کراچی: قومی کرکٹ ٹیم کے سابق فاسٹ بولر محمد مناف 84 برس کی عمر میں انتقال کرگئے۔
اے آر وائی نیوز کے مطابق سابق پاکستانی فاسٹ بولر محمد مناف 84 برس کی عمر میں ایمسٹرڈیم میں رضائے الٰہی سے انتقال کرگئے، پاکستان کرکٹ بورڈ نے ان کے انتقال پر تعزیت کا اظہار کیا ہے۔
محمد مناف نے چار ٹیسٹ میں ملک کی نماندگی کی، چیئرمین پی سی بی احسان مانی کا کہنا تھا کہ مناف نے پاکستان کی فرسٹ کلاس کرکٹ میں بہت نام بنایا۔
PCB offers condolence on demise of Mohammad Munafhttps://t.co/C3ALiFPkaA pic.twitter.com/ztKsklqe8t
— PCB Media (@TheRealPCBMedia) January 29, 2020
احسان مانی کا کہنا تھا کہ محمد منافب کے انتقال کا دکھ ہے اللہ ان کے درجات بلند فرمائے اور لواحقین کو صبر جمیل عطا فرمائے۔
محمد مناف نے ٹیسٹ میچ میں ڈیبیو نومبر 1959 میں لاہور میں آسٹریلوی ٹیم کے خلاف کیا، انہوں نے آسٹریلیا کے علاوہ انگلینڈ کے خلاف میچ میں بولنگ کے فرائض انجام دئیے۔
سیدھے ہاتھ کے گیند باز محمد مناف نے 71 فرسٹ کلاس میچز کھیلے جس میں انہوں نے سندھ، کراچی اور پاکستان انٹرنیشنل ایئرلائن کی نمائندگی کی اور 180 کھلاڑیوں کو پویلین کی راہ دکھائی۔