Tag: سانحہ 9 مئی

اسلام آباد : سانحہ 9 مئی کے 19 مجرمان کی سزائیں معاف کرنے کے اعلان پر ماہرین قانون کی رائے سامنے آگئی۔

تفصیلات کے مطابق سانحہ 9 مئی کے 19 مجرموں کی رحم کی اپیلیں منظور کرتے ہوئے پاک فوج نے انسانی بنیادوں پر سزائیں معاف کرنے کا اعلان کیا۔

اس حوالے سے ماہر قانون حافظ احسان نے اے آر وائی نیوز سے خصوصی گفتگو میں کہا کہ نو مئی کے ان انیس مجرمان کی سزائیں دوسال تھی اورتقریبا ڈیڑھ سال یہ پورا کرچکے تھے تاہم انسانی بنیادوں پر چیف آف آرمی اسٹاف نے ان کی سزائیں معاف کی۔

سابق اٹارنی جنرل اشتر اوصاف نے بھی اے آر وائی نیوز سے خصوصی گفتگو کرتے ہوئے کہا کہ معافی کا اعلان اچھی بات ہے مگر ضروری ہے نو مئی کے ماسٹر مائنڈ اور منصوبہ سازی کرنے والوں تک بھی پہنچا جائے۔

اشتر اوصاف کا کہنا تھا کہ سویلین قوانین میں قتل کرنیوالے کو الگ سزا ملتی ہے، سویلین قوانین میں قتل میں سہولت کار کی سزا شائد کم ہوتی ہے، ہوسکتا ہے کہ قانون میں کچھ گنجائش ہو تو دیگر ملزمان کو بھی ریلیف ملے۔

مزید پڑھیں : سانحہ 9 مئی 2023 کے 19 مجرمان کی سزاؤں میں معافی کا اعلان

انھوں نے کہا کہ پہلے اعتراف جرم ہوتاہے پھر معافی اس کو دی جاتی ہے جو مانگے لیکن ایسے معاملات میں ضروری ہے کہ ان تک پہنچا جائے جنہوں نے یہ سب کروایا ، ریاست کےقانون کی خلاف کرنیوالوں ، ملک وقوم کےقوانین توڑنے اور تنصیبات کو نقصان پہنچانے والوں کو 100 فیصد سزا ملنی چاہیے۔

یاد رہے پاک فوج کے کورٹس آف اپیل نے سانحہ نو مئی کے 19 مجرمان کی سزاؤں میں معافی کا اعلان کیا تھا۔

آئی ایس پی آر کا کہنا تھا 9 مئی کے مجموعی طورپر67 مجرموں نےرحم کی پٹیشنز دائر کیں، اڑتالیس پٹیشنز کو قانونی کارروائی کیلئے کورٹس آف اپیل میں نظرثانی کیلئےارسال کیا گیا تاہم انیس مجرموں کی پٹیشنز کو خالصتاً انسانی بنیاد پر قانون کے مطابق منظور کیا گیا، مجرموں کوضابطے کی کارروائی مکمل ہونے کے بعد رہا کیا جارہا ہے۔

کیپٹن کاشف شہید کی والدہ نے 9 مئی پر منعقد ہونے والی تقریب میں اظہار خیال کرتے ہوئے کہا ہے کہ میرے بیٹے نے ملک کے لیے جان قربان کی۔

تفصیلات کے مطابق 9 مئی کی مناسبت سے منعقدہ تقریب سے خطاب کرتے ہوئے کیپٹن کاشف شہید کی والدہ نے کہا کہ پچھلے سال 9 مئی کو جو واقعات ہوئے اس نے ہمارا دکھ تازہ کردیا ہے، پاکستان کی آرمی نے ہمارا بہت ساتھ دیا ہے۔

انھوں نے کہا کہ 9 مئی کو شہدا کی یادگاروں کی بے حرمتی کی گئی، اس سے دوبارہ سے کاشف کی شہادت کی یاد تازہ ہوگئی۔

شہید میجر اکبر اعوان کی اہلیہ نے کہا کہ شہدا ہمیشہ زندہ ہیں انھےیں مردہ مت کہیں، اب وقت ہے ہم سب مل کر ملک کو سنواریں۔ پاکستان کو اس مقام تک لے جائیں کہ شہدا کے خاندان فخرکریں، پاک فوج نے ہمیں ایک لمحہ بھی تنہا نہیں چھوڑا۔

میجر منیب افضل شہید کے والد نے کہا کہ جولوگ ملک کیلئےجان قربان کرجائیں انہیں مردہ نہیں کہتے، ہمارے شہدا نے ہمارا سر فخر سے بلند کررکھا ہے، پاک فوج شہدا کے ورثا کا بہت زیادہ خیال رکھتی ہے۔

انھوں نے کہا کہ شہدا میں ملک و قوم کے دفاع کا جذبہ بےانتہا پایا جاتا ہے، جس راہ میں ہمارے بیٹے شہید ہوئے ہیں اس پر فخر ہے۔

سانحہ 9 مئی کو ایک سال مکمل ہونے پر عوام کا ملوث افرادکوسخت سزادینے کا مطالبہ کردیا جبکہ شہدا کے لواحقین کے زخم آج بھی تازہ ہیں۔

تفصیلات کے مطابق سانحہ9مئی کوایک سال پوراہونے پرعوام نے مذمت کرتے ہوئے ملوث افرادکوسخت سزا دینے کا مطالبہ کردیا۔

سانحہ 9 مئی واقعے پر شہدا کے لواحقین کی دل آزاری ہوئی اورانکے زخم آج بھی تازہ ہیں، لیفٹیننٹ کرنل افتخاراحمدشہید کے والد نے کہا کہ گزشتہ سال9مئی کو جو المناک واقعہ ہوا وہ کسی کو بھولا نہیں،اس پرپوراملک افسردہ ہے۔

شہید کی والدہ کا کہنا تھا کہ 9مئی کوشہداکی جوتذلیل کی گئی وہ ہمارےدلوں کو ہر وقت دکھاتی ہے، عناصر آج بھی ملک میں انتشار پھیلا رہے ہیں، حکومت سےاپیل ہےان شرپسند عناصر کو ایسی سزا دی جائے کہ ان کی آنے والی نسلیں بھی یاد رکھیں۔

والدہ میجر جہانزیب عدنان شہید نے کہا کہ ہمیں ان کی عزت کرنی چاہیے جو اپنی جان خطرے میں ڈال کر ملک کی حفاظت کر رہے ہیں، ہمیں ان افراد کے ساتھ سختی سے پیش آنا چاہیے جنہوں نے ان شہداکی یادگاروں کی بے حرمتی کی۔

میجر یاسر شہید کی بیوہ کا کہنا تھا کہ ہمارے شہدانے اپنی جانیں سرزمین پاکستان کے دفاع میں قربان کی جو شہداکا ہم پر احسان ہے، جو قومیں اپنے محسنوں کی قدر نہیں کرتی وہ تاریخ کے صفحات سے مٹ جاتی ہے۔

،والد کیپٹن صغیر عباس شہید نے اپنے خیالات کے اظہار کرتے ہوئے کہا کہ جن شرپسندوں نے شہداکی یادگاروں کی بے حرمتی کی اُن کے خلاف فوری ایکشن لیا جائے۔

نائب صوبیدار صنوبر علی شہید کے بیٹے نے کہا کہ گزشتہ سال جس طرح شہداکی یادگاروں کی تذلیل کی گئی وہ انتہائی قابل مذمت ہے۔

سپاہی محمد یاسین شہید کی بیوہ نے سوال کیا کیا ہمارے شہدانے یہ قربانیاں اس لیے دی تھیں کہ ان کی تذلیل اور بے حرمتی کی جائے؟ جبکہ بیٹی کا کہنا تھا کہ شہید کی بیٹی ہونے کے ناطے حکومت سے اپیل کرتی ہوں کہ نو مئی میں ملوث افراد کو جلد سے جلد سزا دی جائے۔

بیٹاحوالدار نظر حسین شہید نے کہا ہمارا فرض ہے ہم شہدا کی قربانیوں کو یاد رکھیں اور جنہوں نے ان کی تصویروں کو جلایا ان کو نشان عبرت بنائیں جبکہ والدسپاہی قاسم شہید کا کہنا تھا کہ شہداکی عزت کرنا ہم پر فرض ہے اور ہم ان کی تصویروں کی بے حرمتی برداشت نہیں کریں گے۔

اسلام آباد: وزیراعظم شہباز شریف کا کہنا ہے کہ قوم اور تاریخ سانحہ 9مئی کے کرداروں کو کبھی معاف نہیں کرے گی۔

تفصیلات کے مطابق سانحہ 9 مئی کے حوالے سے وزیراعظم شہباز شریف کی زیر صدارت وفاقی کابینہ کا خصوصی اجلاس ہوا۔

شہباز شریف نے اجلاس سے خطاب کرتے ہوئے کہا کہ 9مئی محض تاریخ کا ایک سیاہ ترین دن نہیں بلکہ ریاست پر سیاست قربان اور حملہ کرنیوالی 2سوچوں کو الگ الگ کرنے والا دن ہے۔

وزیراعظم کا کہنا تھا کہ ایک طرف وطن پر لہونچھاور کرنیوالےبیٹےاورعظیم اہلخانہ ہیں تو دوسری طرف نفرت کی آگ میں سلگتے وہ کردار جن کے دل میں ریاستی مفادات کا درد نہیں۔

انھوں نے کہا کہ قوم اور تاریخ سانحہ 9مئی کے کرداروں کو کبھی معاف نہیں کرےگی، یک سال گزر گیا لیکن قوم اور پاکستان اپنے مجرموں کو نہ بھولےہیں نہ بھولیں گے۔

وزیراعظم  کا کہنا تھا کہ وعدہ ہے ارض پاک، عظیم شہدا، ان کے ورثااور قوم سے ، 9 مئی پھر کبھی نہیں،ہمیں آگے بڑھنا ہے ، ترقی کی منازل طے کرنےہیں اور اپنی آنے والی نسلوں کو ایک روشن مستقبل دینا ہے۔

اسلام آباد : چیئرمین پیپلز پارٹی بلاول بھٹو کا کہنا ہے کہ سب کو پتا ہے9 مئی واقعات کس کے اُکسانے اور ایما پر کیے گئے۔

تفصیلات کے مطابق سانحہ 9 مئی کو ایک سال مکمل ہوگیا ، اس موقع پپر پیپلز پارٹی کے چیئرمین بلاول بھٹو زرداری نے پیغام میں کہا کہ 9 مئی ملکی تاریخ کا ایک اور سیاہ دن ہے، قائداعظم کاگھراورفوجی تنصیبات پر حملہ کرنیوالوں کو قانون کاسامنا کرنا ہوگا۔

بلاول بھٹو کا کہنا تھا کہ نو مئی ملک میں انارکی پھیلانے اور فسطائیت مسلط کرنے کی سازش تھی، سب کو پتا ہے نو مئی واقعات کس کےاُکسانے اورایما پر کیے گئے۔

چیئرمین پی پی نے کہا کہ پاکستان نو مئی کےواقعات پر مٹی پاؤ کا متحمل نہیں ہوسکتا، سیاسی تاریخ میں کسی جماعت کی جانب سے ایسےاقدام کی مثال نہیں ملتی۔

ان کا کہنا تھا کہ خفیہ دستاویزات لیک کرنااور فوجی تنصیبات پرحملے کرناسیاست نہیں ملک دشمنی ہے، نو مئی واقعات کی چیف جسٹس کی سربراہی میں جوڈیشل انکوائری ہونی چاہیے۔

بلاول بھٹو نے مزید کہا کہ پی ٹی آئی سمیت تمام جماعتوں کویقین دہانی کرانا ہوگی، جوڈیشل کمیشن کا جو فیصلہ ہوگا تسلیم کیا جائے گا۔