کراچی: سائٹ میٹروول کے علاقے میں موٹر سائیکل لفٹر ٹریکر کی مدد سے پولیس اور عوام کے ہتھے چڑھ گیا۔
تفصیلات کے مطابق اسلحہ کے زور پر موٹر سائیکل چھیننے والے ملزم حسین کو شہریوں نے تشدد کا نشانہ بنایا، عوام کی جانب سے ملزم پر تشدد کرنے کی ویڈیو بھی سامنے آگئی۔ ملزم نے اپنے ساتھی کے ساتھ مل کر موٹر سائیکل چھینی تھی۔
پولیس نے بتایا کہ شہری نے اپنی موٹر سائیکل میں ٹریکر لگایا ہوا تھا جس کی مدد سے موٹرسائیکل کی لوکیشن ملتی رہی۔
ٹریکر کی لوکیشن کی مدد سے ملزم کو پکڑ لیا گیا اور اس دوران ملزم حسین عوام کے ہتھے چڑھ گیا۔، پولیس کا کہنا ہے کہ ملزم کے فرارساتھیوں کی تلاش جاری ہے۔
