پاکستان شوبز انڈسٹری کی معروف اداکارہ وینا ملک نے شوبز سے دوری کے دوران ’’نفسیات‘‘ کی ڈگری حاصل کرلی۔
پاکستان شوبز اندسٹری کی معروف ادکارہ وینا ملک نے حال ہی میں انڈیپینڈنٹ اردو سے گفتگو کی، اس دوران دیا جہاں انہوں نے ڈراموں سے کئی عرصے تک دور رہنے کی وجہ بتائی۔
وینا ملک نے بتایا کہ میڈیا سے اس بریک کے دوران انھوں نے سائیکالوجی میں بیچلرز کی ڈگری حاصل کی اور ماسٹرز کے امتحانات بھی دیئے ہیں، جس کا ابھی نتیجہ نہیں آیا۔
وینا کا کہنا تھا کہ اسی دوران انھوں نے ہارورڈ میڈیکل اسکول سے ذہنی صحت کے حوالے سے کچھ کورسز میں سرٹیفکیٹس بھی حاصل کیے ہیں۔
اداکارہ نے میڈیا سے عارضی وقفہ لینے کے متعلق بتایا کہ میں منظر عام سے ہٹ گئی تھی لیکن اس دوران میں نے بہت سی چیزیں کیں جو میرے لیے بہت کارآمد رہیں، میں نے اس بریک کے دوران اپنی ساری توجہ تعلیم حاصل کرنے پر مرکوز کیے رکھی۔
وینا نے مزید کہا کہ پہلے ترجیحات میں صرف کیریئر تھا مگر اب اور بھی ترجیحات ہیں، سو کوئی بھی پروجیکٹ لینے سے پہلے دیگر عوامل کو بھی دیکھنا ہوتا ہے۔
