اسلام آباد: سابق وفاقی وزیر اسد عمر کا کہنا ہے کہ روپے کی قدر میں تیزی سے کمی ہورہی ہے، ملک تباہی کے دہانے پر پہنچ رہا ہے۔
تفصیلات کے مطابق سابق وفاقی وزیر اسد عمر نے سماجی رابطے کی ویب سائٹ ٹویٹر پر اپنے ٹویٹ میں کہا کہ روپے کی قدر میں تیزی سے کمی ہورہی ہے، ڈالر 221 سے 222 روپے کی سطح پر پہنچ گیا ہے۔
اسد عمر کا کہنا تھا کہ ملک تباہی کے دہانے پر پہنچ رہا ہے۔
انہوں نے کہا کہ یہ بیرونی مداخلت کا بھیانک تجربہ خود ختم کریں گے یا سری لنکا کے عوام کی طرح پاکستانیوں کو بھی خود یہ کام کرنا پڑے گا؟
روپیہ کی قدر میں پھر تیزی سے کمی. 221-222 کا لیول پہنچ گیا ہے. ملک تباہی کے دہانے پر پہنچ رہا ہے. یہ بیرونی مداخلت کا بھیانک تجربہ خود ختم کریں گے یا شری لنکا کے عوام کی طرح پاکستانیوں کو بھی خود یہ کام کرنا پڑے گا؟
— Asad Umar (@Asad_Umar) July 19, 2022
خیال رہے کہ آج کاروباری دن کا آغاز ہونے کے بعد چند گھنٹوں میں ڈالر کی قیمت میں 5 روپے 80 پیسے اضافہ ہوا۔
5 روپے اضافے کے بعد انٹر بینک مارکیٹ میں ڈالر 221 روپے پر پہنچ گیا جبکہ اوپن مارکیٹ میں ڈالر 221 سے 222 روپے میں فروخت ہورہا ہے۔
