Tag: سابق ڈی جی آئی ایس پی آر عاصم باجوہ

  • امن کے مشترکہ قومی سفر میں پاکستانی میڈیا کا شکر گزار ہیں: آئی ایس پی آر

    امن کے مشترکہ قومی سفر میں پاکستانی میڈیا کا شکر گزار ہیں: آئی ایس پی آر

    اسلام آباد: پاک فوج کے شعبہ تعلقات عامہ (آئی ایس پی آر) نے امن کے مشترکہ سفر میں پاکستانی میڈیا کے بھرپور تعاون پر شکریہ کا پیغام دے دیا۔

    تفصیلات کے مطابق پاک فوج نے پاکستان میں امن کی کوششوں اور قوم کو دہشت گردوں سے پاک کرنے کے سفر میں میڈیا کے کردار کو سراہا اور شکریہ ادا کیا۔

    آئی ایس پی آر کا کہنا ہے کہ امن کے مشترکہ قومی سفر میں میڈیا کے تعاون کے شکر گزار ہیں، بطور قوم دیر پا امن کے لیے یہ سفر مزید آگے بڑھائیں گے۔

    پاکستان، سعودی عرب اور متحدہ عرب امارات کے تعلقات اہم ہیں: ڈی جی آئی ایس پی آر

    ترجمان پاک فوج کے کا کہنا تھا کہ اقوام عالم میں دنیا ہمیں درست نظر سے مثبت طور پر دیکھے، پاکستان امن کی سرزمین ہے، دہشت گردوں کا کوئی ٹھکانہ نہیں۔

    خیال رہے کہ آج بین الا قوامی میڈیا سے گفتگو کرتے ہوئے ڈی جی آئی ایس پی آر میجر جنرل آصف غفور نے کہا تھا کہ پاکستان نے دہشت گردی کے خاتمے کے لیے بھاری قیمت ادا کی ہے، ملک میں دہشت گرد گروپ کا کوئی وجود نہیں، ہم نے پچھتر ہزار سے زائد جانوں کا نذرانہ پیش کیا ہے۔

    پاکستان میں دہشت گرد گروپ کا کوئی وجود نہیں: ڈی جی آئی ایس پی آر

    ان کا مزید کہنا تھا کہ پاکستان بھارت سے مسئلہ کشمیر سمیت تمام ایشوز مذاکرات سے حل کرنا چاہتے ہے ملک میں کسی دہشت گرد گروپ کا وجود نہیں ہے، دہشت گردوں کے خاتمے میں خطے کو ایک سو تئیس ارب ڈالر سے زائد کا معاشی نقصان ہوا۔


    خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں۔

  • میجرجنرل آصف غفور نےڈی جی آئی ایس پی آر کا عہدہ سنبھال لیا

    میجرجنرل آصف غفور نےڈی جی آئی ایس پی آر کا عہدہ سنبھال لیا

    راولپنڈی : نئے ڈی جی آئی ایس پی آر میجر جنرل آصف غفور نے سابق ڈی جی آئی ایس پی آر جنرل عاصم باجوہ کی جگہ اپنے عہدے کا باقاعدہ چارج سنبھال لیا ہے۔

    پاک فوج کے شعبہ تعلقات عامہ آئی ایس پی آر کے مطابق لیفٹیننٹ جنرل عاصم سلیم باجوہ نے آئی ایس پی آر کا چارج نئے ڈی جی میجر جنرل آصف غفور کے حوالے کردیا ہے۔

    اس موقع پر لیفٹیننٹ جنرل عاصم سلیم باجوہ کا کہنا تھا کہ ہم دنیا کی بہترین قوم ہیں اور ہماری مسلح افواج نا قابل تسخیر ہیں۔

    انہوں نے کہا کہ چار سال 7 ماہ تک ڈی جی آئی ایس پی آر رہنے اور دہشت گردی کے خلاف جنگ میں پاک فوج کی نمائندگی پر فخر ہے۔

    انہوں نے نئے ڈی جی آئی ایس پی آر میجر جنرل آصف غفور کےلئے نیک تمناﺅں کا اظہار کیا اور سب کا بالخصوص دہشتگردی کے خلاف جنگ میں میڈیا کی غیر متزلزل حمایت کا شکریہ بھی ادا کیا۔

    اس موقع پر میجر جنرل آصف غفور نے عاصم باجوہ کا شکریہ ادا کیا اور پاک فوج زندہ باد اور پاکستان پائندہ باد کا نعرہ لگایا۔