Tag: سارہ نیلم

شوبز انڈسٹری کی ماڈل و اداکارہ سارہ نیلم کا کہنا ہے کہ میں درفشاں سلیم بننا چاہتی ہوں۔

اے آر وائی زندگی کے پروگرام ’دی نائٹ شو ود ایاز سموں‘ میں ماڈل و اداکار سارہ نیلم نے شرکت کی اور سیگمنٹ ’ صرف غلط جواب‘ میں مختلف سوالات کے جوابات دیے۔

میزبان نے پوچھا کہ سارہ کیا کرتی ہیں؟ انہوں نے کہا کہ ’سارہ بہت فضول باتیں کرتی ہے۔‘ انہوں نے پہلے کرش کے سوال میں اسامہ خان کا نام لیا۔

سارہ نیلم سے پوچھا گیا کہ آپ کس جیسی بننا چاہتی ہوں؟ انہوں نے کہا کہ میں درفشاں جیسی بننا چاہتی ہوں، ایاز سموں نے پوچھا کہ یہ غلط جواب ہے جس پر انہوں نے کہا کہ جی بالکل یہ غلط جواب ہی دیا ہے۔

انہوں نے کہا کہ ابھی دس کروڑ مل جائیں تو ایک رات میں سارا ختم کردوں گی۔

اداکارہ نے کہا کہ میرا پسندیدہ اداکار آج کل سمیع خان ہیں، مجھے پیاری شکلوں سے عشق ہے جبکہ زندگی میں سب کو دھوکا ضرور دینا چاہیے۔

سارہ نیلم نے کہا کہ پسندیدہ جگہ دبئی ہے کیونکہ سن سن کر لوگوں سے تنگ آگئی ہوں۔

انہوں نے کہا کہ دوحہ جانے کا پلان ہے اور بہت جلد جاؤں گی جبکہ تھائی لینڈ جانے کی بھی خواہش ہے۔

شوبز انڈسٹری کی ابھرتی ہوئی اداکارہ سارہ نیلم کا کہنا ہے کہ امیر نہیں عزت کرنے والے لڑکے سے شادی کروں گی۔

اے آر وائی زندگی کے پروگرام ’دی نائٹ شو ود ایاز سموں‘ میں اداکارہ و ماڈل سارہ نیلم نے شرکت کی اور اس دوران جیون ساتھی سے متعلق اظہار خیال کیا۔

میزبان نے پوچھا کہ اگر کوئی لڑکا تعریف کرے تو کیا فیڈ بیک دیتی ہیں؟

اداکارہ نے کہا کہ انسٹاگرام پر بہت فضول پیغام آتے ہیں اور لوگ مجھے کافی پینے کے لیے بلاتے ہیں، کوئی کہتا ہے شادی کرلیں، رشتہ کہاں بھیجوں۔

انہوں نے کہا کہ عزت کرنے والے لڑکا ہونا چاہیے ایسے شخص سے شادی کروں گی جو دکھنے میں بھی پیارا نہ ہو لیکن عزت کرنے والا ہونا چاہیے۔

سارہ نیلم نے کہا کہ جو لڑکے خوبصورت ہوتے ہیں ان میں بہت انا ہوتی ہے لڑکی اس کے مقابلے میں اچھی ہوگی تو زیادہ ٹھیک ہے۔

اداکارہ نے کہا کہ جیون ساتھی کا ڈریسنگ سینس اچھا ہونا چاہیے جب میں اس کے ساتھ باہر نکلوں تو لوگ بولے کہ کیا جوڑی ہے۔

سارہ نیلم کا کہنا تھا کہ مجھے لگتا ہے کہ خوبصورتی چہرے سے نہیں ڈریسنگ سینس سے ہوتی ہے اگر کپڑے پہننے کا ڈھنگ ہو تو مناسب قیمت کے کپڑے بھی اچھے لگتے ہیں۔