شکار پور : پولیس نے شکار پور میں دہشت گردی کی بڑی کارروائی کو ناکام بنا دیا۔سات دہشت گردوں سمیت سو کلو بارودی مواد اور اسلحہ برآمد کرلیا۔
تفصیلات کے مطابق شکار پور بڑی دہشت گردی سے بچ گیا ۔۔پولیس نے خفیہ اطلاع پر چھاپہ مار کر چار دہشت گردوں کو گرفتار کرلیا۔
دہشت گردوں کے قبضے سے سو کلو بارودی مواد ،اسلحہ اور دیگر اشیا برآمد کرلی گئیں۔ پولیس نے دو ماہ قبل گرفتار علامہ شفقت مطہری کے قتل میں مطلوب ملزم اکرم معاویہ کی نشاندہی پر کارروائی کرکے دہشت گردوں کو گرفتار کیا۔
پولیس کا کہنا ہے کہ ملزمان شکارپور کے ماڑی حجن شاہ میں بم دھماکہ اور سابق ایم این اے ڈاکٹر ابراہیم جتوئی پر خود کش حملے میں ملوث رہے ہیں۔
پولیس نے ملزمان کی پشت پناہی کرنے والے چار بااثر افراد کے نام معلوم کرلئے ہیں جو بلوچستان میں روپوش ہیں۔
