سعودی عرب میں سانپوں کے شکاری کو پہاڑی علاقے میں زہریلے سانپ نے ڈس لیا جس سے اس کا بایاں ہاتھ سیاہ پڑ گیا۔
العربیہ نیٹ کے مطابق سعودی عرب میں سانپوں کے شکاری نایف المالکی کو پہاڑی علاقے میں زہریلے سانپ نے ڈس لیا جس کے بعد اس کا بایاں ہاتھ سیاہ پڑ گیا تاہم بروقت طبی امداد ملنے پر زندگی بچ گئی۔
نایف المالکی کا کہنا تھا کہ ’ میں سیر کے لیے طائف کے پہاڑی علاقے میں گیا تھا وہاں ایک ایسا سانپ نظر آیا جسے ہمارے یہاں ’السجادۃ‘ کہا جاتا ہے‘۔
نایف المالکی نے بتایا کہ’ میں فوری طور پر سانپ کی تصویر بنا ئی، میں اسے پکڑنا چاہتا تھا تاکہ کیمرے کے سامنے السجادۃ سانپ اور اس کے زہر کے حوالے سے لوگوں کو آگاہ کرسکو‘۔
سانپوں کا خوفناک باغ، دل دہلا دینے والی ویڈیو
’’مگر اس وقت میرے پاس موبائل اسٹینڈ موجود نہیں تھا، میں چند لمحوں کے لیےغافل ہوگیا، سانپ نے مجھے ڈس لیا۔ مجھے جسم میں زہر کا احساس بعد میں ہوا، جس کے بعد میں نے برداشت سے کام لیا اور فوری طور پر اسپتال پہنچا کیونکہ جس سانپ نے مجھے کاٹا تھا وہ انتہائی زہریلا تھا اور اس کا زہر مہلک ہوتا ہے‘‘۔
سعودی سانہ کے شکارہ نے کہا کہ مجھے ایک دوست نے اسپتال پہنچانے میں مدد کی، بروقت طبی امداد ملنے پر میں زندہ بچ گیا۔
العربیہ کی رپورٹ کے مطابق نایف المالکی مملکت بھر میں سانپوں کا بڑا شکاری مانا جاتا ہے، وہ بچپن ہی سے سانپوں سے کھیلتا رہا ہے، اسے سانپوں کے بارے میں بڑی معلومات ہیں۔
نایف المالکی نے گاؤں سے رہائش قریب ہونے کے باعث سانپ تلاش کرنے اور پکڑنے میں مہارت حاصل کی، اسے عرب نسل کے کوبرا، مکار سیاہ سانپ، السجاد الشرقی، ام جنیب اور دیگر سانپوں کی بارے میں معلومات ہیں۔
