لاہور:حساس ادارے نے کارروائی کرتے ہوئے سانحہ یوحنا آباد میں مبینہ طور پر ملوث ایک شخص کو حراست میں لے لیا ہے۔
ذرائع کے مطابق حساس ادارے نے بھٹہ چوک میں کارروائی کی، کارروائی کے دوران سانحہ یوحنا آباد کے ملزم عابد بیگ معاویہ کو حراست میں لے لیا۔
عابد بیگ معاویہ ڈی جی خان کا رہائشی ہے اور اس پر خودکش حملہ آووروں کو سہولت فراہم کرنے کا شبہ ہے۔
زرائع کے مطابق ملزم کالعدم تنظیم کا اہم کمانڈر بھی ہے تاہم عابد بیگ معاویہ کو تفتیش کے لیے نامعلوم مقام پر منتقل کردیا گیا ہے۔
گزشتہ روز انسدادِ دہشت گردی عدالت نے سانحہ یوحنا آباد کے بعد ہنگامہ آرائی کے 22 ملزمان کو 10 روزہ جسمانی ریمانڈ پر پولیس کے حوالے کردیا۔
واضح رہے کہ لاہور کے علاقے یوحنا آباد میں چرچز پر خود کش حملوں کے بعد مشتعل مظاہرین نے 2 بے گناہ افراد کو زندہ جلادیا تھا جبکہ نجی اور سرکاری املاک کو نقصان پہنچایا تھا۔
