دبئی: قومی کرکٹ ٹیم کے فاسٹ بولر حسن علی اور سامعیہ آرزو رشتہ ازدواج میں منسلک ہوگئے۔
تفصیلات کے مطابق قومی کرکٹ ٹیم کے فاسٹ بولر حسن علی اور بھارتی لڑکی سامعیہ آرزو رشتہ ازدواج میں منسلک ہوگئے، نکاح کے بعد نئے جوڑے نے اسٹیج پر فوٹو سیشن کرایا۔
نکاح کے موقع پر حسن علی نے کالی شیروانی اور سامعیہ آرزو نے سرخ رنگ کا عروسی جوڑا زیب تن کیا ہوا تھا۔
The Indian bride, #SamiyaArzoo, makes her way to dinner after the Nikah ceremony in Dubai with Pakistani cricketer #HasanAli.-Supplied video pic.twitter.com/NnwVmTDi4f
— Khaleej Times (@khaleejtimes) August 20, 2019
نکاح کی تقریب دبئی میں منعقد ہوئی جس میں اہل خانہ، دوستوں سمیت کرکٹر شاداب خان نے شرکت کی، حسن علی اور سامعیہ آرزو کو سب نے دعائیں دیں اور اہل خانہ سمیت تمام شرکا نے مبارک باد پیش کی۔
حسن علی اور ان کے اہل خانہ کی 22 اگست کو وطن واپسی کا پلان ہے، نکاح کے بعد باقاعدہ رخصتی دو سے تین ماہ بعد ہوگی، ولیمے کی تقریب پاکستان میں ہوگی۔
Pakistani cricketer Hasan Ali’s mother makes her way to dinner at the wedding ceremony.
Wedding details: https://t.co/dNSlnnQXK7
Video by Sarwat Nasir/Khaleej Times pic.twitter.com/UxMY9ZosJx— Khaleej Times (@khaleejtimes) August 20, 2019
حسن علی کا کہنا تھا کہ زندگی کی نئی اننگز شروع کرنے پر خوش ہوں، نکاح پاکستان میں ہوتا تو اور بھی زیادہ مزہ آتا، سامعیہ کو کرکٹ پسند نہیں ہے، ان کا پسندیدہ کرکٹر بھی میں ہی ہوں۔
کرکٹر شاداب خان نے سماجی رابطے کی ویب سائٹ ٹویٹر پر حسن علی کو شادی کی مبارک باد دیتے ہوئے لکھا کہ میرے دوست حسن علی کی شادی ہے، دعا ہے کہ تم اور بھابھی ہمیشہ خوش رہو۔
Mere yaar @RealHa55an ki shaadi. Meri dua hai ke tum aur bhabi hamesha khush raho. Have a great married life my brother. pic.twitter.com/BAjK4UimWq
— Shadab Khan (@76Shadabkhan) August 20, 2019
واضح رہے کہ فاسٹ بولر حسن علی نے نکاح سے قبل سامعیہ آرزو کےساتھ برج خلیفہ کے سامنے فوٹو شوٹ کروایا تھا۔
مزید پڑھیں: زندگی کا نیا سفر شروع کرنے پر ثانیہ مرزا کی حسن علی اور سامعیہ کو مبارکباد
بھارتی ٹینس اسٹار اور کرکٹر شعیب ملک کی اہلیہ ثانیہ مرزا نے زندگی کا نیا سفر شروع کرنے پر حسن علی کو مبارک باد دیتے ہوئے نیک خواہشات کا اظہار کیا تھا۔
خیال رہے حسن علی بھارتی لڑکی سےشادی کرنے والے چوتھے پاکستانی کرکٹر ہیں، اس سے قبل ظہیر عباس، محسن حسن خان اور شعیب ملک بھارتی لڑکیوں سے شادی کرچکے ہیں۔
