پاکستان کی معروف اداکارہ ثنا جاوید اور پاکستان کرکٹ ٹیم کے سابق کپتان شعیب ملک نے شادی کرلی۔
– Alhamdullilah ♥️
"And We created you in pairs" وَخَلَقْنَاكُمْ أَزْوَاجًا pic.twitter.com/nPzKYYvTcV
— Shoaib Malik 🇵🇰 (@realshoaibmalik) January 20, 2024
سابق کپتان قومی کرکٹ ٹیم شعیب ملک نے دوسری شادی کرلی، سوشل میڈیا پر اداکاری ثنا جاوید اور شعیب ملک نے تصویر کے ساتھ یہ خبر شیئر کی ہے۔
View this post on Instagram
شعیب ملک نے سوشل میڈیا اکاؤنٹ پر شادی کی تصویر کے ساتھ کیپشن الحمدللہ اور ساتھ ہی قرآن شریف کی آیت لکھا ہے جبکہ اداکارہ ثنا جاوید نے انسٹاگرام پر تصاویر شیئر کی ہے۔
اداکارہ ثنا جاوید نے شادی کے بعد انسٹاگرام پر نام بھی تبدیل کرلیا، انہوں نے انسٹاگرام پر ’ثنا شعیب ملک‘ لکھا ہے۔
واضح رہے کہ سال 2020 میں ثناء جاوید اور عمیر جسوال نے اپنی انسٹاگرام پوسٹ کے ذریعے اپنی شادی کا اعلان کیا تھا، ان کے درمیان طلاق کی افواہیں اس وقت سامنے آئیں جب عمری جیسوال ثنا جاوید کے بغیر عمرے کی سعادت کرنے مکہ مکرمہ گئے تھے۔
دوسری جانب شعیب ملک اور ثانیہ مرزا نے 13 سال قبل اپریل 2010 میں شادی کی تھی، شادی کے 8 سال بعد 30 اکتوبر 2018 کو ان کے ہاں پہلے بیٹے کی پیدائش ہوئی تھی۔
دونوں کے درمیان علیحدگی اور طلاق کی افواہیں ابتدائی طور پر دسمبر 2022 میں بھارتی میڈیا میں شائع ہوئی تھیں اور شوبز ویب سائٹس نے مستند ذرائع کا حوالہ دیے بغیر قیاس آرائیاں کی تھیں کہ ان کے درمیان اختلافات ہوگئے۔
کئی ماہ سے طلاق کی افواہیں گردش کرنے کے بعد دونوں نے باضابطہ طور پر اس حوالے سے نہ تصدیق کی اور نہ تردید کی ہے۔
