کراچی : عید قرباں قریب آتے ہی سبز مصالحہ جات کی قیمتیں بھی آسمان پر پہنچ گئیں۔سبزی فروش زائد قیمتیں وصول کرنے لگے۔
تفصیلات کے مطابق عید قرباں سے قبل مصالحے، سبزیاں سمیت مختلف اشیا مہنگی ہوگئی ہیں۔
ہرا دھنیا اور پودینے کی گڈی اب ہی سے دس یا پندرہ والی گڈی چالیس روپے کی ملنے لگی جبکہ ٹماٹروں کے دام بھی بڑھنے لگنے ،، کچھ دن قبل پچاس روپے کل والا ٹماٹر اب سو روپے فی کلو کا ہوگیا ہے۔
اسی طرح گرم مصالحہ بھی مہنگا کردیا گیا ہے، عیدالاضحٰی قریب آتے ہی مصالحہ جات کی قیمتوں کو بھی پر لگ گئے، 20 سے 25 فیصد اضافے نے شہریوں کی مشکلات بڑھا دیں۔
شہریوں کا کہنا ہے کہ عیدالاضحیٰ سے قبل ہی مصالحہ جات مہنگے ہونا شروع ہوجاتے ہیں، عید کی وجہ سے مہنگائی مزید بڑھ جاتی ہے، جو راشن پانچ ہزار کا آتا تھا وہ آٹھ ہزار کا ہوجاتا ہے۔
دوسری جانب عید قرباں سے قبل مرغی، پیاز ٹماٹر لہسن ادرک اور دیگر اشیاء کی گراں فروشی کرنے والوں کے خلاف زبردست کریک ڈائون میں کئی دکانیں سیل اور مہنگی سبزیاں بیچنے والے دکانداروں کو گرفتار کیا گیا۔
