اسلام آباد: سالانہ 3 کروڑ روپے تک کاروبار کرنے والی کمپنیوں کو مائیکرو انٹرپرائزز کا درجہ دے کر سمیڈا کے دائرہ کار میں شامل کرلیا گیا۔
وزیراعظم شہباز شریف کی زیرصدارت اسمال اینڈ میڈیم انٹرپرائز ڈولپمنٹ اتھارٹی کی اسٹیئرنگ کمیٹی کا اجلاس ہوا، اجلاس میں سمیڈا میں اصلاحات اور اقدامات پر بریفنگ دی گئی، وزیراعظم نے کہا کہ چھوٹی اور درمیانے درجے کی صنعتیں ملکی ترقی ومعیشت میں اہم مقام رکھتی ہیں۔
وزیراعظم شہباز شریف کا کہنا تھا کہ حکومت چھوٹے اور درمیانے کاروبار کے فروغ کو ترجیحی بنیادوں پر آگے بڑھا رہی ہے۔
بریفنگ کے دوران وزیراعظم کو بتایا گیا کہ سالانہ 3 کروڑ روپے تک کاروبار کرنیوالی کمپنیوں کو مائیکرو انٹرپرائزز کا درجہ دیکر سمیڈا کے دائرہ کار میں شامل کیا گیا ہے۔
ویمن انٹرپرینیورشپ پالیسی کا مسودہ طھی تیار ہے، جو جلد وفاقی کابینہ میں پیش کیا جائےگا، خواتین کیلئے سمیڈا کا خصوصی ڈیجیٹل پورٹل جلد لانچ کیا جائے گا۔
بریفنگ میں بتایا گیا کہ کریڈٹ اسکورنگ ماڈل، برآمدات میں اضافے کی حکمت عملی اور سب کنٹریکٹنگ کے قانونی فریم ورک پر کام آؤٹ سورس کردیا گیا، سمیڈا وفاقی ادارہ شماریات کی مدد سے معیشت کے 20 شعبوں کا سروے کرا رہا ہے۔