اسلام آباد : سابق وزیرداخلہ چوہدری نثار کا کہنا ہے کہ ملک کو آگے بڑھانے اور بنانا ری پبلک بننے سے روکنے کے لئے دھرنوں کا باب مکمل بند کرنا ہوگا، ورنہ یہاں جھتوں کی حکومت ہوگی۔
تفصیلات کے مطابق سابق وزیرداخلہ چوہدری نثار نے پریس کانفرنس کرتے ہوئے کہا کہ جب پہلادھرنا ہوا تو میں وزیرداخلہ تھا، پہلے دھرنے پر کہا تھا ہر کچھ دن بعد جتھا آئے گااور بات منوائےگا، کہا تھا مظاہرین کو ریڈزون داخل نہیں ہونے دیا جائے۔
چوہدری نثار کا کہنا تھا کہ پہلے دھرنے کے بعد اسلام آباد میں 2دھرنےہوئے، ایک دھرنا لیاقت باغ میں چہلم پر ہوا پھر مظاہرین اسلام آباد آئے، اس وقت وزارت داخلہ نے بہت خوش اسلوبی سے معاملہ حل کرلیا، پولیس اور ایف سی سے خیبرپختونخوا سے آنے والے مظاہرین کو روکا، فرق یہ تھا اس وقت کا وزیرداخلہ وہیں موجود تھا۔
یہ نہیں چلے گامرضی کےدھرنےکوسپورٹ کریں ورنہ مخالفت
رہنمامسلم لیگ ن نے کہا کہ جو کہتے ہیں کہ ہماری پولیس اورایف سی اہل نہیں ہے ماضی دیکھیں، پولیس اور ایف سی کوئی اقدام کرتی ہے تو سپورٹ کرنا چاہیے، ملک کو آگے بڑھانا ہے تو دھرنوں کا باب بند کرناہوگا، یہ نہیں چلے گامرضی کےدھرنےکوسپورٹ کریں ورنہ مخالفت۔
فیض آباد انٹر چینج دھرنے کے حوالے سے سابق وزیرداخلہ کا کہنا تھا کہ فیض آبادانٹرچینج پرقبضہ کرنےکی اجازت نہیں ہونی چاہیے، فیض آبادانٹر چینج پر قبضے کا مطلب دونوں شہروں پر قبضہ ہے، دھرنےنہ روکے گئے تو پھرجتھوں کی حکومت ہوگی۔
پولیس اورایف سی میں دھرنوں کو روکنے کی پوری صلاحیت ہے
انھوں نے کہا کہ پولیس اورایف سی میں دھرنوں کو روکنے کی پوری صلاحیت ہے، حکومت سے درخواست سے سیکیورٹی ایجنسیز کیساتھ کھڑی ہو، ماضی میں دھرنے کی اجازت وزارت داخلہ نہیں حکومت نے دی، راناثنااللہ کے بارے میں جواب وہ خود بہتر دے سکتے ہیں، بد قسمتی سے دھرنے سے نمٹنے کیلئے حکومتی اقدامات درست نہ تھے۔
چوہدری نثار کا کہنا تھا کہ میرے گھر کے اندرسے فائرنگ نہیں ہوئی، میرے گھر کی دیواریں بہت اونچی ہیں، حکومت نوجوان کے جاں بحق ہونے کی تحقیقات کرے، شاہدخاقان وزیراعظم بنے تو ملاقات میں دھرنوں پر مشورے دیئے۔
میں کوئی پناہ گزین نہیں،گھر پر حملہ عزت پر حملہ سمجھتا ہوں
مسلم لیگ ن کے رہنما نے مزید کہا کہ میں کوئی پناہ گزین نہیں،گھر پر حملہ عزت پر حملہ سمجھتا ہوں، میرےگھر کے باہر گارڈز لوگوں کو جمع ہونے سے روک رہے تھے، میرے گھرکے باہرتوڑ پھوڑ کرنے والوں میں شرپسند عناصر تھے۔
سابق وزیرداخلہ کا کہنا تھا کہ نئے سیاسی گٹھ جوڑ پر یہی کہتا ہوں بدلتا ہے رنگ آسماں کیسےکیسے، قوم دیکھے لوگ ایک دوسرے کو کیا کہتے تھے اور آج ایک ساتھ ہیں۔
انھوں نے کہا کہ نوازشریف کا کیس عدلیہ میں ہے، میرا مؤقف ہے پوری عدلیہ کو ہرگز ٹارگٹ نہیں کرناچاہیے، فوج کو بھی بغیر کسی وجہ کے ٹارگٹ نہیں کرنا چاہیے۔
ن لیگ کو اپنے موجودہ بیانیے سے الیکشن میں بہت نقصان ہوگا
جاوید ہاشمی کی دوبارہ ن لیگ میں شمولیت سے متعلق چوہدری نثار کا کہنا تھا کہ جاویدہاشمی کیلئے پارٹی کے دروازےکھلنےچاہئیں، جاوید ہاشمی میری وجہ سے پارٹی چھوڑ کر نہیں گئے، ن لیگ کو اپنے موجودہ بیانیے سے الیکشن میں بہت نقصان ہوگا۔
ن لیگی رہنما نے کہا کہ میری تمام حمایت اورنیک خواہشات اپنی پارٹی کےساتھ ہیں، پنجاب ہائی کورٹ کے بنچ نے فیصلہ کیا رپورٹ پبلک کی جائے، ہائی کورٹ نےکچھ نکات بھی اپنےفیصلے کے ساتھ رکھے ہیں۔
سابق وزیرداخلہ کا کہنا تھا کہ ہوش کی ضرورت ہے بیانات سے معاملات حل نہیں ہوتے، ن لیگ کی حکومت کووسیع ترمشاورت کی ضرورت ہے، پاکستان کوآج درپیش خطرات پہلےنہ تھے، ملک میں اتفاق رائےکی ضرورت ہےلیکن انتشارہورہاہے۔
سینیٹ الیکشن ہو بھی گیا تو ن لیگ کی اکثریت نہیں آئے گی
چوہدری نثار نے کہا کہ غیب کا علم شیخ رشید کے پاس ہے میرےپاس تونہیں ہے، سینیٹ الیکشن ہو بھی گیا تو ن لیگ کی اکثریت نہیں آئے گی، سینیٹ الیکشن روکنے کی روایت پڑ گئی تو یہ ملک کیلئے تباہ کن ہوگا۔
اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئرکریں۔
