لاہور: افواج پاکستان سے اظہار یکجہتی کیلئےآنےوالےسابق وزیر خارجہ شاہ محمود قریشی غلطی سے واہگہ بارڈر پر زیرو لائن عبور کر گئے۔
سابق وزیر خارجہ اور تحریک انصاف کے رہنما شاہ محمود قریشی واہگہ بارڈر پر زیرو لائن عبور کرکے بھارتی حدود میں داخل ہوگئے، بھارتی فوجی اور صحافی سے ہاتھ ملایا، بھارتی فوجی نے سیلوٹ بھی کیا۔
تاہم پاکستان رینجرز نے انہیں مزید آگے بڑھنے سے روک دیا جس پر وہ واپس پاکستانی حدود میں آ گئے، اس موقع پر شاہ محمود قریشی نے کہا کہ وہ بغیر ویزے کے بھارت جا کر واپس آ گئے ہیں۔
لاہور: سانحہ ملتان کی تین رکنی تحقیقاتی کمیٹی کی رپورٹ پنجاب حکومت کو موصول ہوگئی ہیں، تحقیقاتی رپورٹ کے مطابق یہ ایک اتفاقیہ حادثہ تھا ،جس میں تخریب کاری کا عنصر شامل نہیں۔
سانحہ ملتان کی تحقیقاتی رپورٹ میں بتایا گیا ہے کہ اے ایس آئی محمد انور نے اسٹیج پر موجود شاہ محمود قریشی کو بھگدڑ کے واقعہ کی خود اطلاع دی، انہوں نے اس خبر سےاعجاز چوہدری اور عمران خان کو بھی آگاہ کیا۔
رپورٹ کے مطابق عمران خان نے تقریر روک کر لوگوں کو مذکورہ گیٹ سے واپس آنے کی ہدایت کی،جس گیٹ پر یہ واقعہ پیش آیا وہ کھلا تھا اورلائٹ کا بھی انتظام تھا۔
ویڈیو رپورٹ کے مطابق امدادی کارروائیوں کیلئے مذکورہ گیٹ کو بند کر دیا گیا اور زخمیوں کو موقع پر ہی فوری طبی امدادفراہم کی گئی، پولیس اور ریسکیو ڈبل ون ڈبل ٹو موقع پر موجود تھی، بھگدڑ پر قابو پانے اور لوگوں کو پیچھے دھکیلنے کے لئے واٹر کینن سے پانی کا سپرے کیا گیا ۔
رپورٹ کے مطابق تحریکِ انصاف کی انتظامیہ نے ضلعی انتظامیہ سے طے پانے والے معاہدے کی شقوں پر مکمل عملدر آمد نہیں کیا، جلسہ گاہ کا مقام بڑے ہجوم کے لئے نامناسب تھا۔
لاہور:سانحہ ملتان کی تحقیقاتی رپورٹ وزیرِ اعلیٰ پنجاب شہباز شریف کو پیش کردی گئی ہے، رپورٹ کے مطابق جلسہ گاہ میں گنجائش سے زیادہ لوگ موجود تھے
سانحہ ملتان کی رپورٹ کے مطابق سانحہ ملتان میں اموات دم گھٹنے کے باعث ہوئیں، تحریکِ انصاف کے جلسے کیلئے جگہ کا تعین درست نہیں تھا، پی ٹی آئی ملتان کے صدر نے ڈی سی او کو آگاہ کیا تھا کہ جلسے میں پینتیس سے چالیس ہزار افراد آسکتے ہیں جبکہ جلسہ گاہ میں موجود افرادکی تعداد ساٹھ سے پچھتر ہزار کے لگ بھگ تھی۔
شاہ محمود قریشی کی تقریر کے دوران جلسہ گاہ میں موجود افراد نے باہرنکلنے کی کوشش کی جبکہ باہر موجود افراد نے اندر جانے کی کوشش کی، جس کی وجہ سے جلسہ گاہ میں بھگڈر مچی، بھگدڑ مچنے کے بعد اسٹیج سے جلسے کو کنٹرول کرنے کیلئے خاطر خواہ اقدامات نہیں کئے گئے۔
رپورٹ میں بتایا گیا ہے کہ قاسم باغ اسٹیڈیم کے دیگرگیٹ سیکورٹی مسائل کے باعث بند کئے گئے تھے، بھگدڑ کی ذمہ داری پی ٹی آئی یا ضلعی انتظامیہ پر نہیں ڈالی جا سکتی کیونکہ وقوعہ میں کسی کی بدنیتی شامل نہیں تھی۔
ملتان: سینئر سیاستدان مخدوم جاوید ہاشمی کا کہنا ہے کہ اگر شاہ محمود قریشی غفلت ولاپرواہی نہ برتتے تو سانحہ ملتان رونما نہ ہوتا۔ملتان میں پریس کانفرنس میں جاوید ہاشمی نے کہا کہ شاہ محمود قریشی کو بتادیا گیا تھا کہ جلسے میں بھگڈر مچ گئی ہے۔
لہذا عمران خان کو تقریر معطل کرنے کو کہا جائے لیکن انہوں نے کہا کہ یہ معمولی بات ہے،انہوں نے کہا ہم کیسی سیاست کررہے ہیں کہ ہرموقع پر لاشوں کے گرنے کا انتظار کرتے ہیں۔
جاوید ہاشمی کا کہنا تھاکہ پارٹی میں کچھ لوگ عمران خان کے مستقبل کو تاریک کرنا چاہتے ہیں۔ انہوں نے کہا کے وہ سانحہ ملتان میں جاں بحق ہونے والے افراد کے لواحقین کے دکھ میں برابر کے شریک ہیں۔
لاہور: پنجاب حکومت کے ترجمان زعیم قادری نے کہا ہے کہ حکومت نے سانحہ ملتان کی تحقیقات کےلیے سیکرٹری ماحولیات کی سربراہی میں تین رکنی کمیٹی تشکیل دے دی ہے جس کی رپورٹ کی روشنی میں ذمہ داروں کے خلاف کارروائی کا تعین کیا جائے گا ۔
لاہور میں پریس کانفرنس سے خطاب کرتے ہوئے زعیم قادری نے کہا کہ تحریک انصاف کے جلسہ میں بھگدڑ میں ضلعی انتظامیہ ملوث نہیں اور جلسہ گاہ کی اندورنی سیکورٹی کی ذمہ داری تحریک انصاف نے لے رکھی تھی ۔
انہوں نے کہا کہ پاکستان تحریک انصاف کے جلسوں میں بدنظمی کا یہ پہلا واقعہ نہیں ہے ، ضلعی انتظامیہ نے عوام کی سہولت کیلئے جلسہ گاہ کے چھ میں سے پانچ گیٹ کھول رکھے تھے ۔
انہوں نے کہا کہ اگر 1122 ہجوم کو کنٹرول کرنے کےلیے پانی نہ پھینکتی تو ہلاکتوں کی تعداد کہیں زیادہ ہوتی ، تحریک انصاف کے رہنما لاشوں پر سیاست کرنا چھوڑ دیں اور اپنی کوتاہیاں دوسرے کے کھاتے میں نہ ڈالیں۔
ملتان: تحریکِ انصاف کے رہنماء شاہ محمود قریشی نے انکشاف کیا ہے کہ سانحہ ملتان کی بھگدڑ اتفاقیہ نہیں سازش ہے، انتظامیہ نےجان بوجھ کر حالات خراب کی کی کوشش کی۔
تحریکِ انصاف کے وائس چیئرمین شاہ محمود قریشی سانحہ ملتان پر پھٹ پڑے، پی ٹی آئی رہنماء نے کہا ہے کہ سیکیورٹی کی ذمہ داری انتظامیہ کی ہوتی ہے۔
شاہ محمود قریشی نے کہا ہے کہ حکومت نے جان بوجھ کر عمران خان کی جان خطرے میں ڈالی، شاہ محمود قریشی نے بتایا کہ عمران خان تعزیت کیلئے کل ملتان آرہے ہیں۔
تحریکِ انصاف کے رہنماء نے کہا کہ بھگڈر سے سات کارکن جاں بحق ہوئے، حکومت گلو بٹوں کے ذریعے سیاست نہ کرے۔
لاہور: ملتان واقعے کی انکوائری کے لئے حکومتِ پنجاب نے سیکریٹری ماحولیات کی سربراہی میں تین رکنی کمیٹی قائم کردی جبکہ تحریکِ انصاف نے بھی پارٹی کے سینئر رہنما عمران اسماعیل کی سربراہی میں سات رکنی تحقیقاتی کمیٹی تشکیل دے دی ہیں۔
ملتان میں تحریکِ انصاف کے جلسے کے بعد مچنے والی بھگدڑ اور اس کے نتیجے میں ہونے والی سات افراد کی موت کی تحقیقات کےلئے حکومت پنجاب نےتین رکنی کمیٹی تشکیل دے دی، سیکریٹری ماحولیات اقبال چوہان کمیٹی کی سربراہی کریں گے، دیگر ممبران میں ڈی آئی جی علی عامر ملک اور سپیشل سیکرٹری ہوم ڈیپارٹمنٹ ڈاکٹر شعیب اکبر شامل ہیں۔
کمیٹی ملتان واقعے کے مختلف پہلوؤں کا جائزہ لے کر رپورٹ پیش کرے گی۔
دوسری جانب پاکستان تحریک انصاف کےسربراہ عمران خان نے بھی سانحہ ملتان کی تحقیقات کے لئے سات رکنی کمیٹی قائم کر دی، جو سینئر رہنما عمران اسماعیل تحریکِ انصاف کی تحقیقاتی کمیٹی کی سربراہی کریں گے، سانحہ ملتان کی ابتدائی رپورٹ تھانہ لوہاری گیٹ میں درج کرلی گئی ہے۔
گذشتہ روز قاسم باغ ملتان میں پاکستان تحریکِ انصاف کے جلسے کے بعد داخلی اور خارجی راستوں پر بد انتظامی کے نتیجے میں بھگدڑ مچنے اور شدید گرمی کی وجہ سے آٹھ افراد جاں بحق جبکہ متعدد افراد زخمی ہوگئے۔
تحریک انصاف کے چیئرمین عمران خان نے جیسے ہی خطاب ختم کیا تو جلسے میں موجود ہزاروں افراد نے اسٹیڈیم کے آزادی گیٹ سے باہر نکلنا چاہا تاہم وہاں بھگڈر مچ جانے سے آٹھ افراد جاں بحق جبکہ متعدد افراد دم گھٹنے سے بے ہوش اور زخمی ہوگئے۔
چوہدری برادران نے سانحہ ملتان پر جوڈیشل کمیشن بنانے کا مطالبہ کرتے ہوئے کہا ہے کہ کمیشن افسوسناک واقعے کے ذمہ داران کو قرار واقعی سزا دے۔
لاہور: مسلم لیگ ق کے رہنماء چوہدری شجاعت اور پرویزالہی نے سانحہ ملتان پرجوڈیشل کمیشن بنانے کا مطالبہ کردیا ہے۔
چوہدری برادران نے کہا ہے کہ کمیشن افسوسناک واقعے کے ذمہ داران کو قرار واقعی سزا دے، جلسےمیں لاکھوں افراد کی موجودگی کے باوجود مقامی انتظامیہ کی جانب سے ناکافی انتظامات کئے گئے۔
انھوں نے کہا کہ عوام کے ہجوم کیلئے صرف دو گیٹ کھولنا سمجھ سے بالاتر ہے، جس کی وجہ سے بھگدڑ مچی۔
پرویزالہی نے کہا انتظامیہ بتائے اسٹیڈیم کے تمام دروازے کیوں نہیں کھولے گئے، لوگوں کے باہر نکلتے وقت لائٹیں کیوں بند کی گئیں؟
چوہدری برادران نے واقعہ کا ذمہ دار ملتان اور حکومت پنجاب کی انتظامیہ کو قرار دیا ہے، چوہدری شجاعت نے کل عوامی تحریک کے فیصل آباد میں ہونے والے جلسے میں کارکنوں کو شرکت اور تعاون کی ہدایت کردی ہیں۔