Tag: سابق صدر پرویز مشرف

اسلام آباد میں سابق صدر پرویز مشرف غداری کیس میں خصوصی عدالت میں پیشی کیلئے خصوصی عدالت روانہ ہوگئے،  اطراف میں سیکیورٹی کے سخت ترین انتظامات کئے گئے ہیں، بم ڈسپوزل اسکواڈ نے مشرف کی رہائش گاہ سے عدالت تک سرچنگ بھی کی۔

سابق صدر پرویز مشرف کی خصوصی عدالت میں پیشی کے لئے سخت ترین سیکیورٹی کا انتظام کیا گیا، مشرف کی رہائش گاہ سے خصوصی عدالت تک رینجرز اور پولیس کے پندرہ سو اہلکاروں کو تعینات کیا گیا ہے۔

گزرگاہ کے اطراف میں واقع مقامات عمارات کی سیکیورٹی کو بھی سخت کردیا گیا ہے، پولیس اور رینجرز اہلکاروں کے ساتھ بی ڈی ایس کا عملہ بھی موجود ہے۔

مشرف فارم ہاؤس کے قریب سے گزشتہ روز ملنے والے بارودی مواد کی ایف آئی آر ایکسپلوسیر ایکٹ کے تحت تھانہ شہزاد ٹاؤن میں درج کرلی گئی، اس سے قبل بھی چوبیس دسمبر کو بھی پانچ کلو گرام بارودی مواد، ڈیٹونیٹر اور اسلحہ برآمد ہوا تھا۔

اب تک سابق صدر پرویز مشرف کے گھر کے پاس سے بارودی مواد سے بھری ایک مشتبہ گاڑی جب کہ تین مرتبہ سڑک کے اطراف سے باورودی مواد برآمد ہوچکا ہے۔
       

سابق صدر پرویز مشرف کی رہائش گاہ کے قریب دھماکا خیز ملنے کی خبرکا نوٹس لیتے ہوئے وزیراعظم نوازشریف نے تحقیقات کا حکم دے دیا۔

سابق صدر پرویز مشرف رہائش گاہ کے قریب سے بارودی مواد ملنے کا وزیر اعظم نے نوٹس لیتے ہوئے وزارت داخلہ سے رپورٹ طلب کرلی، وزیراعظم نے وزارت داخلہ کو ہدایات جاری کیں ہیں کہ سابق صدر مشرف کی عدالت میں پیشی کو یقینی بنایا جائے۔

سابق صدرکو عدالت کے سامنے پیش ہونے کے لئے جس راستے سے گزرنا ہے، اس میں بہت سی اہم عمارات ہیں، چک شہزاد سے خصوصی عدالت کے درمیان سپریم کورٹ کی عمارت ہے، تھوڑے ہی فاصلے پر مختلف ممالک کے سفارتخانے ہیں۔

جہاں بڑی تعداد میں ملکی و غیرملکی افراد پر مشتمل عملہ بین الاقوامی روابط کے لئے خدمات انجام دے رہے ہیں، اس سے تھوڑے فاصلے پر سرینا ہوٹل کی عمارت ہے، جہاں غیرملکیوں اوربیوروکریٹس کی بڑی تعداد موجود ہوتی ہے، خصوصی عدالت کے راستے میں اسلام آباد کلب بھی ہے۔

سابق صدرکی عدالت حاضری اور ممکنہ دہشتگردی حملے کے سبب ان مقامات کی سیکیورٹی کو بھی خطرات لاحق ہیں، ایک ہفتے کے دوران سابق صدرکی رہائش گاہ کے اطراف سے دھماکا خیز مواد ملنے کے تین واقعات رونما ہوچکے ہیں، صدر مشرف کی دو پیشیوں کے موقع پر اس گزرگارہ سے پہلے بھی دوبار بارودی مواد ملا تھا۔

پرویزمشرف کی یکم جنوری کو خصوصی عدالت میں پیشی کیلئےسیکیورٹی پلان تشکیل دے دیاگیا، سابق صدر کوباکس سیکیورٹی فراہم کی جائےگی، پرویز مشرف نےخصوصی عدالت کی تشکیل کے خلاف انٹراکورٹ اپیل دائر کردی۔

سابق صدر پرویزمشرف کیخلاف غداری کیس کی دوسری پیشی، پرویزمشرف کی سیکیورٹی کے لیے حتمی پلان تشکیل دے دیاگیا، حفاظتی انتظامات کی نگرانی ڈی آئی جی سیکیورٹی خود کریں گے، سابق صدر کو باکس دی جائےگی سیکورٹی پولیس کمانڈوز کے ہمراہ رینجرز اہلکار بھی تعینات ہوں گے ۔

پرویزمشرف کی سیکیورٹی انتظامات کے حوالے سے وزارت داخلہ کو بھی آگا کردیا گیا، پرویزمشرف گزشتہ پیشی سیکیورٹی خدشات کے باعث پیش نہیں ہوئےتھے۔

ادھر پرویز مشرف نے غداری کیس روکنے کےلئے بھی  انٹرا کو ٹ اپیل کردی گئی ہے، اسلام آباد ہائی کورٹ کےفیصلے کے خلاف دائردرخواست میں کہاگیاہےسنگل بینچ نے وکلا کا موقف صحیح سے نہیں سنا ۔ سابق صدر جنرل ریٹائرڈ پرویز مشرف کا ٹرائل صرف فوجی عدالت میں ہو سکتاہے۔
    
   

سابق صدر پاکستان اورو سابق چیف آف آرمی اسٹاف جنرل ریٹا ئرڈ پر ویز مشرف نے اپنے مقدمے کی کا رروا ئی شروع ہو نےسے ایک دن پہلے سابق فو جیو ں کی تنظیم فرسٹ فورم سے خطا ب کیا۔

سابق چیف آف آرمی اسٹا ف اور سابق صدر مملکت پر ویز مشرف نے اپنے سابقے ادارے کے ریٹا ئرڈ افراد کی تنظیم فرسٹ فورم سے ویڈیو لنک خطا ب میں اپنے دور حکو مت کی اچھا ئیو ں کو گنوایا ان کا کہنا تھا کہ آج ملک کے اصل ایشوز پر بات نہیں کیجا رہی میرے دور حکو مت میں ملک کی حا لت بہتر تھی جب میں نے اقتدار چھو ڑا تو ڈا لر اکسٹھ روپے کا تھا جبکہ آج سو روپے سے زائد کا ہو چکا ہے۔

انہو ں نے کہا کہ ان کے تما م اقدامات ملک و قوم کیلئے تھے جبکہ آج پا کستان نیچے کیجا نب جا رہا ہے عوام با لخصو ص غریب عوام مشکل میں ہیں ان کا یہ بھی کہنا تھا کہ ان کے دور حکو مت میں پا کستان ہر اعتبا ر سے ایک مکمل ریا ست کی تصویر پیش کررہا تھا۔

 سابق صدر پرویز مشرف کے فارم ہاؤس کے قریب سے آج پھر دھماکا خیز مواد اور پانچ راکٹ برآمد ہوئے، جسے بم ڈسپوزل اسکواڈ نے ناکارہ بنادیا۔

پولیس کے مطابق اسلام آباد کے چک شہزاد میں سابق صدر پرویزمشرف کے فارم ہاؤس کے قریب پارک روڈ کے گرین بیلٹ سے بارودی مواد کے پانچ پیکٹ برآمد ہوئے، پولیس نے فوری طور پر بم ڈسپوزل اسکواڈ کو طلب کرلیا اور بارودی مواد کو ناکارہ بنایا گیا۔

اس واقعے کے بعد پرویز مشرف کے فارم ہاؤس کی سیکیورٹی مزید سخت کردی گئی ہے، اس سے قبل بھی پرویز مشرف کے فارم ہاؤس کے اطراف سے متعدد بار دھماکا خیز مواد برآمد ہوچکا ہے۔
       

سابق صدر پرویز مشرف کا کہناہے کہ غداری کامقدمہ ان کے کیخلاف انتقامی کارروائی ہے، مقدمے پرپوری فوج اپ سیٹ ہے۔

سابق صدراور جنرل ریٹائرڈ پرویزمشرف کا کہنا ہےکہ ان کے خلاف غداری کا مقدمہ انتقامی کارروائی ہے اور مقدمےپر فوج کوپریشانی ہے۔

پرویزمشرف کایہ بھی کہناتھا کہ انہیں پاک فوج کی حمایت حاصل ہے۔ پرویزمشرف کے خلاف آئین کے آرٹیکل چھ کے تحت خصوصی عدالت میں مقدمہ زیرسماعت ہے، گزشتہ پیشی پرپرویزمشرف سیکیورٹی خدشات کے باعث پیش نہیں ہوئے جس پرعدالت نے انہیں یکم جنوری کوطلب کررکھا ہے، آئندہ سماعت پران پرفرد جرم عائد کی جائے گی۔
   

سابق صدر اورملزم پرویزمشرف پرغداری کے مقدمے میں یکم جنوری کوفردجرم عائد ہوگی۔ خصوصی عدالت نے تحریری حکم نامہ جاری کردیا۔

تین صفحات پرمشتمل اس حکم نامے پرتین ججز کے دستخط موجود ہیں۔ حکم نامے میں کہا گیا ہے کہ ملزم کوسمن جاری کئے گئے لیکن وہ حاضر نہیں ہوا۔

مشرف کے وکلاء نے خصوصی عدالت کے سامنے موقف اختیارکیا کہ وفاقی حکومت کی طرف سے مناسب سکیورٹی کے انتظامات ہونے تک مشرف عدالت میں حاضر نہیں ہوسکتے۔

انھوں نے درخواست کی کہ مشرف کوحاضری سے مستثنی قراردیا جائے جس پرعدالت نے کہا کہ ملزم کاکیس ناقابل ضمانت ہے پہلے انھیں ضمانت لینی ہوگی۔

ملزم کی جانب سے پیش کی جانیوالی درخواست میں کوئی خاص وجہ نہیں پیش کی جاسکی ملزم کوایک دن کیلئےاستثنی دیا جاچکاہےاورآئندہ سماعت پرملزم کوعدالت حاضر ہوناہوگا۔

حکم نامے میں وفاقی حکومت کو کہاگیا ہے کہ وہ ملزم کی عدالت میں حاضری کویقینی بنانے کیلئے تمام سکیورٹی اقدامات کرے۔