Tag: سالار

ساؤتھ سپر اسٹار پربھاس اور پرشانت نیل کی حالیہ ریلیز ہونے والی فلم ’سالار‘ نے باکس آفس پر تہلکہ مچادیا ہے، اب فلم کے دوسرے حصے کا نام بھی سامنے اآگیا.

ایکشن انٹرٹینر کو ناقدین اور مداحوں کی جانب سے کافی سراہا جارہا ہے، ’سالار‘ کے آخر میں، فلم میکرز نے اس کے دوسرے حصے کے ٹائٹل کو ظاہر کیا ہے۔ ریلیز سے قبل انٹرویوز کے دوران ہدایت کار پرشانت نیل نے بتایا تھا کہ دوسرے حصے کی شوٹنگ ابھی باقی ہے اور اس پر کام بعد میں شروع کیا جائے گا۔

فلم میکرز نے ’سالار’ کو دو حصوں میں ریلیز کرنے فیصلہ تھا۔ میکرز نے اس بات کا اعلان اس وقت ہی کردیا تھا جب سال کے شروع میں فلم کا ٹیزر ریلیز کیا گیا تھا۔

فلم ’سالار‘ کے آخری مناظر دیکھ کر اس وقت مداحوں کو اس وقت خوشگوار حیرت ہوئی جب انھیں اس سیریز کی اگلی فلم کے ٹائٹل کی معلومات بھی مل گئیں۔

فلم کے دوسرے حصے کو ’سالار: پارٹ 2 – شورینگا پروم‘، واضح رہے کہ شورینگا وہ قبیلہ ہے جس سے پربھاس کا تعلق ہے۔ دوسرا حصے میں یہ دکھایا جائے گا کہ کس طرح پربھاس کا دیوا وردھا (پرتھوی راج) کا دشمن بن جاتا ہے۔

واضح رہے کہ پرشانت نیل نے فلم ’سالار: پارٹ 1 – سیز فائر‘ کو تحریر کرنے کے ساتھ ساتھ اس کی ہدایت کاری کے فرائض بھی انجام دیے ہیں۔

اس ایکشن مووی میں پربھاس، پرتھوی راج سوکمرن اور شروتی ہاسن نے اداکاری کے جوہر دکھائے ہیں جبکہ فلم کی موسیقی روی بسرور نے ترتیب دی ہے۔

فلم نے دنیا بھر میں پہلے دن 100 کروڑ سے زائد کا بزنس کیا تھا۔ تین دن کے اندر پربھاس کی فلم دنیا بھر سے 400 کروڑ بھارتی روپے سے زائد کا بنز کرچکی ہے۔

شائقین ’سالار پارٹ ون: سیز فائر‘‘ کا ٹریلر دیکھنے کے بعد بے چینی سے اس کے سینما میں ریلیز ہونے کا انتظار کررہے تھے مگر انھیں فلم دیکھنے کے لیے اب مزید انتظار کرنا پڑے گا۔

غیر ملکی میڈیا رپورٹس کے مطابق پربھاس کی فلم ’سالار‘ کی ریلیز کے حوالے سے نئی تاریخ سامنے آئی ہے، قریبی ذرائع نے انکشاف کیا کہ اب فلم کی ریلیز کو نومبر 2023 تک آگے بڑھا دیا گیا ہے۔

فلم میں پربھاس ُکے جی ایف چیپٹر ون اور ٹو‘‘ بنانے والے مشہور ہدایت کار پرشانت نیل کے ساتھ کام کررہے ہیں جس کی وجہ سے فلم بین اسے تھیٹرز میں دیکھنے کے لیے بہت پرجوش ہیں۔

گینکسٹر کی کہانی پر مبنی ایکشن تھرلر سالار کے ٹریلیر میں کے جی ایف فرنچائز کے کولار گولڈ فیلڈز کا بھی ذکر کیا گیا ہے، جس سے یہ اندازہ ہوتا کہ فلم پرشانت نیل کی ‘کے جی ایف یونیورس‘ کے آس پاس ہی گھومے گی۔

ٹریلر دیکھنے سے اندازہ ہوتا ہے کہ یہ بھی پان انڈیا فلم ہے جس میں ایسا مسالا ڈالا گیا ہے جسے بھارت بھر کے شائقین پسند کرتے ہیں، تاہم فلم کی ریلیز میں تاخیر اور نومبر 2023 کی تاریخ سامنے آنے کی خبروں نے شائقین کو تھوڑا مایوس کردیا ہے۔

واضح رہے کہ ’سالار پارٹ ون: سیز فائر‘‘ بھارتی انڈسٹری کی بڑی فلموں میں سے ایک گردانی جارہی ہے جس کی وجہ پربھاس اور پرشانت نیل کی جوڑی ہے جو کہ پہلی بار کسی فلم کے لیے یکجا ہوئی ہے۔