اسلام آباد: وزیرِاعظم نواز شریف کی سارک سربراہ کانفرنس میں انوکھی فرمائشیں کرڈالی۔
وزیرِاعظم نوازشریف کا دورۂ کھٹمنڈو فرمائشوں سے بھرپور رہا، پہلے پہل تو پی ایم صاحب نے اپنے طیارے میں جانے کے بجائے پی آئی اے کے وی آئی پی بوئنگ 777 کی فرمائش کی، پھر جب کھٹمنڈو پہنچے تو وہاں بھی پاکستان سے لائی گئی اپنی بلٹ پروف کار میں جانے کی ٹھانی اور جب کار ملی تب ہی سفر کیا۔
جب وطن واپسی ہوئی تو عین روانگی کے وقت جوس اور ڈرائی فروٹ کھانے کا موڈ ہوا، اس انوکھی فرمائش پر پی آئی اے حکام کی دوڑیں لگ گئیں، بڑی مشکل سے وزیرِاعظم کی فرمائش پوری کرنے کے لئے پی آئی اے حکام دیگر ایئر لائنز کی منتیں کرتے رہے۔
بڑی مشکل سے بیس لیٹر پائن ایپل جوس اور ڈرائی فروٹس ملے تو جہاز روانہ ہوا، شکر ہے ہمارے وزیراعظم کا نیپال کا دورہ مختصر رہا، ورنہ فرمائشی پروگرام طویل ہوتے تو انتظامیہ کی دوڑیں ہی لگتی رہیں۔
