لاہور: سانحہ یوحنا آباد کیس میں نامزد بائیس ملزمان کولاہور میں انسدادِ دہشت گردی کی عدالت میں پیش کردیا گیا ۔
انسداد دہشت گردی کی خصوصی عدالت میں پیش کئے گئے سانحہ یوحنا آباد کےبائیس ملزمان پر احتجاج کے دوران دو بے گناہ نوجوانوں کو زندہ جلانے اور سرکاری املاک کی توڑ پھوڑ کے الزامات ہیں۔
پندرہ اپریل کو ملزمان کی شناخت پریڈ کوٹ لکھپت جیل میں ہوئی تھی اورگواہوں نے بائیس ملزمان کو شناخت کیا تھا۔
دوسری جانب لاہور ہائیکورٹ میں یوحنا آباد میں تین افراد کو کار سے کچلنے والی خاتون کی ضمانت منسوخی کیس کی سماعت ہوئی، عدالت نے فریقین سے تین ہفتوں میں جواب طلب کرلیا۔
درخواست گزار حمید مسیح نے کہا کہ مریم صفدر کی گاڑی سے کچل کر تین افراد چل بسے۔ ماتحت عدالت نے ٹھوس شواہد کے باوجود ضمانت منظور کی۔
درخواست گزار نے استدعا کی کہ ملزمہ کی ضمانت منسوخ کی جائے۔
