لاہور: واہگاہ باب آزادی کے قریب خو د کش حملہ کرنےو الے کا سراغ مل گیا ، تیئیس سال کا حنیف دو سال پہلے گھر چھوڑ گیا تھا۔
لاہور کے قریب واہگاہ کراسنگ پر خود کش حملہ کرنے والے خودکش حملہ آور کی شناخت کر لی گئی ہے، خود کش حملہ آور کا نام حنیف اللہ تھا جس کی عمر تیئس سال تھی ، سیکورٹی فورسز نے مزید تفتیش کیلئے باجوڑ ایجنسی سے حنیف اللہ کے رشتہ داروں کو حراست میں لے لیا ہے ، واہگہ سرحد پر خود کش حملے میں پچاس سے زائد افراد شہید اور سیکڑوں زخمی ہوئے تھے ۔
پیشاور: کالعدم تحریک طالبا ن سے جڑے شدت پسند گروپ جما عت الحرار نے واہگہ با رڈر پر ہونیوالے خود کش حملہ آور کی تصویر جا ری کردی ہے۔
کالعدم پاکستان تحریک طالبان سے جڑے شدت پسند گروپ جماعت الحرار نے واہگہ بارڈر پر حملہ کرنے والے مبینہ خود کش بمبار کی تصاویر جاری کر دیں جس کے مطابق حملہ آور کا نام حنیف اللہ عرف حمزہ کے اور عمر تقریباً پچیس سال تھی اس کا تعلق مہمند ایجنسی سے تھا۔
تنظیم نے دعوی کیا یہ حملہ ‘طالبان اور قبائلیوں کے خلاف جاری آپریشن کا ردعمل ہے۔ دو نومبر کو واہگہ بارڈر پر پریڈ کے داخلی راستے پر ہوئے تباہ کن حملے میں تین رینجرز اہلکاروں، دس خواتین اور سات بچوں سمیت 60 افراد جاں بحق، ایک سو دس سے زیادہ زخمی ہو گئے تھے۔
لاہور: وزیرِاعلیٰ پنجاب شہبازشریف کی ہدایت پرسانحہ واہگہ کے لئے مشترکہ تحقیقاتی ٹیم تشکیل دے دی گئی۔۔ واہگہ بارڈر کی پارکنگ سے برآمد ہونے والابم اور خودکش جیکٹ ناکارہ بنا دیئے گئے ہیں، دوسری جانب سانحہ واہگہ کی ابتدائی رپورٹ وزیرِاعلیٰ پنجاب کو پیش کردی گئی ہے۔
سانحہ واہگہ بارڈرسے متعلق تحقیقات جاری ہیں، سرچ آپریشن کے دوران دہشت گردی کی دوکوششں ناکام بنادیں گئی، واہگہ بارڈر کی پارکنگ سے برآمد ہونے والے آئی ای ڈی بم کوبی ڈی ایس نے ناکارہ بنادیا گیا جبکہ دس کلو بارود اور بیرنگ سے بھری ایک خودکش جیکٹ بھی برآمد ہوئی، جسے ناکارہ بناکرفرانزک ٹیسٹ کے لئے بھجوادیا گیا ہے۔
ذرائع کے مطابق جیکٹ پر پشتو میں شہادت مبارک لکھا ہوا ہے۔
رینجرز نے رات گئے واہگہ بارڈ کے سرحدی دیہاتوں میں سرچ آپریشن کے دوران سات مشکوک افراد کو حراست میں لیکر تفتیش کے لیے نامعلوم مقام پر منتقل کردیا تھا، تحقیقاتی ٹیموں نے جائے حادثہ کا دورے میں اہم شواہد اکھٹے کئے، خودکش حملہ آور کے جسم کے اعضا ڈی این اے ٹیسٹ کے لیے بھجوا دیئے گئے ہیں۔
سانحہ واہگہ کی ابتدائی رپورٹ وزیرِاعلیٰ پنجاب کو پیش کردی گئی، ابتدائی پوسٹ مارٹم کے مطابق جاں بحق ہونے والے افراد کے جسم میں بال بیرنگ اور نٹ بولٹ لگے، حملے کی ذمہ داردی تین کالعدم تنظیموں نے قبول کی تھی ، سانحہ کی مزید تفتیش جاری ہے جبکہ واہگہ کےاطراف علاقوں میں سیکیورٹی مزید سخت کردی گئی ہے۔
لاہور: وزیراعلیٰ پنجاب شہباز شریف کا کہنا ہے کہ مظلوم لوگوں کے خون سے ہاتھ رنگنے والے کسی رعایت کے مستحق نہیں، ذمہ دار عناصر کو ہر صورت میں قانون کے شکنجے میں لایا جائے گا۔
وزیراعلٰی پنجاب شہباز شریف نے لاہور کے جنرل اسپتال کے دورے کے دوران سانحہ واہگہ بارڈر کے زخمیوں کی عیادت کی، وزیراعلٰی فردا فردا ہر زخمی کے پاس گئے اور خیریت دریافت کی، وزیراعلٰی نے زخمیوں کو بہترین مفت طبی سہولتیں فراہم کرنے کی ہدایت کی۔
اس موقعے پر وزیر اعلی نے گفتگو کرتے ہوئے کہا کہ سانحہ واہگہ انتہائی افسوسناک واقعہ ہے، جس میں قیمتی جانیں ضائع ہوئی ہیں- واقعہ پر پوری قوم رنجید ہ ہے اور اس واقعہ کی جنتی بھی مذمت کی جائے، کم ہے، معصوم انسانوں سے بربریت کا کھیل کھیلنے والے عبرتناک سزا سے بچ نہیں پائیں گے قوم کو آج اتحاد اور اتفاق کی ضرورت ہے۔
انہوں نے کہا کہ اجتماعی کاوشوں اور مشترکہ سوچ اپنا کر انتہا پسندی اور دہشتگردی کا خاتمہ کیا جا سکتا ہے۔انہوں نے کہا کہ دہشت گردی کے خلاف جنگ میں پوری قوم متحد ہے اور اتحاد کی قوت سے ملک کو دہشت گردی کے عفریت سے پاک کر کے امن کا گہوارہ بنائیں گے
سانحہ لاہور کے سینتالیس زخمی سروسز اسپتال، آٹھ جناح، دس میو بارہ جنرل اور تئیس گھرکی اسپتال میں زیرِ علاج ہیں، جن میں سے سات زخمیوں کی حالت نازک بتائی جا رہی ہے۔
لاہور: سانحہ واہگہ بارڈرکا مقدمہ تھانہ باٹا پورمیں درج کرلیا گیا ہے، خودکش حملے کی ابتدائی تحقیقات کے مطابق دھماکے کیلئے پچیس سے تیس کلوگرام بارود استعمال کیا گیا۔
لاہور میں سانحہ واہگہ بارڈر کا مقدمہ تھانہ باٹا پور میں درج کرلیا گیا ہے، مقدمہ رینجرز کی مدعیت میں نامعلوم افراد کے خلاف درج کیا گیا ہے، مقدمے میں دہشت گردی، قتل اور اقدام قتل کی دفعات شامل ہیں۔
واہگہ بارڈر خودکش حملے کی ابتدائی تحقیقات کے مطابق دھماکے کیلئے پچیس سے تیس کلوگرام بارود استعمال کیا گیا، پولیس کو خودکش حملہ آور کا سر اور جسم کے دیگر اعضاء مل گئے ہیں، جس سے لگتا ہے کہ حملہ آور کی عمر بیس سال کے لگ بھگ ہے۔
خودکش حملہ آور کے جسم کے نمونے ڈی این اے کیلئے لیبارٹری بھجوا دیئے گئے ہیں۔
ذرائع کے مطابق حساس ادارے نے جمعرات کو واہگہ میں ممکنہ دہشت گردی کے خطرے کا اظہار کر دیا تھا، رپورٹ تمام ایجنسیوں اور وزارتِ داخلہ کو بھجوادی گئی تھی۔
بی ڈی ایس اور قانون نافذ کرنے والے اداروں نے شواہد جمع کرکے تحقیقات کا آغاز کردیا ہے۔