Tag: سبسڈی

اسلام آباد: وزیراعظم عمران خان کا کہنا ہے کہ سبسڈی کے پورے نظام کا بغور جائزہ لیا جائے۔

تفصیلات کے مطابق وزیراعظم عمران خان کی زیر صدارت معاشی تھنک ٹینک کا اجلاس ہوا جس میں معیشت سے متعلقہ ایشوز پر غور، سفارشات اور مستقبل کا جائزہ لیا گیا۔

اجلاس میں بجلی،گیس، فرٹیلائزرز، یوٹیلٹی اسٹورز، برآمدات سے متعلق تبادلہ خیال کیا گیا۔وزیراعظم کو ہاؤسنگ،این ایچ اے اور دیگراداروں کے بجٹ اور سبسڈیز پر بریفنگ دی گئی۔

اس موقع پر وزیراعظم عمران خان کا کہنا تھا کہ سبسڈی کا مقصد غریب،مستحق افراد کی معاونت،ریلیف فراہم کرنا ہے،سبسڈی کے پورے نظام کا بغور جائزہ لیا جائے، یقینی بنایا جائے کہ سبسڈی کی رقم صرف ضرورت مندوں کو میسر آئے۔

وزیراعظم نے مشیر خزانہ کو حکومت کی فراہم کردہ سبسڈیز کا تفصیلی جائزہ لینے کی ہدایت کرتے ہوئے کہا کہ سبسڈیز کے جائزے کے لیے ایک خصوصی سیل قائم کیا جائے،سبسڈی کا جائزہ لے کر افادیت بڑھانے کے لیے جامع سفارشات پیش کریں۔

وزیراعظم پاکستان نے احساس پروگرام سے ضرورت مندوں کو نقد رقوم کی فراہمی کو سراہتے ہوئے کہا کہ بجلی،گیس،یوٹیلٹی اسٹورز، دیگر سبسڈیز کے لیے ڈیٹا بیس سے استفادہ کیا جائے۔

اسلام آباد: وفاقی وزیر مذہبی امور نورالحق قادری نے کہا ہے کہ کرتارپور راہداری پر کوئی سبسڈی نہیں دی گئی، ایسا بھی نہیں کہ کرتارپورکوریڈور کے لیے فیس نہیں ہے۔

تفصیلات کے مطابق وفاقی وزیر مذہبی امور نورالحق قادری کا کہنا ہے کہ کرتار پورراہداری پرکوئی سبسڈی نہیں دی گئی، صرف 2 دن کے لیے فیس معاف کی گئی تھی۔

نورالحق قادری نے کہا ہے کہ کرتارپور راہداری کے لیے سکھوں کو 4 کلومیٹرکا سفر طے کرنا پڑے گا، حج وعمرے کے لیے 4 ہزار میل کا سفر ہے، اگرسعودی حکومت حج عمرہ مفت کردے تو ہم بھی کر دیں گے۔

یہ شروعات ہے، انشاءاللہ بھارت سے تعلقات اچھے ہوں گے، وزیراعظم

یاد رہے کہ 9 نومبر کو وزیراعظم عمران خان نے کرتارپور راہداری کی افتتاحی تقریب سے خطاب کرتے ہوئے کہا تھا کہ مجھے خوشی ہے کہ کرتارپور سرحد کھول کر سکھوں کے دل خوشیوں سے بھر دیے ہیں۔

وزیراعظم عمران خان کا کہنا تھا کہ دل میں اللہ بستا ہے، جب آپ کسی کو خوشی دیتے ہیں تو اللہ کو خوش کرتے ہیں، نبیﷺرحمت اللہ العالمین ہیں، حضورﷺ صرف2 پیغام لائے، ایک انسانیت، دوسرا انصاف کا، یہ دوچیزیں انسانی اور جانوروں کے معاشرے میں فرق کرتے ہیں۔