Tag: سارو گنگولی

سابق بھارتی کپتان سارو گنگولی حادثے کا شکار ہوگئے سڑک حادثے میں ان کی گاڑی سے دوسری گاڑی ٹکرا گئی۔

بھارتی میڈیا کے مطابق یہ حادثہ مغربی بنگال کے ضلع ہردوان میں دُرگاپور ایکسپریس وے پر پیش آیا جہاں سارو گنگولی سفر کر رہے تھے۔ مذکورہ سڑک پر اچانک ٹرک سامنے آنے کے بعد بریک لگانے سے پیچھے کئی گاڑیاں آپس میں ٹکرا گئیں۔

ان گاڑیوں میں سابق بھارتی کپتان سارو گنگولی کی کار بھی شامل تھے۔ سابق کرکٹر جو ایک پروگرام میں شرکت کے لیے اپنی ٹیم کے ہمراہ وہاں سے گزر رہے تھے۔ ٹرک

سامنے آجانے سے اچانک بریک لگنے کے سبب پیچھے سے ایک گاڑی ان کی کار سے ٹکرا گئی۔
رپورٹ کے مطابق اس حادثے میں سارو گنگولی سمیت ان کے کسی ساتھی کو کوئی چوٹ نہیں آئی اور وہ سب محفوظ رہے۔ تاہم ان کے قافلے میں شامل دو گاڑیاں شدید متاثر ہوئیں۔

حادثے کے بعد پولیس وہاں پہنچ گئی، جس نے راستہ کلیئر کرایا او راس کے بعد گنگولی اپنی منزل کی جانب روانہ ہوگئے۔

https://urdu.arynews.tv/rajkummar-rao-to-play-sourav-ganguly-in-biopic/

بھارتی کرکٹ ٹیم کے سابق کپتان سارو گنگولی چاہتے ہیں کہ آئی سی سی ورلڈکپ کے سیمی فائنل میں نیوزی لینڈ کی جگہ پاکستان بھارتی ٹیم کا سامنا کرے.

بھارتی چینل پر گفتگو کے دوران ان کا کہنا تھا کہ میری خواہش ہے کہ پاکستان سیمی فائنل کے لیے کوالیفائی کرے۔ اگر شوپیس ایونٹ میں پاکستان اور بھارت کی ٹیمیں سیمی فائنل میں ایک دوسرے کے مدمقابل ہوں گی تو اس سے بڑا میچ کوئی نہیں ہوگا۔

بھارتی بورڈ کے سابق سربراہ سارو گنگولی کا کہنا تھا کہ بھارتی ٹیم اگرچہ ورلڈ کپ میں شاندار کھیل رہی ہے لیکن ہماری ٹیم ورلڈکپ نہ جیتے تو میں حیران نہں ہوں گا۔

سارو گنگولی نے اپنے خیالات کا اظہار کرتے ہوئے کہا کہ کرکٹ میں کچھ بھی ممکن ہے، بھارتی ٹیم کی کارکردگی اتنی تیزی سے نہیں گرے گی۔ ہمارتی ٹیم ورلڈ کپ میں بہت شاندار دکھائی دے رہی ہے، بھارت ایسے ہی کھیلتا رہے گا ۔

شوپیس ایونٹ میں اگر گرین شرٹس سیمی فائنل میں پہنچتے ہیں تو ان کا سامنا میزبان بھارت سے ہوگا، تاہم اگر نیوزی لینڈ نے سری لنکیا کو شکست دے دی تو پاکستان کے لیے سیمی فائنل میں پہنچنے بہت مشکل ہوجائے گا۔

واضح رہے کہ آئی سی سی ایونٹ میں پاکستان کا آخر گروپ میچ 11 نومبر ہفتے کو انگلینڈ کے خلاف شیڈول ہے۔

بھارت کے سابق کپتان اور بی سی سی آئی چیف سارو گنگولی بھارت کے خلاف گرین شرٹس کی واجبی کارکردگی سے کافی مایوس نظر آتے ہیں۔

آئی سی سی کرکٹ ورلڈکپ میں بھارت کے ہاتھوں عبرتناک شکست پر اظہار خیال کرتے ہوئے سارو گنگولی کا کہنا تھا کہ اس طرح کی ہار کے بعد پاکستان کا عالمی کپ میں کم بیک کرنا مشکل ہے۔ ہمارے زمانے میں پاکستان کی ٹیم کافی مختلف ہوا کرتی تھی۔

بھارتی میڈیا کو انٹرویو انھوں نے کہا کہ ان کی موجودہ ٹیم بیٹنگ کے دوران دباؤ کو جھیلنے کی صلاحیت نہیں رکھتی۔ گرین شرٹس کی موجودہ پلئینگ الیون میں جذبے کی کمی نظر آتی ہے۔

سابق بھارتی اوپنر نے کہا کہ ایک مرحلے پر پاکستان کے 155 پر صرف 2 کھلاڑی آؤٹ تھے پھر پوری ٹیم 191 کے اسکور پر پویلین لوٹ گئی جس سے ظاہر ہوتا ہے کہ بھارتی ٹیم پاکستان سے بہت آگے ہے۔

انھوں نے ماضی کو یاد کرتے ہوئے بتایا کہ ہمارے دور میں پاکستان کی ٹیم یکسر مختلف تھی، موجودہ ٹیم بیٹنگ کے دوران دباؤ کو برداشت نہیں کر سکتی، پاکستانی ٹیم کے لیے شوپیس ایونٹ میں کم بیک کرنا مشکل ہوگا۔

عالمی کپ میں قومی کرکٹ ٹیم جمعے کو آسٹریلیا کے خلاف گراؤنڈ میں اترے گی، پاکستان نے ایونٹ کے3 میچز میں سے 2 میں فتح حاصل کی جبکہ بھارت ٹیم بری طرح ناکام رہی تھی۔

دوسری جانب آسٹریلیا نے تین میچز میں صرف ایک فتح حاصل کررکھی ہے جبکہ انہیں ٹورنامنٹ میں واپسی کیلئے پاکستان لازمی شکست دینا ہوگی۔

نئی دہلی: بھارت کرکٹ کنٹرول بورڈ (بی سی سی آئی) کے سابق صدر سارو گنگولی نے کہا ہے کہ ویرات کوہلی کا ٹیسٹ کپتانی سے دستبردار ہونے کا اقدام غیر متوقع تھا۔

بھارتی نیوز چینل کے ساتھ ایک حالیہ انٹرویو میں بی سی سی آئی کے سابق صدر سارو گنگولی نے انکشاف کیا ہے کہ بورڈ کوہلی کے بطور ٹیسٹ کپتان استعفیٰ لینے کے لیے تیار نہیں تھا۔

2021 میں ویرات کوہلی کے ٹی ٹوئنٹی فارمیٹ میں کپتانی کے عہدے سے استعفیٰ دینے کے بعد اس وقت کے بھارت بورڈ کے صدر سارو گنگولی نے کہا تھا کہ ’ہم نے ویرات سے درخواست کی تھی کہ وہ ٹی ٹوئنٹی کی کپتانی سے دستبردار نہ ہوں لیکن وہ کپتانی جاری نہیں رکھنا چاہتے تھے‘۔

لیکن اسی کے بعد ویرات کوہلی نے یہ دعویٰ کیا تھا کہ ان سے کبھی بھی ٹی ٹوئنٹی کے کپتان رہنے کی درخواست نہیں کی گئی جس کے بعد سارو گنگولی نے کہا تھا کہ ویرات کوہلی کے معاملے پر ہم کوئی بیان نہیں دیں گے اور نہ ہی کوئی پریس کانفرنس کریں گے، ہم اس سب سے مناسب طریقے سے نمٹیں گے۔

بھارت کی شکست پر انوشکا شرما تنقید کا نشانہ بن گئیں

تاہم اب انٹرویو بی سی سی آئی کے سابق صدر سارو گنگولی نے کہا کہ بی سی سی آئی ویرات کوہلی کے ٹیسٹ کپتانی چھوڑنے کے لیے تیار نہیں تھا، یہ ہمارے لیے بھی جنوبی افریقہ کے دورے کے بعد غیر متوقع تھا۔

انہوں نے کہا کہ ٹیسٹ کپتانی چھوڑنے کے حوالے سے صرف ویرات کوہلی ہی بتا سکتے ہیں کہ انھوں نے کپتانی کیوں چھوڑی۔ اس بارے میں اب بات کرنے کا کوئی فائدہ نہیں کیونکہ ویرات کوہلی نے کپتانی چھوڑ دیا تھا۔

گنگولی نے کہا کہ وہرات کے اس فیصلے کے بعد سلیکٹرز کو بھارتی کپتان کا تقرر کرنا ہی تھا اور روہت شرما اس وقت بہترین آپشن تھا۔

یاد رہے کہ گنگولی کے تازہ ترین ریمارکس ایسے وقت میں سامنے آئے ہیں جب سوشل میڈیا پر کچھ مداح ورلڈ ٹیسٹ چیمپئن شپ کے فائنل میں آسٹریلیا کے ہاتھوں بھارت کی حالیہ شکست کے تناظر میں کوہلی کو ٹیسٹ کپتان کے طور پر بحال کرنے کا مطالبہ کر رہے ہیں۔

دلبرداشتہ کوہلی ٹیسٹ کپتانی سے بھی مستعفی

واضح رہے کہ 2021 میں ویرات کوہلی نے ورلڈ کپ سے پہلے ٹی ٹوئنٹی فارمیٹ سے ٹیم اندیا کے کپتان کے عہدے سے استعفیٰ دیدیا تھا بعد میں جنوبی افریقہ کے دورے سے قبل بھارت بورڈ نے انہیں  ون ڈے ٹیم کے کپتان سے ہٹا دیا تھا ساتھ ہی بورڈ نے ٹی ٹوئنٹی اور ون ڈے کے لیے ایک ہی کپتان کو ترجیح دی تھی اور وہ تھے روہت شرما۔

ویرات کوہلی کی قیادت کے سفر میں سب سے زیادہ سنسنی خیز موڑ جنوری 2022 میں آیا، جب ساؤتھ افریقہ کے خلاف ٹیسٹ سیریز ہارنے کے چند ہی گھنٹے بعد کوہلی نے کپتانی چھوڑ دی۔

بھارت کے سابق کپتان ویرات کوہلی اپنے 7 سالہ کپتانی کے دور میں ریڈ بال کرکٹ میں ٹیم انڈیا کے سب سے کامیاب کپتان بن کر ابھرے۔

ویرات کوہلی اور بھارتی بورڈ کے درمیان اختلافات کھل کر سامنے آگئے

 68 ٹیسٹ میچ میں ٹیم کی قیادت کرنے کے بعد کوہلی نے 40 میچوں میں فتح حاصل کی۔ ان کی جیت کا تناسب غیر معمولی 58.82 تھا۔

ایم ایس دھونی کو پیچھے چھوڑتے ہوئے کوہلی 2019 میں سب سے کامیاب بھارتی ٹیسٹ کپتان بن گئے تھے۔

 جب کوہلی نے ریڈ بال کرکٹ میں اپنی قائدانہ ذمہ داریوں سے دستبردار ہوئے تو وہ ٹیسٹ کرکٹ کی تاریخ میں تیسرے سب سے کامیاب کپتان تھے۔