزم

    وزیر اعظم عمران خان ملک میں سائنس و ٹیکنالوجی کے فروغ کے لیے پرعزم

    اسلام آباد: وزیر اعظم عمران خان نے سائنس و ٹیکنالوجی اصلاحات سے متعلق اجلاس کی صدارت کرتے ہوئے کہا کہ سائنس اینڈ ٹیکنالوجی کے فروغ میں تعاون فراہم کیا جائے گا۔

    تفصیلات کے مطابق وزیر اعظم عمران خان کی زیر صدارت اجلاس منعقد ہوا جس میں وزیر سائنس و ٹیکنالوجی فواد چوہدری، وزیر مملکت شہریار آفریدی، مشیر تجارت رزاق داؤد، چیئرمین سرمایہ کاری بورڈ اور متعلقہ وفاقی سیکریٹریز شریک ہوئے۔

    اجلاس میں وفاقی وزیر فواد چوہدری نے ٹیکنالوجی مصنوعات کی برآمدات میں اضافے اور درآمدات میں کمی لانے کے لیے متبادل درآمدات کے حوالے سے بریفنگ دی۔

    وفاقی وزیر نے بائیو ٹیکنالوجی پر مبنی مصنوعات کی پیداوار، برآمدات میں اضافے اور ہائی ٹیک مصنوعات کے فروغ پر بھی بریفنگ دی۔

    فواد چوہدری کا کہنا تھا کہ وزارت سائنس و ٹیکنالوجی نے 252 مصنوعات کی نشاندہی کی۔ مصنوعات کی پیداوار اور معیار بہتر بنا کر عالمی سطح پر زر مبادلہ کمایا جا سکتا ہے۔ ان مصنوعات سے درآمدات میں خاطر خواہ کمی لائی جا سکتی ہے۔

    انہوں نے بتایا کہ وزارت سائنس اینڈ ٹیکنالوجی 3، 7 اور 10 سالہ پروگرام مرتب کر رہی ہے۔

    فواد چوہدری نے ہائی ٹیک انڈسٹریل ڈویلپمنٹ کے ضمن میں استعداد اور اگلے لائحہ عمل پر بھی بریفنگ دی جبکہ متعدد اہم منصوبوں پر تجاویز پیش کیں۔ بریفنگ میں مزید کہا گیا کہ پہلے مرحلے میں ہربل، فوڈ اور ادویات کے شعبے پر توجہ دی جائے گی۔

    وزیر اعظم عمران خان نے وزیر سائنس اینڈ ٹیکنالوجی کی تجاویز کو سراہا اور کہا کہ حکومت سائنس اینڈ ٹیکنالوجی کے فروغ میں تعاون فراہم کرے گی۔

    فواد چوہدری نے بتایا کہ پی سی ایس آئی آر کی لاہور میں 25 ایکڑ زمین قبضہ مافیا سے واگزار کروائی، زمین سیاسی رہنما کے قریبی رشتے دار سے واگزار کروائی گئی جو اثر و رسوخ کی بنیاد پر زمین پر قابض تھا۔

    وزیر اعظم نے وزیر سائنس اینڈ ٹیکنالوجی اور وزارت کے افسروں کی کارکردگی کو سراہا۔

  • ‘اپریل2020 تک پہلی بار سائنس اینڈ ٹیکنالوجی سی پیک کا حصہ بن رہا ہے’

    ‘اپریل2020 تک پہلی بار سائنس اینڈ ٹیکنالوجی سی پیک کا حصہ بن رہا ہے’

    اسلام آباد : وزیرسائنس اینڈ ٹیکنالوجی فواد چوہدری کا کہنا ہے کہ اپریل2020تک پہلی بارسائنس اینڈٹیکنالوجی سی پیک کاحصہ بن رہاہے ، جس سے ٹیکنالوجی بزنس کوسی پیک معاہدےکے فائدے حاصل ہوں گے۔

    تفصیلات کے مطابق وزیرسائنس اینڈ ٹیکنالوجی فواد چوہدری نے سماجی رابطے کی ویب سائٹ ٹوئٹر پر اپنے بیان میں کہا چیئرمین سی پیک اتھارٹی سے ملاقات میں سیر حاصل گفتگو ہوئی، ملاقات میں پاک چین سائنس وٹیکنالوجی اشتراک پر بات چیت ہوئی، اپریل2020تک پہلی بارسائنس اینڈٹیکنالوجی سی پیک کاحصہ بن رہاہے۔

    فواد چوہدری کا کہنا تھا کہ شمولیت سے ٹیکنالوجی بزنس کوسی پیک معاہدے کے فائدے حاصل ہوں گے،ٹیکس،کسٹمز اور قرضوں کی سہولتیں حاصل ہوں گی۔

    یاد رہے چند روز قبل چینی سفیر یاؤجنگ کا کہنا تھا کہ پاکستان اور چین کے دشمن سی پیک کو کامیاب ہوتا نہیں دیکھنا چاہتے، امریکا،مغربی پروپیگنڈے کا جواب سی پیک،پاک چین عوام کی ترقی ہے۔

    انہوں نے کہا تھا کہ پاکستان اورچین نے 70سالہ دورمیں کئی چیلنجز دیکھے، پاکستان،چین کا 70سال سے مضبوط ترین اور بہترین دوست ہے، چین معیاری معاشی ترقی کے نئے دورمیں داخل ہو رہا ہے، سی پیک منصوبہ بھی چین کی جدت بھری ترقی کا مظہر ہے۔

  • سبزیاں بیچ کر گزارا نہیں کرسکتے، فواد چوہدری

    سبزیاں بیچ کر گزارا نہیں کرسکتے، فواد چوہدری

    لاہور: وفاقی وزیر برائے سائنس اینڈ ٹیکنالوجی فواد چوہدری کا کہنا ہے کہ سبزیاں بیچ کر گزارا نہیں کرسکتے، پاکستان کو سائنس اینڈ ٹیکنالوجی کی طرف آنا ہے۔

    تفصیلات کے مطابق لاہور میں وفاقی وزیر فواد چوہدری نے تقریب سے خطاب کرتے ہوئے کہا کہ پاکستان کوالٹی سینٹر کنٹرول اتھارٹی کو معیار بہتر بنانے کا کہا ہے۔

    فواد چوہدری کا کہنا تھا کہ پاکستان میں بدقسمتی سے کوالٹی چیک نہیں ہے، پراڈکٹ کا اسٹینڈرڈ بناتے ہیں تب ہی کوئی ملک اوپر جاتا ہے، لیبارٹریز کا اسٹینڈرڈ اوپر لے جانا پاکستان میں انتہائی اہم ہے۔

    وفاقی وزیر نے کہا کہ چاہتے ہیں یونیورسٹیزکو انٹرنیشنل اسٹینڈرڈ پر لے کر جائیں، یونیورسٹیز کو بہترکرنے سے آنے والی نسلوں کو اسکلز سیکھنے کا موقع ملے گا۔

    فواد چوہدری کا کہنا تھا کہ ہم ایٹمی طاقت ہیں مگر ہم اپنا ٹی وی نہیں بنا پائے، ہمارے سامنے امریکا اور چین بڑی مثالیں ہیں، چین نے اپنا ڈیفنس اور سویلین لائسنس بہت مضبوط رکھا ہے۔

    انہوں نے کہا کہ دنیا کے تجربے کو سامنے رکھتے ہوئے پروگرام شروع کیا ہے، سائنس اینڈ ٹیکنالوجی کےذریعے 30 بلین ڈالرکی ایکسپورٹ کرسکیں گے۔

    ٹیکنالوجی پر فوکس اور اپنی رفتار کو تیز کرنے کی ضرورت ہے، فواد چوہدری

    یاد رہے کہ گزشتہ ماہ وفاقی وزیر سائنس اینڈ ٹیکنالوجی فواد چوہدری نے سائبر اینڈ اسپیس سے متعلق تقریب سے خطاب کرتے ہوئے کہا تھا کہ سائبر سیکیورٹی بڑا چیلنج ہے جس کا آج دنیا کو سامنا ہے، آئیڈیاز دنیا کو آگے لے کر جاتے ہیں۔

  • ’پاکستانی نوجوان ٹیکنالوجی کی دنیا میں اپنی نت نئی ایجادات سے جانے جاتے ہیں‘

    ’پاکستانی نوجوان ٹیکنالوجی کی دنیا میں اپنی نت نئی ایجادات سے جانے جاتے ہیں‘

    اسلام آباد: وفاقی وزیر برائے سائنس اینڈ ٹیکنالوجی فواد چوہدری کا کہنا ہے کہ پاکستانی نوجوان ٹیکنالوجی کی دنیا میں اپنی نت نئی ایجادات سے جانے جاتے ہیں۔

    تفصیلات کے مطابق ورلڈ اکیڈمی آف سائنس ڈپلومیسی ورکشاپ کی اختتامی تقریب سے خطاب کرتے ہوئے فواد چوہدری نے کہا کہ پاکستان نے سائنس وٹیکنالوجی کے شعبوں میں ترقی کی ہے، چاہتے ہیں ہمارے تجربات سے تمام ممالک استفادہ حاصل کریں۔

    فواد چوہدری نے کہا کہ اسلام آباد میں اعلیٰ سائنس وٹیکنالوجی یونیورسٹی بنانے کا ارادہ ہے، مختلف موضوعات پرتعلیم کے ساتھ ریسرچ کی سہولت فراہم کریں گے۔

    وفاقی وزیر نے کہا کہ پاکستانی نوجوان ٹیکنالوجی کی دنیا میں اپنی نت نئی ایجادات سے جانے جاتے ہیں، تحقیق و ترقی میں اہم کردار ادا کرنے والے اداے کو دوبارہ فعال بنا رہے ہیں۔

    انہوں نے کہا کہ پاکستان کونسل فارسائنیٹفک وانڈسٹریل ریسرچ کو فعال بنایا جا رہا ہے باہمی روابط بڑھانے کے لیے انٹرنیٹ کو مسلم ممالک میں پھیلانے کی ضرورت ہے۔

    فواد چوہدری نے کہا کہ او آئی سی ممالک کو ایک دوسرے کے تجربات سے استفادہ کرنا چاہیے، ہمیں آپس میں سائنس وٹیکنالوجی کے روابط بڑھانے کی ضرورت ہے۔

    وفاقی وزیر نے مزید کہا کہ سائنسی تحقیقاتی شعبوں کے ماہرین کی بین الاقوامی ٹیمیں تشکیل دی جائیں، وزیراعظم کی ہدایت پرسائنس وریسرچ کے فروغ کے لیے ٹیکنالوجی پارک بنایا جائے گا۔

  • دوران زراعت  پانی کا ضیاع ایک اہم مسئلہ ہے: فواد چوہدری

    دوران زراعت  پانی کا ضیاع ایک اہم مسئلہ ہے: فواد چوہدری

    اسلام آباد: وزیر سائنس اینڈ ٹیکنالوجی فواد چوہدری نے کہا کہ دوران زراعت  پانی کا ضیاع ایک اہم مسئلہ ہے.

    ان خیالات کا اظہار انھوں نے ایک تقریب سے خطاب کرتے ہوئے کیا. ان کا کہنا تھا کہ وزیراعظم نے مستقبل کی سوچ رکھی، حکومت کاوعدہ ہےسائنس اورٹیکنالوجی کےساتھ آگے بڑھنا ہے.

    فواد چوہدری نے کہا کہ پانی سے بیماریوں کےعلاج پر800 ملین ڈالرخرچ کررہے ہیں، لیبارٹریز کو کمرشلائز کر رہے ہیں.

    انھوں نے کہا کہ چاہے کسی بھی ادارے میں تعینات ہوں، میں عوام سے ووٹ لےکرآیاہوں، میرا فرض ہے کہ ہمیشہ مزدور کے ساتھ کھڑارہوں، کوئی خوش ہو یا ناراض میں یونینز کے ساتھ ہوں.

    مزید پڑھیں: حمزہ شہباز اور زرداری کی گرفتاری روشن مستقبل کی نشانی ہے، فواد چوہدری

    انھوں نے کہا کہ یہ بہت اہم وزارت ہے، دنیا کے دیگر ممالک میں اسی خصوصی اہمیت دی جاتی ہے، یہاں لوگوں کو اب پتا چلا ہے کہ ایسی بھی کوئی وزارت ہے.

    خیال رہے کہ 11 جون 2019 کو اپنے بیان میں فواد چوہدری نے کہا تھا کہ حمزہ شہباز اور زرداری کی گرفتاری روشن مستقبل کی نشانی ہے، حمزہ شہباز نے 26 ملین ڈالر پاکستان سے باہر بھیجے ، پاکستان کو لوٹنے والے اب لمبے عرصے کے لئے جیلوں میں ہیں۔