Tag: سابق صدر پرویز مشرف

  • پرویز مشرف کی نماز جنازہ ملیر کینٹ میں ادا کر دی گئی

    پرویز مشرف کی نماز جنازہ ملیر کینٹ میں ادا کر دی گئی

     کراچی: سابق صدر جنرل (ر) پرویز مشرف کی نماز جنازہ ملیر کینٹ کراچی میں ادا کی گئی جس کے بعد انہیں فوجی اعزاز کے ساتھ سپردخاک کیا گیا۔

    جنرل (ر) پرویز مشرف کی نماز جنازہ پولوگراؤنڈ ملیر کینٹ کراچی میں ادا کی گئی، نماز جنازہ میں اعلیٰ فوجی افسران اور سیاسی شخصیات نے شرکت کی۔

    جس میں جوائنٹ چیفس آف اسٹاف کمیٹی جنرل ساحر شمشاد اور جنرل ریٹائر اشفاق پرویز کیانی نے شرکت کی۔

    سابق صدر پرویز مشرف انتقال کرگئے

    خیال رہے کہ 5 فروری کو سابق صدر جنرل (ر) پرویزمشرف دبئی میں انتقال کرگئے تھے وہ طویل عرصے سے امریکن اسپتال دبئی میں زیرعلاج تھے۔

    گزشتہ شب سابق صدر پرویز مشرف کی میت کو لے کرخصوصی طیارہ دبئی سے کراچی پہنچا تھا، خصوصی طیارے سے پرویز مشرف کی اہلیہ، بیٹی اور صاحبزادے بھی کراچی پہنچے تھے۔

  • بے نظیر قتل کیس: پرویز مشرف کے 2 منجمد اکاؤنٹس سے رقم نکلوانے کا انکشاف

    بے نظیر قتل کیس: پرویز مشرف کے 2 منجمد اکاؤنٹس سے رقم نکلوانے کا انکشاف

    کراچی: سابق وزیرِ اعظم بے نظیر بھٹو قتل کیس میں سابق صدر پرویز مشرف کے 2 منجمد اکاؤنٹس سے رقم نکلوائے جانے کا انکشاف ہوا ہے۔

    تفصیلات کے مطابق بے نظیر بھٹو قتل کیس میں اشتہاری قرار دیے جانے کے بعد سابق صدر جنرل (ر) پرویز مشرف کے اکاؤنٹس منجمد کر دیے گئے تھے، تاہم ان کے دو منجمد اکاؤنٹس سے ٹرانزیکشن کا انکشاف ہوا ہے۔

    [bs-quote quote=”رقم کس نے اور کیسے نکلوائی؟ انسدادِ دہشت گردی عدالت نے جواب طلب کر لیا۔” style=”style-7″ align=”left” color=”#dd3333″][/bs-quote]

    رقم کس نے اور کیسے نکلوائی؟ انسدادِ دہشت گردی عدالت نے جواب طلب کر لیا، عدالت نے ایس ایچ او تھانہ ایف آئی اے کو نوٹس بھی جاری کر دیا۔

    اینٹی ٹیررازم کورٹ نے 15 فروری تک رپورٹ کے ساتھ ساتھ ملزم پرویز مشرف کی دیگر پراپرٹیز کی فہرست بھی طلب کر لی۔

    یاد رہے کہ 31 اگست 2017 کو انسدادِ دہشت گردی کی عدالت نے سابق وزیر اعظم بے نظیر بھٹو قتل کیس کا فیصلہ 9 سال 8 ماہ بعد سناتے ہوئے سابق صدر پرویز مشرف کو اشتہاری قرار دیتے ہوئے ان کی تمام منقولہ و غیر منقولہ جائیداد ضبط کرنے کا حکم دیا تھا۔

    یہ بھی پڑھیں:  سابق صدر پرویز مشرف جان لیوا مرض میں مبتلا ہو گئے، میڈیکل رپورٹ

    عدالتی احکامات پر نادرا کی جانب سے سابق صدر اور آل پاکستان مسلم لیگ کے سربراہ پرویز مشرف کا شناختی کارڈ بھی بلاک کیا گیا ہے جس کے باعث ان کا پاسپورٹ بھی منسوخ ہو چکا ہے۔

  • سابق صدر پرویز مشرف جان لیوا مرض میں مبتلا ہو گئے، میڈیکل رپورٹ

    سابق صدر پرویز مشرف جان لیوا مرض میں مبتلا ہو گئے، میڈیکل رپورٹ

    کراچی: سابق صدر جنرل (ر) پرویز مشرف ایک جان لیوا مرض میں مبتلا ہو گئے ہیں، ان کی تازہ میڈیکل رپورٹ میں انکشاف کیا گیا ہے کہ پرویز مشرف کو ایک جان لیوا بیماری کا سامنا ہے۔

    تفصیلات کے مطابق پرویز مشرف کے تصدیق شدہ میڈیکل سرٹیفکیٹ کی کاپی اے آر وائی نیوز نے حاصل کر لی ہے، رپورٹ میں کہا گیا ہے کہ پرویز مشرف کو "امیلوئی ڈوسس” نامی خطرناک بیماری لاحق ہے۔

    [bs-quote quote=”پرویز مشرف کا علاج برطانیہ کے 2 معروف اسپتالوں کے ساتھ مل کر کیا جا رہا ہے” style=”style-7″ align=”left” color=”#dd3333″][/bs-quote]

    رپورٹ میں کہا گیا ہے کہ مشرف کا روزانہ کی بنیاد پر علاج نہ ہونے سے جان کا خطرہ ہوتا ہے، پرویز مشرف دل اور بلڈ پریشر کے عارضے میں بھی مبتلا ہیں۔

    میڈیکل رپورٹ کے مطابق پرویز مشرف کا علاج برطانیہ کے 2 معروف اسپتالوں کے ساتھ مل کر کیا جا رہا ہے، رپورٹ میں یہ بھی کہا گیا ہے کہ سابق صدر کا علاج اور تھراپی کا عمل روزانہ کی بنیاد پر ایک سال جاری رہے گا۔

    پرویز مشرف کے میڈیکل سرٹیفکیٹ کی دبئی میں پاکستانی قونصلیٹ سے تصدیق کرائی گئی ہے، رپورٹ کے مطابق مشرف کو لا حق بیماری ایک جان لیوا بیماری ہے۔


    یہ بھی پڑھیں:  مشرف عدالتوں کےحکم سےباہرنہیں گئے،انہیں بھیجنے کافیصلہ اس وقت کی حکومت نے کیا، چیف جسٹس


    خیال رہے کہ Amyloidosis ایک کم یاب اور خطر ناک مرض ہے جو جسم کے اعضا اور ٹشوز میں امیلوئیڈ نامی ناقص پروٹین کی پیداوار سے لاحق ہوتا ہے، جس کی وجہ سے اعضا اور ٹشوز درست طور پر کام نہیں کر پاتے۔

    واضح رہے کہ تین روز قبل این آر او کیس میں چیف جسٹس کے سامنے پرویز مشرف کی طبی رپورٹ پیش کی گئی تھی، چیف جسٹس نے کہا کہ ایسے مریض تو پاکستان میں بھی بہت ہوں گے، وہ وطن واپس آئیں، گرفتار نہیں کیا جائے گا، پاکستان آ کر وہ درخواست دیں کہ ان کا نام ای سی ایل میں نہ ڈالا جائے۔

  • پاک فوج پہل نہیں کرے گی مگر حملہ ہوا تو بھرپورجواب دے گی، مشرف

    پاک فوج پہل نہیں کرے گی مگر حملہ ہوا تو بھرپورجواب دے گی، مشرف

    واشگنٹن: سابق صدر جنرل ریٹائرڈ پرویز مشرف نے کہا ہے کہ  بھارت کی جانب سے سرحد پر بڑھتی ہوئی کشیدگی روکنی پڑے گی ورنہ پاکستان کو جواب دینے کا پورا حق حاصل ہے۔

    سابق صدر جنرل (ر) پرویز مشرف نے واشگنٹن فورم کو دیے گئے ایک انٹرویو میں کہا ہے کہ ’’بھارت کی جانب سے پاکستان پر حملہ کرنے مسلسل دھمکیاں دی جارہی ہیں تاہم پاک فوج ملکی دفاع کے لیے ہروقت تیار ہے اور ہر حملے کا جواب دینا جانتی ہے۔

    سابق آرمی چیف کے تجربے کو مد نظر رکھتے ہوئے جنرل پرویز مشرف نے بھارتی جرنیل کو نصیحت کی کہ وہ پاکستان پر حملے کی منصوبہ بندی سے باز رہے اور اگر اس قسم کے اقدامات کیے تو اس کے نتائج بھگتنے کے لیے بھی تیار رہے۔

    اُن کا کہنا تھا کہ ’’پاکستان جنگ میں کبھی بھی پہل نہیں کرے گا تاہم اگر پڑوسی ملک کی جانب سے حملہ کیا گیا تو پاک فوج بھارتی جارحیت کا جواب اپنی مرضی کی جگہ اور وقت پر دے گی‘‘۔

    musharaff2

    واشگنٹن فورم کے میزبان رابرٹ سیگل کی جانب سے وطن واپسی کے حوالے سے پوچھے گئے سوال کے جواب میں سابق صدر نے کہا کہ ’’میرافی الحال پاکستان جانے اور حکومت کرنے کا کوئی ارادہ نہیں تاہم ایسے ماحول میں واپسی کا خواہش مند ہوں کہ جب ملک میں سیاسی تبدیلی کا قوی امکان ہو‘‘۔

    امریکا اور پاکستان کے تعلقات کے حوالے سے پوچھے گئے سوال کے جواب میں سابق صدر نے کہا کہ ’’افغان جنگ کے دوران ہمارے درمیان بہترین تعلقات تھے تاہم پاکستانی عوام کی کثیر تعداد اس حوالے سے یہ سوچتی ہے کہ امریکا اپنا کام لینے کے بعد پاکستان کو تنہاء چھوڑ دیتا ہے۔

    امریکی پالیسیوں کو تنقید کا نشانہ بناتے ہوئے پرویز مشرف نے کہا کہ ’’میرا بھی یہی یقین ہے کہ ضرورت ختم ہونے پر امریکا اپنا رویہ تبدیل کرلیتا ہے‘‘۔

    musharaff1

    پاکستان میں جمہوریت کے حوالے سے پوچھے گئے سوال پر سابق صدر نے کہا کہ ’’ملک میں جمہوری نظام میں بہت نقائص ہیں جنہیں دور ہونا چاہیے، عوام کو ضروریاتِ زندگی فراہم کرنا حکومتوں کا کام ہے مگر وہ اس میں ناکام نظر آتی ہیں‘‘۔

    فوج کی جانب سے پرویز مشرف کی حمایت کے حوالے سے پوچھے گئے سوال میں سابق صدر کا کہنا تھا کہ ’’فوج کی جانب سے مدد کی باتیں کافی حد تک درست ہیں، پاکستان کے وجود میں آنے کے بعد سے اب تک فوج نے ملک کی گورننس میں بہت اہم کردار ادا کیا۔‘‘

    انہوں نے کہا کہ پاکستانی عوام پاک فوج سے پیار اور 40 سال سے اُن سے تواقعات وابسطہ رکھتی ہیں، آرمی کو عوامی حمایت پر فخر ہے اور وہ ان کی خواہشات کو پورا کرنے کے لیے اپنا کردار بھی ادا کرتیں کیونکہ پاکستان میں نام نہاد جمہوریت، معاشرتی ضروریات کے مطابقت نہیں رکھتی‘‘۔

    اُن کا کہنا تھا کہ ’’پاکستان میرا جنون ہے اور میں چاہتا ہوں کہ ملک کو اچھے طریقے سے چلایا جائے، عوام کو بنیادی سہولیات فراہم کرنے اور کرپشن روکنے کے لیے آئین میں کوئی قانون وضع نہیں جس کی بے حد ضرورت ہے‘‘۔

    پاکستانی عدالتوں میں قائم مقدمات کے حوالے سے پوچھے گئے سوال کے جواب میں سابق صدر نے کہا کہ ’’تمام مقدمات کا سامنا کرنے کے لیے تیار ہوں‘‘۔

  • پرویزمشرف پرحملے کے ملزم کی سزا پوری ہونے پررہائی کی درخواست

    پرویزمشرف پرحملے کے ملزم کی سزا پوری ہونے پررہائی کی درخواست

    لاہور: لاہورہائیکورٹ نے سابق صدر جنرل پرویز مشرف پر حملے میں ملوث ملزم کی سزا مکمل ہونے کے بعد رہائی کے لئے درخواست پرسیکرٹری برائے داخلہ کو نوٹس جاری کردیئے ہیں۔

    آج لاہور ہائیکورٹ میں جسٹس شاہد حمید ڈار نے سابق صدر پر حملے میں ملوث ملزم کی والدہ سائرہ خان کی درخواست پر سماعت کرتے ہوئے سیکرٹری داخلہ سے جواب طلب کر لیا ہے۔

    درخواست گزار کے وکیل نے سماعت کے بعد میڈیا سے گفتگو کرتے ہوئے بتایا کہ بتایا کہ ان کے موکل عدنان کو 2003 میں جنرل ریٹائرڈ پرویز مشرف پر حملے کرنے کے الزام میں 10سال قید سزا سنائی گئی تھی جس کی سزا پوری ہونے کے باوجود عدنان کو ابھی تک اٹک جیل سے رہا نہیں کیا گیا ہے جو قانون اور بنیادی حقوق کی خلاف ورزی ہے۔

    سزا پوری کرنے والے ملزم عدنان کی والدہ سائرہ بی بی نے سماعت کے موقع پرعدالت کو بتایا کہ عدنان اس کا اکلوتا بیٹا ہے اوروہ اپنے کیے کی سزا بھی پوری کر چکا ہے اس کے باوجود اسے رہا نہیں کیا گیا ہے لہذا اس کے بیٹے کو رہا کیا جائے۔

    اس موقع پر لاہور ہائی کورٹ نے درخواست کی ابتدائی سماعت کے بعد سیکرٹری داخلہ اورآئی جی جیل خانہ جات کو جواب جمع کرانے کے لیے نوٹس جاری کر دیئے ہیں۔

  • بیرون ملک جانے کی اجازت دینے پر وزیراعظم اور وزیرداخلہ کا شکر یہ ادا کرتاہوں، پرویزمشرف

    بیرون ملک جانے کی اجازت دینے پر وزیراعظم اور وزیرداخلہ کا شکر یہ ادا کرتاہوں، پرویزمشرف

    دبئی: سابق صدر پرویز مشرف نے علاج کے بیرون ملک جانے کی اجازت دینے پر وزیر اعظم کا شکریہ ادا کیا ان کا کہنا تھا کہ انھوں نے بیرون ملک علاج کیلئے کوئی ڈیل نہیں کی ہے۔

    سابق صدر پرویز مشرف نے اے آروائی نیوز کو خصوصی انٹرویو دیتے ہوئے وزیراعظم اوروزیر داخلہ کا شکریہ ادا کیا ، سابق صدر کا کہنا تھا کہ وہ کسی ڈیل کے تحت دبئی نہیں آئے۔

    وسیم بادامی کو خصوصی انٹرویو میں وطن واپسی کے بارے میں ان کا کہنا تھا کہ وہ اس بارے میں کچھ نہیں کہہ سکتے۔

    سابق صدر کا کہنا تھا کہ وہ علاج کےلئے امریکا جانا چاہتے ہیں، پرویز مشرف نے واضع کیا کہہ فی الحال دبئی میں سیاسی سرگرمیوں کا ارادہ نہیں۔

  • سابق صدر مشرف کی میڈیکل رپورٹ محکمہ صحت کے حوالے

    سابق صدر مشرف کی میڈیکل رپورٹ محکمہ صحت کے حوالے

    کراچی: گیارہ رکنی میڈیکل بورڈ نے سابق صدر پرویز مشرف کی میڈیکل رپورٹ تیار کرکے محکمہ صحت سندھ کے حوالے کردی ہے، میڈیکل بورڈ بلوچستان حکومت کی درخواست پر تشکیل دیا گیا تھا۔

    سروسز اسپتال کے ایم ایس کے مطابق میڈیکل بورڈ نے اپنی رپورٹ میں سابق صدر پرویز مشرف کی صحت سے متعلق تمام طبی صورتحال کی تفصیلات شامل کردی ہیں تاہم میڈیکل رپورٹ کی تفصیلات جاری نہیں کی گئی ہیں۔

     ذرائع کے مطابق میڈیکل بورڈ کے اراکین نے سابق صدر پرویز مشرف کی رہائش گاہ جاکر ابتدائی طبی رپورٹ کے حوالے سے صلاح مشورہ کیا تھا ابتدائی طبی معائنے کے بعد بورڈ کے مختلف ڈاکٹروں کی جانب سے بنائی گئی میڈیکل رپورٹ سیل کرکے محکمہ صحت کے حوالے کردی گئی ہے ۔

  • بگٹی قتل کیس: مشرف کی1دن حاضری سے استثنیٰ کی درخواست منظور

    بگٹی قتل کیس: مشرف کی1دن حاضری سے استثنیٰ کی درخواست منظور

    کوئٹہ: نواب اکبر بگٹی قتل کیس میں عدالت نے حکومت سندھ کو سابق صدر پرویز مشرف کو پیشی پر سیکیورٹی فراہم کرنے کی ہدایت دیدی۔

    سابق گورنر بلوچستان نواب اکبربگٹی قتل کیس کی سماعت کوئٹہ کی انسدادِ دہشت گردی کی عدالت میں ہوئی، سماعت کے دوران پرویز مشرف کے وکیل نے عدالت کو درخواست دی کہ پرویز مشرف کو سیکیورٹی فراہم نہیں کی جارہی ہے، لہذا عدالت چھ اپریل کو پرویز مشرف کی میڈیکل بورڈ کے سامنے پیشی کے موقع پر سیکیورٹی فراہم کرنےکا حکم دے۔

    جس پر عدالت نے حکومت سندھ کو ہدایت کی کہ وہ سابق صدر کو سیکیورٹی فراہم کرے۔

    سابق صدر کے وکیل نے اپنے دلائل میں کہا کہ ہم عدالتوں کی قدر کرتے ہیں، پرویز مشرف عدالتوں میں ضرور پیش ہونگے۔

    وکیل نے اپنے دلائل میں کہا کہ اگر میڈیکل بورڈ سابق صدر پرویز مشرف کو فٹ قرار دے تو وہ عدالتوں میں پیش ہو جائینگے۔

    عدالت نے آفتاب شیرپاؤ، شعیب نوشیروانی اور پرویز مشرف کی ایک ایک دن حاضری سے استثنیٰ کی درخواست بھی منظور کر کے مقدمے کی سماعت آٹھ اپریل تک ملتوی کر دی۔

  • آمر کہنے والوں نے خواتین کو حقوق سے محروم رکھا، پرویز مشرف

    آمر کہنے والوں نے خواتین کو حقوق سے محروم رکھا، پرویز مشرف

    اسلام آباد: سابق صدر پرویز مشرف کا کہنا ہے کہ انہیں آمر کہنے والوں نے خواتین کو ان کے حقوق سے محروم رکھا ہے۔

    خواتین کے عالمی دن کے موقع پراسلام آباد میں آل پاکستان مسلم لیگ ویمن ونگ کے زیر اہتمام تقریب سے ٹیلی فونک خطاب کرتے ہوئے پرویز مشرف کا کہنا تھا اقتدار میں آتے ہی خواتین کو سیاسی طور پر بااختیار بنانے کا فیصلہ تھا ۔

    ان کا کہنا تھا کہ خاتون وزیر اعظم کے دور میں بھی خواتین کو ان کے حقوق نہیں ملے۔

    سابق صدر نے کہا کہ قومی اسمبلی، سینیٹ اور صوبائی اسمبلیوں میں خواتین کی نمائندگی کا سہرا ان کے سر ہے۔

    پرویز مشرف نے کہا اسلامی تعلیمات کے مطابق عورت کو رتبہ دینے کے بجائے منافقت دکھاتے ہیں، پاکستان کے تعلیمی اداروں میں طالبات کی کارکردگی طلباء کی نسبت بہت بہتر ہے۔

  • فرقہ واریت کو بھارت بڑھارہا ہے، پرویز مشرف

    فرقہ واریت کو بھارت بڑھارہا ہے، پرویز مشرف

     کراچی: سابق صدر پرویز مشرف نے کہا ہے کہ ملک آئینی اصلاحات، اور تیسری قوت کی ضرورت ہے ، آئین کوبچانے کے چکر آئین کو تباہ کیا جارہا ہے ، چار چار بار حکومتیں کرنے والوں نے ملک کا ستیا ناس کردیا ہے ۔

    کریک کلب کراچی میں موجودہ حالات پر مولانا تنویر الحق تھانوی کی جانب سے منعقدہ تقریب سے خطاب کرتے ہوئے سابق صدر پرویز مشرف کاکہنا تھا کہ حکومتوں میں فیصلے کرنے کی طاقت نہیں اس لیے طاقت ور حکومت کی ضرورت ہے ۔ انہوں نے کہا کہ کراچی میں بیرونی مداخلت ہورہی ہے، فرقہ واریت کو بھارت بڑھارہا ہے۔

     پرویز مشرف نے کہا کہ ملٹری کورٹس کی حمایت کرتا ہوں، ملٹری کورٹس کا قانون پاس ہوگیا ہے رکاوٹیں ڈالی جارہی ہیں، انہوں نے کہا کہ امن کے دشمن فسادات کرانا چاہتے ہیں، بدامنی پھیلانے والے دشمن ہیں،ایک دشمن باہر سے آنے والے لوگ ہیں جو فرقہ واریت پھیلاتے ہیں،دوسرا دشمن اندرونی فسادات ہیں۔

    پرویز مشرف کاکہنا تھا کہ فوج کو جدید ترین ہتھیاروں سے لیس کریں گے،پاک فوج کی موجودگی میں ملک کو کچھ بھی نہیں ہوسکتا ہے،ملک میں سپریم کورٹ اور فوج کا کردار اہم ہے ، انہوں نے کہا کہ ملک میں اب کوئی ترقی نہیں ہورہی ہے ،کرپشن اور اقربا پروری بڑھ گئی ہے۔ چار ، چار دفعہ حکومتیں کرنے والوں نے پاکستان کا بیڑا غرق کیا ہے۔

    ، تیسری سیاسی قوت بنانے کیلئے پاکستانی عوام کو جاگیا چاہیے ، پاکستان کا ستیاناس کرنے والوں کے بارے میں عوام کو سوچنا چاہیے ،تیسری سیاسی قوت بنانے کیلئے اپنی کوششیں جاری رکھوں گا، انہوں نے کہا کہ میرے خلاف آرٹیکل چھ کا مقدمہ محض مزاق ہے، میں محب وطن ہوں پاکستان کی خدمت کی ہے۔

     پرویز مشرف نے کہا کہ ملک میں نئے اصلاحات اور تعمیر نو کی ضرورت ہے ،اصلاحات کیلئے آئینی ترامیم کرنا ہوں گی ، دو ، تہائی اکثریت والی حکومت کبھی بھی قائم نہیں ہوگی، اس کا انتظار نہ کیا جائے۔