Tag: سابق بھارتی کرکٹر

بھارت کے سابق کرکٹر کی ماں اپنے پونے میں فلیٹ میں مردہ حالت میں پائی گئیں جبکہ ان کا گلا بھی بے دردی سے کٹا ہوا تھا۔

میڈیا رپورٹ کے مطابق بھارت کے سابق فاسٹ بولر سلیل انکولا سابق کرکٹر ہونے کے ساتھ ساتھ اداکاری میں بھی قسمت آزمائی کرچکے ہیں، ان کی 77 سالہ ماں مالا اشوک انکولا کی لاش ماہراشٹرا میں دکن جیمخانہ کے علاقے میں واقع ان کے فلیٹ میں پائی گئی جبکہ ان کا گلا کاٹ گیا گیا تھا۔

پولیس حکام کا کہنا ہے کہ مقتولہ اپنی ماں کے ساتھ رہتی تھی، جمعہ کے دن جب ملازمہ ان کے ہاں آئی اور دورازہ کھٹکھٹانے پر بھی دروازہ نہیں کھلا، اس پر ملازمہ نے رشتہ داروں کو اطلاع دی۔

جب دروازہ کھولا گیا تو مالا انکولا کی گلا کٹی لاش پڑی تھی جبکہ مقتولہ کے جسم پر کئی زخموں کے نشانات تھے، تاہم بظاہر ایسا لگ رہا ہے کہ خاتون نے یہ اقدام خود کیا ہے، تاہم پولیس دوسرے زاویے سے بھی اس کی تحقیقات کررہی ہے۔

ڈپٹی کمشنر پولیس سندیپ سنگھ نے بتایا کہ مقتولہ کو ذہنی مسائل کا سامنا تھا، اس حالت میں ملنے پر انھیں فوری طور پر اسپتال کے جایا گیا جہاں ڈاکٹرز نے انھیں مردہ قرار دیدیا۔

سلیل انکولا نے 1989-90 میں کراچی میں پاکستان کے خلاف ڈبیبو کیا تھا جس میں انھوں نے 128 رنز کے عوض 2 وکٹیں حاصل کی تھیں، تاہم انجریز کی وجہ سے یہی ان کے کیریئر کا پہلا اور آخری ٹیسٹ ثابت ہوا تھا۔

فاسٹ بولر پراشد کرشنا کو ٹیم میں شامل کرنے پر سابق بھارتی بولر کپتان روہت شرما اور ہیڈ کوچ راہول ڈریوڈ پر برس پڑے۔

میڈیا رپورٹس کے مطابق بھارتی کرکٹ ٹیم کے سابق رکن نے جنوبی افریقہ کے خلاف ڈیبیو کرنے والے فاسٹ بولر کو قابل رحم بچہ قرار دیتے ہوئے کہا کہ وہ ٹیسٹ کرکٹ کے لیے تیار ہی نہیں ہے۔

نام ظاہر نہ کرنے کی شرط پر میڈیا سے گفتگو کرنے والے سابق بھارتی بولر نے کہا کہ یچارہ پراشد قابل رحم بچہ ہے جو ٹیسٹ کرکٹ کے لیے تیار نہیں ہے۔ وہ ابھی تک یہ نہیں جانتا کہ ٹیسٹ میچ میں دوسرا اور تیسرا اسپیل کس طرح کرتے ہیں۔

انھوں نے کہا کہ پراشد کو ٹیم میں اس لیے شامل کیا گیا کہ وہ پچ پر اچھی باؤنس کے ساتھ گیند کرتے ہیں۔ تاہم بھارتی ٹیم یہ بھول گئی کہ انھوں نے آخری بار کب رانجی ٹرافی کا سیزن کھیلا تھا۔ صرف انڈین اے ٹیم کے ساتھ ایک میچ کھیلنا کافی نہیں ہے۔

سابق بھارت بولر نے کپتان روہت شرما اور ہیڈ کوچ راہول ڈریوڈ کی جانب سے پراشد کرشنا کو ٹیم میں شامل کرنے کے فیصلے کو بھی تنقید کا نشانہ بنایا۔

واضح رہے کہ پراشد کرشنا کے لیے جنوبی افریقہ کے خلاف ڈیبیو ناقابل ڈراؤنا خواب ثابت ہوا تھا۔ وہ ٹیسٹ میچ کی باؤلنگ کے بنیادی نظم و ضبط سے عاری نظر آئے، جنوبی افریقی بیٹرز نے ان کی جم کر دھلائی کی تھی۔

تاہم کپتان روہت شرما نے سنچورین میں اننگز کی شکست کے بعد بھی نوجوان فاسٹ بولر کی حمایت کی ہے لیکن بھارتی مینجمنٹ نے عجلت میں اویش خان کو کیپ ٹاؤن میں ہونے والے دوسرے میچ کے لیے طلب کرلیا ہے۔

اویش اس وقت انڈیا اے اور جنوبی افریقہ اے کے درمیان ہونے والے میچ میں مصروف ہیں جہاں انھو نے پہلی اننگز میں پانچ وکٹیں حاصل کی ہیں۔