ساہیوال : اسپیشل برانچ ریجنل آفس کے ڈیٹا انٹری آپریٹر کو گرفتار کرلیا گیا، ملزم کالعدم تنظیم کا نیٹ ورک چلا رہا تھا۔

تفصیلات کے مطابق سی ٹی ڈی نے کارروائی کرتے کارروائی کرتے ہوئے ساہیوال سےاسپیشل برانچ ریجنل آفس کے ڈیٹاانٹری آپریٹر کو گرفتار کرلیا۔

ذرائع کا کہنا تھا کہ بلال حیدر کالعدم تنظیم کیساتھ کام کررہا تھا، سراغ رساں ادارےمیں کام کرتاہے اور کالعدم تنظیم کا نیٹ ورک چلا رہا تھا۔

سی ٹی ڈی ذرائع نے کہا کہ ملزم کالعدم تنظیم کومنظم کرنے کیلئے رابطہ کارکے طور پر کام کر رہا تھا۔

ملزم کو سی ٹی ڈی خانیوال نے گزشتہ روز حراست میں لیا اورملزم سے منسلک افراد کی گرفتاری کیلئےٹیمیں متحرک ہو گئیں۔

ساہیوال : محکمہ انسداد دہشت گردی نے کالعدم تنظیم کے دہشت گرد عزیزاللہ خٹک کو گرفتار کرلیا۔

تفصیلات کے مطابق ساہیوال میں سی ٹی ڈی نے آرنیاز چوک کے قریب کارروائی کی اور کارروائی کے دوران کالعدم تنظیم کے دہشت گرد عزیزاللہ خٹک کو گرفتار کرلیا۔

سی ٹی ڈی حکام نے بتایا دہشت گرد سے بھاری مقدار میں دھماکا خیز اور دیگر مواد برآمد کر کے مقدمہ درج کر لیا گیا ہے، دہشت گرد کا تعلق تخت نصرتی کرک سے ہے۔

یاد رہے محکمہ انسدادِ دہشت گردی نے پنجاب کے مختلف شہروں میں کارروائی کرتے ہوئے 23 دہشت گردوں کو گرفتار کیا تھا۔

ترجمان نے بتایا تھا کہ لاہور سے فتنہ الخوارج کے 7 خطرناک دہشت گرد کو اسلحہ اور باروی مواد سمیت گرفتار کیا گیا، دہشتگردوں سے لاہور کے اہم تعلیمی ادارے کے نقشے بھی برآمد ہوئے تھے۔

ساہیوال میں مخالف کے مرغے کی تعریف کرنے پر ملزم نے 16 سالہ لڑکے کی آنکھ ضائع کردی۔

اے آر وائی نیوز کے مطابق ساہیوال میں مخالف شخص کے مرغے کی تعریف کرنے پر تھانہ ڈیڑہ رحیم کے علاقے 43 نو ایل میں ملزم نے حملہ کرکے 16 سالہ لڑکے اصغر علی کی آنکھ ضائع کردی۔

متاثرہ لڑکے کو تشویش ناک حالت میں ٹیچنگ اسپتال منتقل کردیا گیا۔

پولیس کو دی جانے والی درخواست کے مطابق 16 سالہ طالب علم اصغر علی نے گاؤں میں مرغوں کی لڑائی کے دوران ملزم کے مخالف لڑنے والے مرغے کی تعریف کی جس کے رنج میں ملزم  رحمان نے بازار جاتے ہوئے 16 سالہ طالب علم اصغر علی پر حملہ کردیا۔

اس دوران لڑائی میں ملزم کا مکا لگنے سے طالب علم کی ایک آنکھ ضائع ہو گئی، طالب علم کو شدید زخمی حالت میں ٹیچنگ اسپتال منتقل کیا گیا جہاں اصغر علی کی ایک آنکھ کی بینائی متاثر ہونے پر ڈاکٹروں نے اسے لاہور ریفر کردیا۔

متاثرہ طالب علم اصغرعلی کے والد  نے واقعے کی ایف آئی آر کیلئے تھانہ ڈیرہ رحیم میں درخواست  دے دی اور  وزیراعلیٰ پنجاب اور پولیس حکام سے انصاف کی اپیل کی ہے۔

ساہیوال : لڑکے نے فون پر بات کرنے سے انکار پر لڑکی کو زبردستی تیزاب پلادیا، پولیس نے مقدمہ درج کر کے ملزم عثمان کو گرفتار کر لیا۔

تفصیلات کے مطابق ساہیوال میں عثمان نامی لڑکے نے 16سالہ لڑکی کو زبردستی تیزاب پلادیا، متاثرہ لڑکی کو ٹیچنگ اسپتال منتقل کردیا گیا ہے ، جہاں اس کی حالت تشویشناک ہے۔

پولیس نے مقدمہ درج کر کے ملزم عثمان کو گرفتار کر لیا، ایف آئی آر میں کہا ہے کہ لڑکے نےلڑکی کارشتہ مانگاگھروالوں نے انکار کر دیا تھا، لڑکے نے لڑکی کوموبائل فون دینے کی کوشش کی، لڑکی کےانکار پرملزم عثمان نےلڑکی کوتیزاب پلادیا۔

یاد رہے ایک واقعے میں بیرون ملک مقیم شوہر کی طلاق کی دھمکی پر خاتون نے غصے میں آکر اپنے 2 بچوں کو تیزاب پلا کر قتل کرڈالا تھا۔

جاں بحق بچوں میں 6 سال کا آہل اور7 سال کا ساحل شامل تھا، ملزمہ سدرہ نے بتایا تھا کہ خاوندمشاہد سےفون پرجھگڑاہوا تھا۔ اس نے طلاق کی دھمکی دی تھی، جس پروہ غصے میں آگئی ، جس کے بعد اس نے یہ قدم اٹھایا۔