ARYNews.tv | Urdu – Har Lamha Bakhabar

Tag: سالگرہ کیک

  • سالگرہ کیک کھا کر موت کی نیند سونے والی بچی کے دادا کا دہل دہلا دینے والا ویڈیو بیان

    سالگرہ کیک کھا کر موت کی نیند سونے والی بچی کے دادا کا دہل دہلا دینے والا ویڈیو بیان

    پٹیالہ: بھارتی پنجاب کے شہر پٹیالہ میں ایک دس سالہ معصوم بچی اپنی سالگرہ کا کیک کھانے کے بعد ہمیشہ کی نیند سو گئی تھی، بچی کے دادا کی ویڈیو سامنے آئی ہے جس میں وہ دل دہلا دینے والے واقعے کی تفصیلات بتاتے ہیں۔

    پٹیالہ میں رہنے والے اس بدقسمت خاندان کا کہنا ہے کہ ان کی 10 سالہ بچی کی سالگرہ کا کیک کھانے سے موت ہو گئی ہے، یہ کیک آن لائن آرڈر کیا گیا تھا، بچی کی موت سے چند گھنٹے قبل لی گئی ایک ویڈیو بھی سوشل میڈیا پر وائرل ہو رہی ہے جس میں وہ اپنی سالگرہ مناتے ہوئے بہت خوش نظر آ رہی ہے۔

    بچی کے دادا نے ویڈیو میں بتایا ’’ہم نے 6 بجے آن لائن کیک کا آرڈر دیا، جو سوا چھ پر پہنچا اور سوا سات پر کیک کاٹا گیا، جسے کھانے کے بعد گھر میں سب کی طبیعت بگڑ گئی، دس سالہ مانوی اور اس سے چھوٹی 8 سالہ بہن کو الٹیاں آئیں، چھوٹی نے الٹی میں کیک نکال دیا لیکن مانوی کا کیک نہیں نکلا۔‘‘

    دادا کے بیان کے مطابق ’’مانوی کے منہ سے جھاگ نکلی تھی، ہم نے اسے معمولی الٹی سمجھا، پھر وہ سو گئی لیکن پھر اٹھی، گلا خشک ہونے کی شکایت کی اور پانی مانگا، پانی پی کر وہ پھر سو گئی، لیکن صبح 4 بجے کے قریب ہم نے دیکھا کہ وہ ٹھنڈی پڑی تھی جس پر ہم اسے اسپتال لے گئے جہاں ڈاکٹروں نے آکسیجن دی، ای سی جی کی اور پھر کہا کہ وہ مر گئی ہے۔‘‘

    10 سالہ لڑکی اپنی ہی سالگرہ کا کیک کھا کر موت کے منہ میں چلی گئی

    واضح رہے کہ اس واقعے کی ایف آئی آر درج کی جا چکی ہے، تاہم لڑکی کے اہل خانہ کا الزام ہے کہ محکمہ صحت کی جانب سے کوئی کارروائی نہیں کی جا رہی ہے۔ بچی کے دادا نے کہا ’’آن لائن آرڈر کیے جانے والے کھانے کو لے کر لوگوں میں تشویش بڑھ گئی ہے، ڈلیوری پلیٹ فارمز کو چاہیے کہ وہ کھانا چیک کرنے کے بعد صارف تک پہنچائیں۔‘‘

  • سالگرہ کیک کاٹنے کی ویڈیو وائرل، 80 لاکھ ویوز مل گئیں

    سالگرہ کیک کاٹنے کی ویڈیو وائرل، 80 لاکھ ویوز مل گئیں

    بعض اوقات سالگرہ کیک کاٹنے کی ویڈیو بھی لوگوں کو حیران کر سکتی ہے، ایک خاتون نے اپنی سال گرہ کا کیک کاٹا اور اس کی ویڈیو ٹک ٹاک پر شیئر کر دی، اس کے بعد جو کچھ ہوا وہ اس کے لیے ناقابل یقین تھا۔

    تفصیلات کے مطابق سوشل میڈیا پر ایک خاتون نے ٹک ٹاک ویڈیو شیئر کی، جس میں وہ سال گرہ کیک کاٹ رہی ہے، لیکن کیک کاٹنے کے بعد جو کچھ ہوا، اس نے دیکھنے والوں ششدر کر دیا، اور اس ویڈیو کو 80 لاکھ سے زائد لوگوں نے دیکھا۔

    ویڈیو کے مطابق ایک خاتون میز کے سامنے بیٹھی ہے، اس کے سامنے میز پر سال گرہ کیک رکھا ہوا ہے جس پر چاکلیٹ کریم پھیلایا گیا ہے، ویڈیو میں خاتون کو برتھ ڈے کی مبارک باد دینے کی آوازیں بھی آ رہی ہیں، ایسے میں وہ چھری اٹھا کر کیک کاٹتی ہے، اور اگلا لمحہ حیران کن ہوتا ہے۔

    چھری لگتے ہی کیک کٹنے کی بجائے پھٹ جاتا ہے، اور اس کے اندر سے پانی بہہ کر میز پر پھیل جاتا ہے، پہلے تو وہ خاتون بھی حیران ہوتی ہے لیکن پھر شرارت بھری مسکراہٹ اس کے چہرے پر پھیل جاتی ہے۔

    معلوم ہوا کہ خاتون نے دیکھنے والوں کے ساتھ مذاق کیا تھا، سب کچھ کیک جیسا تھا، لیکن وہاں کیک نہیں بلکہ ایک پانی سے بھرا ایک غبارہ رکھا گیا تھا جس کے اوپر چاکلیٹ کریم پھیلایا گیا تھا، جسے کاٹتے ہی وہ پھٹ گیا۔

    لیکن یہ مذاق سوشل میڈیا پر دیکھنے والوں کو اتنا پسند آ گیا کہ 80 لاکھ سے زیادہ بار یہ ویڈیو دیکھی گئی، جس خاتون نے یہ ویڈیو ٹویٹر پر شیئر کی اس نے فرانسیسی میں لکھا ‘یہ جو کیک ہے یہ کیک نہیں ہے، میں یہ دیکھ کر پاگل ہو رہی ہوں۔’