ریاض: یمن کی سرحد سے سعودی عرب پر حملے میں سات افراد جاں بحق اور دس سے زائد افراد زخمی ہوگئے۔
سعودی اسٹیٹ ٹیلی ویژن کے مطابق یمن کی سرحد سے سعودی عرب کے شہر نجران پر حوثی قبائل نے میزائل حملہ کیا ہے جس کے نتیجے میں سات افراد جاں بحق ہوگئے جن میں چار سعودی اور تین غیر ملکی شہری شامل جب کہ زخمیوں کی تعداد علیحدہ ہے۔
خبر رساں ادارے نے سعودی ٹی وی کے حوالے سے بتایا کہ حوثی قبائل نے حملہ نجران کے صنعتی علاقے میں کیا جو سرحد کے قریب واقع ہے
انقرہ : آرمی ہیلی کاپٹر خراب موسم کےباعث شمال مشرقی ترکی کے بحیرہ اسود کے علاقے میں گر کر تباہ،حادثے میں سات افراد جاں بحق ہوگئے.
تفصیلات کے مطابق آرمی ہیلی کاپٹر خراب موسم کےباعث شمال مشرقی ترکی کے بحیرہ اسود کے علاقے میں گر کر تباہ،ہیلی کاپٹر میں فوجی افسران کی بیویاں اور بچے بھی موجود تھے،حادثے میں سات افراد جان کی بازی ہار گئے.
ترکی کے وزیراعظم بن علی یلدرم کےمطابق حادثہ خراب موسم کے باعث پیش آیا.
ہیلی کاپٹر میں آٹھ اعلیٰ فوجی افسران اور ان کے اہلخانہ سمیت پندرہ مسافر سوار تھے،ابھی تک مرنےوالوں کی شناخت نہیں ہوسکی.
آرمی ہیلی کاپٹر میں ایک بریگیڈیرجنرل،کرنل،دو میجر بھی موجود تھے،حادثے کے بعد امدادی کارروائیاں جاری ہیں.