Tag: سانحہ سمجھوتہ ایکسپریس

لاہور: فیصل آباد کے تھانے ڈی ٹائپ کالونی میں 12 برس بعد سانحہ سمجھوتہ ایکسپریس کا مقدمہ درج کرلیا گیا۔

پولیس حکام کے مطابق مقدمہ متاثرہ شہری کی مدعیت میں درج کیا گیا جس میں قتل اور دھماکا خیز مواد یکٹ سمیت پانچ دفعات شامل کی گئی ہیں۔

متاثرہ شہری نے درخواست میں مؤقف اختیار کیاکہ بھارتی عدالت سے انصاف نہ ملنے پر مقدمہ درج کرایا، سانحہ سمجھوتہ ایکسپریس میں تین بیٹیاں اور تین بیٹے شہید ہوئے۔

اُن کا کہنا تھا کہ بھارتی عدالت نے اقبالِ جرم کے باوجود سوامی اسیم نند، راکیش شرما، کمال چوہان اور راجندر نامی دہشت گردوں کو بری کردیا۔ متاثرہ شہری نے اپیل کی ہے کہ ملزمان کو انٹرپول کے ذریعے گرفتار کر کے پاکستان لایا جائے۔

مزید پڑھیں: سانحہ سمجھوتہ ایکسپریس: ’’ میرے پانچ بچے سامنے جل کر مرے‘‘

بھارت کی سپریم کورٹ  مارچ میں دھماکوں کے مرکزی کردار سوامی اسیم آنند سمیت چار ملزمان کو بے گناہ قرار دے کر بری کرچکی ہے۔ واضح رہے کہ سانحہ سمجھوتہ ایکسپریس اٹھارہ فروری دو ہزار سات کا وہ سیاہ دن جب کچھ انتہا پسند ہندوؤں نے پاکستان آنے والی ٹرین کو آگ لگادی تھی۔ واقعے میں اڑسٹھ افراد جاں بحق جبکہ گمشدہ بھی ہوئے جن کا تاحال سراغ نہ لگایا جاسکا۔

ان ہی میں ایک پاکستانی حافظ آباد کے محمد وکیل نامی بھی شہری شامل تھے جن کی بھارتی حکومت نے پہلے جاں بحق ہونے کی تصدیق کی پھر ڈی این اے کے بعد تسلیم کیا کہ مرنے والوں میں محمد وکیل شامل نہیں، محمد وکیل کےبیٹیوں کا کہنا ہے کہ ہمارے والد زندہ ہیں اور بارہ سال سے بھارتی جیل میں قید ہیں۔ بھارتی عدالت نے جب سانحہ سمجھوتہ ایکسپریس کیس کا فیصلہ سنایا تو محمد وکیل کے اہلخانہ کو مقدمہ لڑنے کا موقع نہیں دیا، اس حوالے سے محمد وکیل کے اہل خانہ نے اپیل تھی کہ انہیں بھارت کا ویزہ جاری کیا جائے تاکہ محمد وکیل واپس آ سکیں۔

اسلام آباد: قائمہ کمیٹی برائے داخلہ کے چیئرمین سینیٹر رحمان ملک نے سانحہ سمجھوتہ ایکسپریس کیس کو عالمی عدالت لے جانے کا اعلان کردیا۔

تفصیلات کے مطابق سانحہ سمجھوتہ ایکسپریس کےمتاثرین نے اسلام آباد میں پارلیمنٹ کےباہراحتجاج کیا اور بھارتی حکومت سمیت وزیراعظم مودی کےخلاف نعرے بازی کی۔

مظاہرین کاکہنا تھامودی نےملی بھگت سےدہشت گردی میں ملوث شخص کو رہا کرایا۔ قائمہ کمیٹی برائے داخلہ کے چیئرمین سینیٹر رحمان ملک نے متاثرین سے ملاقات کی اور انہیں مکمل تعاون کی یقین دہانی کرائی۔

احتجاج کرنے والے متاثرین کو  سینیٹر رحمان ملک نے کمیٹی روم میں بلایا جہاں سانحہ کے چشم دید گواہ اور متاثرہ شخص رانا شوکت علی نے بتایا کہ جس بوگی میں سوار تھا اُس میں سب سے پہلے دھماکا ہوا اور پھر ہر طرف کیمیکل دھوئیں کے بادل چھا گئے، میرے پانچ بچے میرے ہی سامنے جل کر مر گئے مگر میں کچھ نہ کرسکا۔

سینیٹر رحمان ملک نے کہا کہ انصاف ملنے تک سانحہ سمجھوتہ ایکسپریس کے لواحقین کیساتھ ہوں۔ انہوں نے کہا کہ متاثرین کو ہر حال میں انصاف ملے گا ہم بھارتی عدالت کے فیصلے کو عالمی عدالت میں چلینج کر کے شہید پاکستانیوں کا حساب لیں گے۔

دھماکے کے بعد ہرطرف کیمیکل دھوئیں کے بادل چھا گئے تھے، اپنے پانچ بچوں کو آنکھوں کے سامنے مرتا دیکھا، عینی شاہد

اُن کا کہنا تھا کہ بھارتی وزیراعظم نریندر مودی سانحہ سمجھوتہ ایکسپریس پر سیاست کر رہا ہے، بھارتی عدالت نے متاثرین اور گواہان کے مؤقف کو نہیں سُنا اور دہشت گردی کو چھپانے کے لیے تمام شواہد بھی فوری مٹا دیے گئے تھے۔ رحمان ملک نے انسانی حقوق کی تنظیموں سے نوٹس لینے کا مطالبہ کرتے ہوئے کہا کہ پاکستان اس کیس کو عالمی عدالت لے کر جائے گا۔

یاد رہے کہ 18 فروری 2007ء کو سمجھوتا ایکسپریس پر دہشت گرد حملے میں 44 سے زائد پاکستانی شہید ہوئے تھے۔ واضح رہے کہ بھارتی عدالت دھماکوں کے مرکزی کردار سوامی اسیم آنند سمیت چار ملزمان کو بے گناہ قرار دے کر بری کرچکی ہے۔