ARYNews.tv | Urdu – Har Lamha Bakhabar

Tag: سابق وزیر خارجہ

  • پانی کو ہتھیار کے طور پر استعمال کرنا اعلان جنگ کے مترادف ہوگا، بلاول بھٹو

    پانی کو ہتھیار کے طور پر استعمال کرنا اعلان جنگ کے مترادف ہوگا، بلاول بھٹو

    لندن: سابق وزیر خارجہ بلاول بھٹو زرداری کی قیادت میں پاکستان کا اعلیٰ سطحی وفد امریکا کا دورہ مکمل کرکے لندن پہنچ گیا ہے۔ جہاں غیر ملکی چینل کو ایک انٹرویو میں اُن کا کہنا تھا کہ پانی کو ہتھیار کے طور پر استعمال کرنا اعلان جنگ کے مترادف ہوگا۔

    غیر ملکی ٹی وی چینل کو انٹرویو کے دوران سابق وزیر خارجہ بلاول بھٹو کا کہنا تھا کہ جارحانہ رویے اور سندھ طاس معاہدے کی ممکنہ معطلی پر شدید تحفظات ہیں۔

    انہوں نے واضح کیا کہ بھارت سندھ طاس معاہدے کو یکطرفہ طور پر معطل نہیں کر سکتا، اور ایسا کوئی بھی اقدام عالمی قوانین کی سنگین خلاف ورزی تصور ہوگا۔

    بلاول بھٹو نے کہا کہ پانی کو ہتھیار کے طور پر استعمال کرنا اعلان جنگ کے مترادف ہوگا، پاکستان ایک ذمہ دار ایٹمی ریاست ہے اور ہمیشہ امن کے پیغام کا علمبردار رہا ہے۔

    بلاول کا کہنا تھا کہ تمام مسائل کا مستقل اور پائیدار حل مسئلہ کشمیر سے جڑا ہوا ہے۔ پاکستان نے ہمیشہ سفارت کاری سے مسائل کے حل کی بات کی۔ لیکن پانی جیسے بنیادی انسانی حق پر کسی قسم کا کوئی سمجھوتہ نہیں ہوسکتا۔

    اُنہوں نے کہا کہ پاکستان خطے میں امن و استحکام کا خواہاں ہے، لیکن خودمختاری، آبی حقوق اور کشمیری عوام کے حق خود ارادیت پر کوئی سمجھوتہ نہیں ہو سکتا۔

    بلاول کا کہنا تھا کہ پاک بھارت جنگ بندی کیلئے صدر ٹرمپ کے کردار کو سراہتے ہیں، بھارت نے آج تک نہیں بتایا کہ پہلگام واقعہ کس نے کیا اور کون لوگ تھے۔

    بلاول بھٹو کی قیادت میں اعلیٰ سطحی وفد امریکا کا دورہ مکمل کرکے لندن پہنچ گیا

    تمام مسائل کا حل کشمیر سے ہوکر ہی نکلتا ہے، بھارت مس انفارمیشن اور ڈس انفارمیشن پھیلا رہا ہے، بانی پی ٹی آئی سے متعلق اُنہوں نے کہا کہ ان کا فیصلہ عدالتیں ہی کریں گی۔

  • بھرپور مینڈیٹ ملے گا تو بیساکھیوں کی ضرورت نہیں پڑے گی، شاہ محمود قریشی

    بھرپور مینڈیٹ ملے گا تو بیساکھیوں کی ضرورت نہیں پڑے گی، شاہ محمود قریشی

    لاہور: پاکستان تحریک انصاف کے مرکزی سینیئر وائس چیئرمین شاہ محمود قریشی نے کہا ہے کہ امید ہے بھرپور مینڈیٹ ملے گا تو بیساکھیوں کی ضرورت نہیں پڑے گی۔

    پاکستان تحریک انصاف کے مرکزی رہنما اور سابق وزیر خارجہ شاہ محمود قریشی نے میڈیا سے گفتگو کرتے ہوئے کہا کہ آج ریٹائرڈ ججز کا وفد عمران خان سے ملا، 297 ریٹائرڈ ججز نے بھی آج عمران خان سے اظہار یکجہتی کی ہے ان ججز میں بیت سے پہلے آر اوز بھی رہ چکے ہیں۔

    پاکستان تحریک انصاف کے مرکزی رہنما کا کہنا تھا کہ ملاقات میں ایسے ججز بھی تھے جو اینٹی کرپشن کے کیسز بھی دیکھتے رہے ہیں، ہم یہ دیکھ رہے ہیں کہ ہم کس طرح عام شہری کو تحفظ دے سکتے ہیں اس کے لیے رمضان المبارک میں ایک اجتماع کریں گے جس میں اصلاحات کے ایجنڈے کو آگے لے جانے پر غور کریں گے۔

    حکومت کی نیت میں فتور ہے، شاہ محمود قریشی

    انہوں نے کہا کہ ہم نے اگر معاشرے کو بہتر کرنا ہے تو رول آف لا ہونا چاہیئے، ہم جوڈیشل سسٹم کو ریفارم اور بہتر کرنا چاہتے ہیں، ہم بڑے زاویے سے عوام کی فلاح کیلئے کوشش کرنا چاہتے ہیں، ہم پرامید ہیں بھرپور مینڈیٹ ملے گا توبیساکھیوں کی ضرورت نہیں پڑے گی۔

    شاہ محمود قریشی کا کہنا تھا کہ اسمبلی کے فلور پر رانا تنویر نے جو تقریر کی اس سے میرا سر شرم سے جھک گیا، تحریک انصاف کبھی ٹیبل ٹاک سے نہیں گھبرائی ن لیگ کو  لگام ڈالنے کےلئے تیار ہیں۔

  • آج بھٹو اور نواز شریف کو یاد کرنے کا دن ہے: خواجہ آصف

    آج بھٹو اور نواز شریف کو یاد کرنے کا دن ہے: خواجہ آصف

    اسلام آباد: سابق وزیر خارجہ خواجہ آصف نے کہا ہے کہ آج ذوالفقار علی بھٹو اور نواز شریف کو یاد کرنے کا دن ہے، دو منتخب وزرائے اعظم نے پاکستان کا نام بلند کیا۔

    تفصیلات کے مطابق قومی اسمبلی اجلاس سے خطاب کرتے ہوئے ن لیگی رہنما نے کہا کہ آج یوم تکبیر ہے، جس شخص نے یہ پروگرام شروع کیا وہ پھانسی چڑھ گیا، جس نے تکمیل کی وہ جیل میں ہے۔

    خواجہ آصف کا کہنا تھا کہ آج ہم نہ نظریاتی طور پر آزاد ہیں نہ معاشی طورپر، ایوان میں بیٹھے افراد پر ملک میں جمہوریت اور نظریاتی سرحدوں کی حفاظت کا فرض عاید ہوتا ہے۔

    انھوں نے کہا کہ ہمیں آج دشمنوں نے گھیرا ہوا ہے، موقع دیا جاتا تو پاکستان معاشی طور پر مستحکم ہو چکا ہوتا، ہمیں معاشی غلام بنایا جا رہا ہے، زنجیروں میں جکڑا جا رہا ہے۔

    یہ بھی پڑھیں:  چیئرمین نیب کو بلیک میل کرنے کے واقعے پر خصوصی کمیٹی تشکیل دی جائے: خواجہ آصف

    آج نواز شریف کوٹ لکھپت جیل میں ہے اس کو یاد کرنے کا دن ہے، سلسلہ چلتا رہتا تو آج پاکستان جمہوری اور معاشی لحاظ سے نا قابل تسخیر ہوتا۔

    خیال رہے گزشتہ روز قومی اسمبلی میں خطاب کے دوران انھوں نے کہا تھا کہ میرانشاہ واقعے پر کسی نے کچھ نہیں کہا، واقعے پر کچھ نہ کہنا پارلیمنٹ کی توہین ہے، غلطیاں کرنے والے کہیں بھی ہوں ان کو سیاسی طور پر ٹھیک کریں، لوگ ایوان میں مسئلے حل کرنے کے لیے بیٹھے ہیں۔

    انھوں نے کہا کہ حکومت اس معاملے میں خاموش رہ کر افواج اور وہاں کی عوام کے ساتھ زیادتی کر رہی ہے۔

  • ٹیلرسن بیکار شے کی مانند تھے، ٹرمپ سابق وزیر خارجہ پر برس پڑے

    ٹیلرسن بیکار شے کی مانند تھے، ٹرمپ سابق وزیر خارجہ پر برس پڑے

    واشنگٹن : ڈونلڈ ٹرمپ نے سابق امریکی وزیر خارجہ کی تنقید پر رد عمل دیتے ہوئے کہا ہے کہ ریکس ٹیلرسن کند ذہن تھے اسی لیے انہیں برطرف کیا۔

    تفصیلات کے مطابق امریکی صدر ڈونلڈ ٹرمپ سابق وزیر خارجہ ریکس ٹیلرسن کی جانب سے کی گئی تنقید پر غصے سے پھٹ پڑے اور ٹیلرسن کے خلاف مغلظات بکنے لگے۔

    امریکی صدر ٹرمپ نے سماجی رابطے کی ویب سائٹ پر ٹویٹ کیا کہ سابق وزیر خارجہ انتہائی کاہل اور کند ذہن تھے جس کے باعث انہیں عہدے سے ہٹانا پڑا۔

    ٹرمپ نے ٹویٹر پر لکھا کہ ریکس ٹیلرسن کا ذہنی معیار وہ نہیں تھا جو ایک مملکت کے وزیر خارجہ کا ہونا چاہیے، وہ ایک بیکار شے کی مانند تھے، سارے معمالات اپنی مرضی سے چلاتے تھے۔

    امریکی صدر کا کہنا تھا کہ وہ پست ذہانت اور سست طبیعت کے حامل شخص تھے، انہیں برطرف کرنے کے بعد سے بہتر نتائج آنا شروع ہوئے ہیں۔

    خیال رہے کہ ریکس ٹیلرسن نے جلسے کے دوران خطاب کرتے ہوئے کہا تھا کہ ٹرمپ ایسے امور کی انجام دہی پر زور دیتےتھے جس کی قانون کی طرف سے اجازت نہیں تھی اور نہ ہی اس کام کی کوئی اہمیت ہوتی تھی۔

    سابق امریکی وزیر خارجہ نے کہا تھا کہ ڈونلڈ ٹرمپ کو بارہا سمجھایا کہ معاہدوں سے دستبرداری اور قانون کو نظر انداز کرکے کوئی کام انجام نہیں پاسکتا۔

    تقریر کے دوران ریکس ٹیلرسن نے کہا کہ میں صدر ٹرمپ کو بار بار ٹوکتا تھا جس سے وہ تنگ آچکے تھے اسی لیے انہوں نے مجھے میرے عہدے سے دست بردار کردیا۔

    ڈونلڈ ٹرمپ نے ساتھ ہی ساتھ اپنے نئے وزیر خارجہ کی تعریفوں کے پُل باندھتے ہوئے کہا کہ مائیک پومپیو نے وزارت خارجہ کو دوبارہ زندگی دی ہے۔

    مائیک پومپیو اپنی ذمہ داری بخوبی انجام دے رہے ہیں مجھے ان کی کارکردگی پر فخر ہے۔