اسلام آباد: حکومت اور اپوزیشن کے درمیان نگراں وزیراعظم کے نام پر ڈیڈ لاک تاحال برقرار ہے، اس معاملے پر وزیر اعظم اور اپوزیشن لیڈر کی آج ہونے والی بڑی بیٹھک منسوخ ہوگئی.
تفصیلات کے مطابق شاہد خاقان عباسی اور خورشید شاہ کی ملاقات منسوخ کر دی گئی ہے، جس کے بعد معاملہ کھٹائی میں پڑنے کا خدشہ پیدا ہوگیا ہے.
اس معاملے میں میڈیا سے بات کرتے ہوئے خورشید شاہ نے کہا آج وزیر اعظم سے ملاقات ہونا تھی، لیکن نہیں ہو سکی ہو سکتا ہے پارلیمانی کمیٹی کے لیے 2 نام اسپیکر کو بجھوا دوں.
خورشید شاہ نے کہا کہ نوید قمر اور شیری رحمان پارلیمانی کمیٹی میں شامل ہوں گے، اب وزیراعظم سے نگراں وزیراعظم کے معاملے پر ملاقات نہیں ہوگی.
اپوزیشن لیڈر کا کہنا تھا کہ وزیراعظم شاہد خاقان عباسی نگراں وزیر اعظم کے ناموں کے معاملے پر اپنی بات سے پھر گئے ہیں، ہمیں کہا گیاججز کو نگراں وزیراعظم کے نام میں شامل نہیں کیا جائے گا، ہم بھی ججز کے نام دینا چاہتے تھے لیکن نہیں دیے.
تجزیہ کاروں کے مطابق جوں جوںوقت گزر رہا ہے، متفقہ نگراں وزیر اعظم لانے کا امکان معدم پڑتا جا رہا ہے.
شاہد خاقان اورخورشید شاہ کی ملاقات، نگراں وزیراعظم کے نام کا فیصلہ آج ہوگا
