اسلام آباد: ملتان میں ایک کم سن بچے پر وحشیانہ تشدد کا ایک اور کیس سامنے آیا ہے، قاری نے سبق یاد نہ کرنے پر بچے کی زبان پر کیل رکھ کر تشدد کیا، تاہم کیل حلق میں چلی گئی۔
تفصیلات کے مطابق ملتان میں ایک مدرسے میں کمسن بچے ہارون پر تشدد کے واقعے پر وفاقی وزیر برائے انسانی نے نوٹس لے لیا ہے، ذرائع کا کہنا ہے کہ سبق یاد نہ کرنے پر قاری نے بچے کی زبان پر کیل رکھ کر تشدد کیا تھا تاہم کیل بچے کے حلق میں چلی گئی۔
پولیس رپورٹ میں کہا گیا ہے کہ ہارون نے سبق یاد نہیں کیا تو قاری نے سزا کے طور پر زبان کے نیچے کیل رکھ دی، ایم ایس نشتر اسپتال ڈاکٹر امجد راؤ کے مطابق بچے کی حالت اب تسلی بخش ہے، بچے کے حلق سے کیل نکال لی گئی ہے۔
چیئرمین ولید اقبال کی زیر صدارت سینیٹ کی قائمہ کمیٹی انسانی حقوق کے اجلاس میں اس واقعے پر نوٹس لیا گیا، وزیر انسانی حقوق نے کہا مدرسے کے قاری کے خلاف قانونی کارروائی کی جائے گی، بچوں اور خواتین کو خصوصی طور پر ٹارگٹ کیا جا رہا ہے۔ انھوں نے کہا کہ معاشرے میں انسانی حقوق کی پامالیوں کا روز کوئی واقعہ سامنے آ جاتا ہے
