ARYNews.tv | Urdu – Har Lamha Bakhabar

Tag: ساہیوال سانحہ

  • ساہیوال واقعہ: جے آئی ٹی ممبران کی متاثرہ خاندانوں سے تعزیت

    ساہیوال واقعہ: جے آئی ٹی ممبران کی متاثرہ خاندانوں سے تعزیت

    لاہور: جوائنٹ انویسٹی گیشن ٹیم کے ارکان نے ساہیوال واقعے میں سی ٹی ڈی کے ہاتھوں متاثر ہونے والے خاندانوں کے گھر پہنچ کر اہل خانہ سے تعزیت کی۔

    تفصیلات کے مطابق جے آئی ٹی سربراہ نے خلیل کے اہل خانہ سے ملاقات کے بعد میڈیا سے گفتگو کرتے ہوئے کہا کہ جے آئی ٹی ممبران دونوں خاندانوں سے تعزیت کے لیے آئے ہیں۔

    [bs-quote quote=”جی آئی ٹی سربراہ نے کہا کہ سی ٹی ڈی افسران کی معطلی الزام کی تردید ہی ہے۔” style=”style-7″ align=”left” color=”#dd3333″ author_name=”بھائی ذیشان”][/bs-quote]

    سربراہ جے آئی ٹی اعجاز شاہ نے کہا کہ جے آئی ٹی کے کچھ نتائج سے میڈیا کو آج وزیرِ قانون نے آگاہ کر دیا ہے۔

    انھوں نے کہا ’جائے وقوع سے شواہد اکٹھے کر کے فرانزک کے لیے بھیج دیے گئے ہیں، جلد حتمی رپورٹ جاری کریں گے، جے آئی ٹی باریک بینی سے معاملے کو دیکھ رہی ہے۔‘

    سربراہ جے آئی ٹی نے مزید کہا کہ واقعے کی مکمل چھان بین کی جا رہی ہے، بہت جلد نتیجہ اخذ کریں گے۔

    ذیشان کے خلاف شواہد حساس اداروں کو مل گئے: انٹیلی جنس ذرائع کا دعویٰ

    دریں اثنا مقتول ڈرائیور ذیشان کے بھائی نے بتایا کہ جے آئی ٹی سربراہ سے کہا کہ دہشت گردی کا الزام واپس لیا جائے، ان کا کہنا تھا کہ سی ٹی ڈی افسران کی معطلی الزام کی تردید ہی ہے۔

    ذیشان کے بھائی کا کہنا تھا کہ جے آئی ٹی سربراہ نے انھیں مطمئن کیا ہے، کوشش ہے مظاہرہ نہ ہو۔

    دوسری طرف انٹیلی جنس ذرائع نے دعویٰ کر دیا ہے کہ سی ٹی ڈی اہل کاروں کے ہاتھوں مارے جانے والے ڈرائیور ذیشان کے خلاف حساس اداروں کو شواہد مل گئے ہیں۔

    ذرائع نے دعویٰ کیا ہے کہ ذیشان کے موبائل سے دہشت گرد عثمان کے ساتھ تصویر مل گئی ہے، اور ذیشان کی گاڑی مبینہ دہشت گرد عدیل حفیظ نے خریدی تھی۔

     

  • ذیشان کے خلاف شواہد حساس اداروں کو مل گئے: انٹیلی جنس ذرائع کا دعویٰ

    ذیشان کے خلاف شواہد حساس اداروں کو مل گئے: انٹیلی جنس ذرائع کا دعویٰ

    لاہور: انٹیلی جنس ذرائع نے دعویٰ کیا ہے کہ سی ٹی ڈی اہل کاروں کے ہاتھوں مارے جانے والے ڈرائیور ذیشان کے خلاف حساس اداروں کو شواہد مل گئے ہیں۔

    تفصیلات کے مطابق ساہیوال فائرنگ واقعے میں جاں بحق ہونے والے ذیشان سے متعلق انٹیلی جنس ذرائع نے کہا ہے اس کے خلاف شواہد حساس اداروں کو مل گئے۔

    [bs-quote quote=”ذیشان کی گاڑی مبینہ دہشت گرد عدیل حفیظ نے خریدی تھی۔” style=”style-7″ align=”left” color=”#dd3333″ author_name=”انٹیلی جنس ذرائع”][/bs-quote]

    ذرائع کا دعویٰ ہے کہ ذیشان کے موبائل سے دہشت گرد عثمان کے ساتھ تصویر مل گئی ہے۔

    انٹیلی جنس ذرائع نے بتایا کہ عثمان ہارون 15 جنوری کو فیصل آباد سی ٹی ڈی مقابلے میں مارا گیا تھا۔

    ذرائع کا یہ بھی کہنا ہے کہ ذیشان کی گاڑی مبینہ دہشت گرد عدیل حفیظ نے خریدی تھی، گاڑی کی خرید و فروخت کا اسٹیمپ پیپر بھی منظرِ عام پر آ گیا۔

    انٹیلی جنس ذرائع کا دعویٰ ہے کہ عدیل بھی 15 جنوری کو فیصل آباد مقابلے میں مارا گیا تھا۔

    یہ بھی پڑھیں:  ساہیوال واقعہ: سی ٹی ڈی افسران خلیل اور اس کے خاندان کے قتل کے ذمہ دار قرار

    خیال رہے کہ وزیرِ قانون پنجاب راجا بشارت نے کہا ہے کہ جے آئی ٹی سربراہ نے آج اجلاس میں ابتدائی رپورٹ پر بریفنگ دی، جس میں خلیل اور اس کے خاندان کے قتل کا ذمہ دار سی ٹی ڈی افسران کو ٹھہرایا گیا۔

    تاہم انھوں نے کہا کہ ساہیوال آپریشن 100 فی صد صحیح تھا، ذیشان سے متعلق حقائق سامنے لانے کے لیے جے آئی ٹی سربراہ نے کچھ مہلت مانگی ہے۔

  • میرا بیٹا دہشت گرد نہیں ہے: ذیشان کی والدہ کا پروگرام الیونتھ آور میں گفتگو

    میرا بیٹا دہشت گرد نہیں ہے: ذیشان کی والدہ کا پروگرام الیونتھ آور میں گفتگو

    لاہور: سانحہ ساہیوال میں سی ٹی ڈی اہل کاروں کے ہاتھوں جاں بحق ڈرائیور ذیشان کی والدہ نے کہا ہے کہ میرا بیٹا دہشت گرد نہیں ہے۔

    اے آر وائی نیوز کے پروگرام الیونتھ آور میں گفتگو کرتے ہوئے والدہ ذیشان نے کہا کہ میرا بیٹا دہشت گرد نہیں ہے، وہ نیو اسکول ماڈل ٹاؤن سے پڑھا تھا۔

    [bs-quote quote=”کلبھوشن کو زندہ گرفتار کیا جا سکتا ہے تو ذیشان کو کیوں مارا گیا؟” style=”style-7″ align=”left” color=”#dd3333″ author_name=”بیوہ ذیشان”][/bs-quote]

    والدہ ذیشان نے بتایا کہ میرا بیٹا ذیشان لائق تھا، دکان پر کمپیوٹر ٹھیک کرتا تھا، لیکن دکان میں آگ لگنے کے بعد سے گھر پر کمپیوٹر ٹھیک کرتا تھا۔

    ان کا کہنا تھا کہ ذیشان سے ملنے ہمارے گھر کوئی مہمان نہیں آیا تھا، وہ گھر سے سوا 8 بجے نکلا تھا، میں گھر سے سبزی لینے گئی تھی، واپس آئی تو لوگوں نے پوچھا بیٹا کہاں ہے؟

    والدہ نے آب دیدہ ہو کر بتایا ’میں نے لوگوں کو بتایا کہ ذیشان بورے والا شادی میں گیا ہے، شادی میں شرکت کے لیے 3 گاڑیاں ایک ساتھ گئی تھیں، لیکن لوگوں نے بتایا کہ ذیشان کی گاڑی پر فائرنگ ہوئی ہے۔‘

    انھوں نے کہا اب میرا بیٹا واپس نہیں آ سکتا، التجا ہے میرے بیٹے پر لگایا گیا دہشت گردی کا الزام واپس لیا جائے، ذیشان میرا واحد سہارا تھا، وہ مجھے گھروں پر کام کرنے سے روکتا تھا۔

    یہ بھی پڑھیں:  ساہیوال واقعے کے ذمے داروں کے ساتھ کوئی رعایت نہیں کی جائے گی: وزیر اعظم

    والدہ ذیشان نے مزید کہا ’ذیشان کی 7 سال کی بیٹی ہے، دہشت گردی کا الزام واپس لیا جانا چاہیے۔‘

    ذیشان کی بیوہ نے پروگرام میں سوال کیا کہ کلبھوشن کو زندہ گرفتار کیا جا سکتا ہے تو ذیشان کو کیوں مارا گیا؟

    مقتول خلیل کے بھائی نے بھی پروگرام میں گفتگو کی، انھوں نے کہا کہ ذیشان دہشت گرد نہیں تھا اور نہ میرے اہل خانہ دہشت گرد تھے، اگرذیشان دہشت گرد ہوتا تو ہم اپنی فیملی کو اس کے ساتھ بھیجتے؟

    انھوں نے بتایا کہ ذیشان کی گاڑی ہمیشہ گھر کے دروازے پر کھڑی ہوتی تھی، ذیشان کو جانتا ہوں وہ میرے بھائیوں جیسا تھا۔

  • سانحہ ساہیوال: جے آئی ٹی کی تفتیش شروع، سی ٹی ڈی اہل کاروں سے پوچھ گچھ

    سانحہ ساہیوال: جے آئی ٹی کی تفتیش شروع، سی ٹی ڈی اہل کاروں سے پوچھ گچھ

    ساہیوال: بچی سمیت چار افراد کے قتل کی تفتیش کے لیے بننے والی جوائنٹ انویسٹی گیشن ٹیم نے کام شروع کر دیا، جے آئی ٹی نے سی ٹی ڈی اہل کاروں سے پوچھ گچھ کی۔

    تفصیلات کے مطابق جے آئی ٹی اہل کاروں نے کاؤنٹر ٹیرر ازم ڈیپارٹمنٹ کے اہل کاروں سے پوچھ گچھ کی، اہل کار جے آئی ٹی کو شواہد نہ دے سکے۔

    [bs-quote quote=”سی ٹی ڈی ٹیم کے صفدر حسین سمیت 7 اہل کاروں کے بیانات میں تضاد پایا گیا۔” style=”style-7″ align=”left” color=”#dd3333″ author_name=”ذرائع”][/bs-quote]

    ذرائع کا کہنا ہے کہ سی ٹی ڈی اہل کار جے آئی ٹی کو انٹیلی جنس رپورٹ کی معلومات نہ دے سکے۔

    ذرائع نے کہا کہ اہل کار ویڈیو ریکارڈنگ اور واٹس ایپ کال ریکارڈنگ بھی پیش نہ کر سکے، سی ٹی ڈی ٹیم کے صفدر حسین سمیت 7 اہل کاروں کے بیانات میں تضاد پایا گیا۔

    سانحہ ساہیوال میں ملوث سی ٹی ڈی اہل کاروں کے الگ الگ بیان لیے گئے، انکوائری میں عینی شاہدین نے سی ٹی ڈی اہل کاروں کو قاتل قرار دے دیا۔

    ذرائع کے مطابق جے آئی ٹی نے سی ٹی ڈی اہل کاروں کے فون کی ریکارڈنگ بھی حاصل کرلی ہے، جے آئی ٹی نے مذکورہ اہل کاروں کے بینک اکاؤنٹس کی چھان بین بھی کی۔

    یہ بھی پڑھیں:  ساہیوال واقعے کے ذمے داروں کے ساتھ کوئی رعایت نہیں کی جائے گی: وزیر اعظم

    خیال رہے کہ وزیرِ اعظم عمران خان نے قطر میں میڈیا سے گفتگو کرتے ہوئے کہا ہے کہ ساہیوال واقعے کے ذمے داروں کے ساتھ کوئی رعایت نہیں کی جائی گی۔

    وزیرِ اعظم عمران خان نے واضح کیا کہ جے آئی ٹی رپورٹ کی روشنی میں ٹھوس قدم اٹھایا جائے گا۔

  • ساہیوال واقعہ، بچوں کی کفالت کا ذمہ پنجاب حکومت اٹھائے گی: عثمان بزدار

    ساہیوال واقعہ، بچوں کی کفالت کا ذمہ پنجاب حکومت اٹھائے گی: عثمان بزدار

    لاہور: وزیراعلیٰ پنجاب عثمان بزدار نے کہا ہے کہ کل شام تک جے آئی ٹی کی رپورٹ سامنے آجائے گی، جس کی روشنی میں اقدامات کیے جائیں گے۔

    تفصیلات کے مطابق آج وزیر اعلیٰ پنجاب عثمان بزدار کی زیر صدارت پارلیمانی پارٹی کا اجلاس ہوا، جس میں ساہیوال واقعے کی شدید مذمت کی گئی۔

    اس موقع پر واقعے میں جاں بحق فیملی کے لواحقین سے دلی ہمدردی اور اظہار تعزیت کرتے ہوئے سوگوار خاندان سے  افسوس کا اظہار کیا اور جاں بحق افراد کے درجات کی بلندی کے لئے دعا کی۔

    اس موقع پر وزیر اعلیٰ پنجاب کا کہنا تھا کہ پنجاب حکومت غم زدہ خاندان کے دکھ میں برابر کی شریک ہے، بچوں کی کفالت کی ذمہ داری پنجاب حکومت نبھائے گی، ان کے تعلیمی اخراجات بھی پنجاب حکومت برداشت کرے گی۔

    سردار عثمان بزدار کا کہنا ہے کہ متاثرہ خاندان کی ہر ضرورت کو پورا کریں گے، مشترکہ تحقیقاتی ٹیم واقعہ کی انکوائری کررہی ہے، کل شام تک رپورٹ سامنے آجائے گی، انصاف نہ صرف ہوگا بلکہ ہوتا ہوا نظر بھی آئے گا۔

    مزید پڑھیں:“مجھے مت مارو! میں دہشت گرد نہیں ہوں” ساہیوال واقعے کے بعدگاڑیوں پر علامتی پوسٹرز آویزاں

    وزیراعلیٰ پنجاب عثمان بزدار نے کہا کہ متاثرہ خاندان کو انصاف دلانا ہماری ذمہ داری اور فرض ہے، انصاف کرکے دکھائیں گے۔

    قبل ازیں وزیر اعلیٰ پنجاب نے اپنے ایک بیان میں کہا تھا کہ ساہیوال واقعےکی تحقیقات کے لئےجےآئی ٹی کو72گھنٹےدیے ہیں،کسی کوایسےہی اٹھاکرپھانسی پرنہیں لٹکا سکتے۔

    یاد رہے کہ 19 جنوری کو ساہیوال میں سیکیورٹی اہل کاروں کی جانب سے ہائی وے پر ایک گاڑی کو نشانہ بنایا گیا، جس میں چار افراد ہلاک ہوئے۔

  • کراچی کے مسائل حل کرنے کے لیے ٹاسک فورس بنائی ہے: اسپیکر قومی اسمبلی

    کراچی کے مسائل حل کرنے کے لیے ٹاسک فورس بنائی ہے: اسپیکر قومی اسمبلی

    کراچی: قومی اسمبلی کے اسپیکر اسد قیصر نے کہا ہے کہ کراچی کے مسائل حل کرنے کے لیے ٹاسک فورس بنائی گئی ہے، شہر میں پانی اور دیگر مسائل حل ہوں گے۔

    تفصیلات کے مطابق کراچی میں میڈیا سے گفتگو کرتے ہوئے اسد قیصر نے کہا کہ ایک ٹاسک فورس بنائی گئی ہے جو کراچی میں پانی و دیگر مسائل حل کرنے کے لیے اقدامات کرے گی۔

    [bs-quote quote=”جس کے پاس جو مینڈیٹ ہے اس کا احترام کرنا چاہیے۔” style=”style-7″ align=”left” color=”#dd3333″ author_name=”اسد قیصر” author_job=”اسپیکر قومی اسمبلی”][/bs-quote]

    اسپیکر قومی اسمبلی کا کہنا تھا کہ کراچی نے پی ٹی آئی پر اعتماد کیا ہے، جواب میں ہم وفا کریں گے۔

    اسد قیصر نے کہا ’وزیرِ اعظم کراچی کے لیے پیکج کا اعلان کرنے والے ہیں، ٹرانسپورٹ، پانی اور سیوریج کےمسائل حل کریں گے۔‘

    اسپیکر قومی اسمبلی نے کہا کہ جس کے پاس جو مینڈیٹ ہے اس کا احترام کرنا چاہیے، سیاسی پارٹیاں ایک دوسرے کا مینڈیٹ تسلیم کریں، فوجی عدالتوں سے متعلق بات ہوگی، تاہم ابھی حتمی فیصلہ نہیں ہوا، فوجی عدالتوں پر ٹاسک فورس بنائیں گے جو سب کو اعتماد میں لے گی۔

    یہ بھی پڑھیں:  ساہیوال واقعے پر ابھی تک صدمے کی کیفیت میں ہوں‘ وزیراعظم

    اسد قیصر نے ساہیوال واقعے کو افسوس ناک قرار دیتے ہوئے اس کی مذمت کی، کہا جوڈیشل کمیشن بنانے کے لیے وزیرِ اعظم اور گورنر پنجاب سے بات کروں گا۔

    خیال رہے کہ گزشتہ روز ساہیوال میں کاؤنٹر ٹیرر ازم ڈیپارٹمنٹ نے ایک جعلی مقابلے میں ایک بچی اور ایک خاتون سمیت چار افراد کو بے دردی سے قتل کر دیا تھا۔

    دوسری طرف آج وزیرِ اعظم عمران خان نے کہا ہے کہ ساہیوال واقعے پر وہ بہت پریشان ہیں، بچوں کی آنکھوں کے سامنے ان کے والدین کو گولیاں ماری گئیں، ابھی تک صدمے کی کیفیت میں ہوں۔

  • سی ٹی ڈی اہل کاروں کا مؤقف درست نہ ہوا تو نشانِ عبرت بنا دیں گے: فواد چوہدری

    سی ٹی ڈی اہل کاروں کا مؤقف درست نہ ہوا تو نشانِ عبرت بنا دیں گے: فواد چوہدری

    اسلام آباد: وفاقی وزیرِ اطلاعات فواد چوہدری نے کہا ہے کہ اگر سی ٹی ڈی اہل کاروں کا مؤقف درست نہ ہوا تو انھیں نشانِ عبرت بنائیں گے۔

    تفصیلات کے مطابق فواد چوہدری نے اپنے ابتدائی بیان کے بعد اب کہا ہے کہ کاؤنٹر ٹیرر ازم ڈیپارٹمنٹ کا مؤقف درست نہ ہوا تو متعلقہ اہل کاروں کو نشانِ عبرت بنا دیا جائے گا۔

    [bs-quote quote=”سی ٹی ڈی کی کارروائی نے شکوک و شبہات پیدا کر دیے ہیں۔” style=”style-7″ align=”left” color=”#dd3333″ author_name=”فواد چوہدری”][/bs-quote]

    وزیرِ اطلاعات کا کہنا تھا کہ وزیرِ اعظم عمران خان نے وزیرِ اعلیٰ پنجاب سے رابطہ کیا، ان کی ہدایت پر عثمان بزدار ساہیوال روانہ ہو چکے ہیں۔

    فواد چوہدری نے کہا ’سی ٹی ڈی کی کارروائی نے شکوک و شبہات پیدا کر دیے ہیں، تحقیقات کی جارہی ہے جلد حقائق سامنے لائے جائیں گے۔‘

    وزیرِ اطلاعات فواد چوہدری نے مزید کہا کہ آئی جی پنجاب بھی ساہیوال روانہ ہو چکے ہیں، وہ کچھ دیرمیں جائے وقوعہ کا دورہ کریں گے۔

    یہ بھی پڑھین:  ساہیوال واقعہ: وزیر اعظم نے نوٹس لے لیا، وزیر اعلیٰ پنجاب سے رپورٹ طلب، جے آئی ٹی تشکیل

    خیال رہے کہ وفاقی وزیرِ اطلاعات فواد چوہدری نے کہا تھا کہ ساہیوال واقعے میں ہلاک ہونے والے بڑے دہشت گرد تھے، ابتدائی تحقیقات کے مطابق دہشت گردوں نے خواتین کو استعمال کیا۔

    یاد رہے کہ آج انسدادِ دہشت گردی کے مبینہ جعلی مقابلے میں دو خواتین سمیت 4 افراد کو زندگیوں سے محروم کیا گیا، گاڑی میں موجود ایک بچہ بھی زخمی ہوا، عینی شاہدین اور سی ٹی ڈی اہل کاروں‌ کے بنایات میں واضح تضادات ہیں۔