Tag: سب انسپکٹر

  • لاہور : منشیات فروش پولیس افسر اور خاتون سمیت 3 ملزمان گرفتار

    لاہور : منشیات فروش پولیس افسر اور خاتون سمیت 3 ملزمان گرفتار

    لاہور پولیس کا سب انسپکٹر منشیات فروشی میں ملوث نکلا، نارکوٹکس انویسٹی گیشن یونٹ ساؤتھ نے سب انسپکٹر کو تین ساتھیوں سمیت رنگے ہاتھوں گرفتار کرلیا۔

    ایف آئی آر کے متن میں لکھا ہے کہ سب انسپکٹر سجاول نے ایک ملزم کو گرفتار کیا جس کے قبضے سے 70کلو منشیات برآمد ہوئی تھی، مذکورہ افسر نے منشیات فروش کو8لاکھ روپے رشوت لے کر چھوڑ دیا۔

    ایف آئی آر کے مطابق سب انسپکٹرسجاول نے برآمد شدہ منشیات اپنے قبضےمیں لے لی، سب انسپکٹر نے منشیات فروخت کرنے کیلئے ایک معطل کانسٹیبل تکاثر سے رابطہ کیا۔

    معطل کانسٹیبل تکاثر سے50ہزار روپے فی کلو فروخت کا سودا طے پایا، جس نے5ہزار روپے فی کلو منشیات کی فروخت پر کمیشن طے کیا۔

    تکاثرمنشیات فروخت کرنے گیا تو این آئی یو ساؤتھ کی ٹیم نے اسے پکڑلیا، ملزم منشیات سپلائی کیلئے خاتون رخسانہ کا بھی سہارا لیتا تھا، تفتیش میں تمام حقائق سامنے آگئے۔

    این آئی یو نے سب انسپکٹرسجاول، معطل پولیس اہلکار تکاثر اورملزمہ رخسانہ کو گرفتار کرلیا، منشیات برآمد کرکے تینوں گرفتار ملزمان کیخلاف مقدمہ درج کرلیا گیا۔

  • سب انسپکٹر نے طالبہ کو زیادتی کا نشانہ بنا ڈالا

    سب انسپکٹر نے طالبہ کو زیادتی کا نشانہ بنا ڈالا

    ڈی جی خان : پنجاب پولیس کے سب انسپکٹر نے طالبہ کو زیادتی کا نشانہ بناڈالا ، پولیس نے سب انسپکٹر کو حراست میں لیکر مقدمہ درج کرلیا ہے۔

    صوبہ پنجاب کے ضلع ڈی جی خان میں پنجاب پولیس کے سب انسپکٹر نے طالبہ سے مبینہ زیادتی کی۔

    پولیس نے سب انسپکٹر کو حراست میں لیکر مقدمہ درج کرلیا، متاثرہ طالبہ کا کہنا ہے ملزم نے زیادتی کی اور بلیک میل کیا۔

    پولیس کا کہنا ہے کہ زیادتی ثابت ہونے پر تحقیقات کا دائرہ وسیع کیا جائے گا۔

    یاد رہے گذشتہ ماہ صوبہ پنجاب کے دارالحکومت لاہور میں خواتین کے ساتھ جنسی زیادتی کے 3 واقعات پر مقدمات درج کیے گئے تھے.

    ابتدائی معلوماتی رپورٹ (ایف آئی آر) کے مطابق گرین ٹاؤن میں شادی شدہ خاتون کو نوکری کاجھانسہ دے کر زیادتی کی گئی، ملزم وقاص نے نوکری دلانے کے بہانے 1 لاکھ روپے بھی ہتھیائے۔

    دوسرا واقعہ گجر پورہ میں پیش آیا جہاں 20 سالہ معذور خاتون کو زیادتی کا نشانہ بنایا گیا۔

    تیسرا واقعہ اقبال ٹاؤن میں پیش آیا جہاں ملزم تنویر نے اپنی 17 سالہ کزن کو جنسی زیادتی کا نشانہ بنایا گیا۔

  • مظفر گڑھ میں لیڈی سب انسپکٹر کے ساتھ زیادتی

    مظفر گڑھ میں لیڈی سب انسپکٹر کے ساتھ زیادتی

    مظفر گڑھ: صوبہ پنجاب کے شہر مظفر گڑھ میں پولیس کی لیڈی سب انسپکٹر کو اغوا کے بعد زیادتی کا نشانہ بنا دیا گیا، ملزم کی گرفتاری کے لیے چھاپے مارے جا رہے ہیں۔

    تفصیلات کے مطابق صوبہ پنجاب کے شہر مظفر گڑھ میں پولیس کی لیڈی سب انسپکٹر کو مبینہ اغوا کے بعد زیادتی کا نشانہ بنایا گیا، واقعے کا مقدمہ درج کرلیا گیا ہے۔

    پولیس کا کہنا ہے کہ زیادتی کا شکار سب انسپکٹر کو زخمی حالت میں اسپتال منتقل کیا گیا ہے، لیڈی انسپکٹر کو تھانہ صدر کے قریب سے مبینہ طور پر اغوا کیا گیا، سب انسپکٹر کیس کی تفتیش کے لیے رکشے میں تھانے آرہی تھیں۔

    پولیس کے مطابق کاشف نامی مسلح ملزم لیڈی انسپکٹر کو چمن بائی پاس کے قریب باغات میں لے گیا جہاں اس نے انسپکٹر کو زیادتی اور تشدد کا نشانہ بنایا، بعد ازاں ملزم زخمی لیڈی انسپکٹر کو موقع پر چھوڑ کر فرار ہوگیا۔

    پولیس کا کہنا ہے کہ ملزم کی کار برآمد کرلی گئی ہے اور اس کی گرفتاری کے لیے چھاپے مارے جا رہے ہیں۔

    دوسری جانب انسپکٹر جنرل (آئی جی) پنجاب نے واقعے کا نوٹس لیتے ہوئے آر پی او ڈیرہ غازی خان سے واقعے کی رپورٹ طلب کرلی۔ آئی جی پنجاب نے گرفتار ملزم کے خلاف سخت قانونی کارروائی کا حکم دیا ہے۔

  • پاگل کتے کے کاٹے سے سب انسپکٹر سمیت 12 افراد اسپتال پہنچ گئے

    پاگل کتے کے کاٹے سے سب انسپکٹر سمیت 12 افراد اسپتال پہنچ گئے

    کراچی: شہر قائد کے علاقے ایف سی ایریا میں پاگل کتے نے سب انسپکٹر سمیت 12 افراد کو کاٹ لیا۔

    تفصیلات کے مطابق کراچی ایف سی ایریا میں 12 افراد ایک پاگل کتے کے کاٹے کا شکار ہو گئے ہیں، جن میں کراچی پولیس کا ایک سب انسپکٹر بھی شامل ہے۔

    سب انسپکٹر سمیت تمام افراد کو عباسی شہید اسپتال منتقل کر دیا گیا ہے، دوسری طرف ایف سی ایریا کی وسطی مسجد علاقے کے مکین پاگل کتے کے خوف سے گھروں میں محصور ہو گئے ہیں، جب کہ انتظامیہ غائب ہے۔

    یاد رہے کہ پانچ دن قبل کراچی کے علاقے قائد آباد میں کتے کو مارنے والے اناڑی پولیس اہل کار نے بچی کو زخمی کر دیا تھا، کتے نے بچوں پر حملہ کیا تو نامعلوم پولیس اہل کار نے اس پر گولی چلائی جس سے کتا تو مر گیا لیکن گولی واپس ہو کر بچی کو بھی لگ گئی جس سے وہ زخمی ہو گئی۔

    یہ بھی پڑھیں:  کتے کو مارنے والے اناڑی پولیس اہلکار نے بچی کو زخمی کردیا

    واضح رہے کہ گزشتہ ماہ سندھ حکومت نے رے بیز کیسز سے بڑھتی اموات کے پیش نظر صوبے بھر میں کتا مار مہم شروع کرنے کا فیصلہ کرتے ہوئے میئر کراچی وسیم اختر سمیت تمام بلدیاتی کونسلرز کو آوارہ کتے پکڑنے کا ٹاسک دیا تھا۔

    کراچی سمیت سندھ بھر میں کتے کے کاٹنے کے واقعات میں بہت زیادہ اضافہ ہوا ہے، جب کہ رے بیز سے اموات کی تعداد بھی بڑھتی جا رہی ہے، جس پر حکومتی سطح پر بھی تشویش کا اظہار کیا جا چکا ہے، دوسری طرف کتے کے کاٹے کی ویکسین کی عدم دستیابی کا مسئلہ بھی موجود ہے۔

  • مرید عباس قتل کیس کی تفتیش کرنے والے سب انسپکٹر پر فائرنگ، اسپتال منتقل

    مرید عباس قتل کیس کی تفتیش کرنے والے سب انسپکٹر پر فائرنگ، اسپتال منتقل

    کراچی: شہر قائد میں اینکر مرید عباس کے قتل کیس میں مصروف تفتیش سب انسپکٹر پر فائرنگ ہوئی جس کے نتیجے میں انہیں شدید زخمی حالت میں اسپتال منتقل کردیا گیا۔

    تفصیلات کے مطابق صوبہ سندھ کے دارالحکومت کراچی میں بریگیڈ تھانے کی حدود میں کار پر فائرنگ ہوئی جس کے نتیجے میں سب انسپکٹر غوث عالم شدید زخمی ہوگئے۔

    زخمی سب انسپکٹر کو جناح اسپتال منتقل کر دیا گیا ہے۔ جناح اسپتال کی ڈائریکٹر ڈاکٹر سیمی جمالی کا کہنا ہے کہ زخمی سب انسپکٹر کی حالت انتہائی تشویشناک ہے، زخمی پولیس افسر کو چہرے پر ایک گولی لگی ہے۔

    ایس ایس پی انویسٹی گیشن کا کہنا ہے کہ غوث عالم انویسٹی گیشن ساؤتھ زون میں تعینات ہیں۔ آج صبح 2 موٹر سائیکلوں پر سوار چار ملزمان نے ان پر حملہ کیا۔ غوث عالم کی گاڑی سگنل پر رکی تو ملزمان نے فائر کیا۔

    ان کے مطابق ملزمان نے سر پر ایک ہی گولی چلائی، گولی سب انسپکٹر کے جبڑے پر لگی۔ فائرنگ کے بعد گاڑی آگے جا کر رکشے سے ٹکرا کر رکی۔

    پولیس کا کہنا ہے کہ زخمی سب انسپکٹر غوث عالم ہائی پروفائل کیس میں مصروف تفتیش تھے، غوث عالم نے اینکر مرید عباس قتل کیس کے انتہائی مطلوب ملزم کو گرفتار کیا۔ غوث عالم نے 3 گھنٹے پہلے ملزم عادل زمان کو تھانے منتقل کیا، تھانے سے دفتری امور کے لیے نکلا تو 4 ملزمان نے فائرنگ کردی۔

    پولیس کے مطابق زخمی سب انسپکٹر غوث عالم کا کراچی آپریشن میں بھی اہم کردار ہے، غوث عالم دیگر انتہائی اہم مقدمات پر کام کر رہے تھے۔

  • فرائض کی ادائیگی کے دوران موٹروے پولیس کا سب انسپکٹرشہید

    فرائض کی ادائیگی کے دوران موٹروے پولیس کا سب انسپکٹرشہید

    لودھراں: صوبہ پنجاب کے شہر لودھراں میں فرائض کی ادائیگی کے دوران موٹروے پولیس کا سب انسپکٹرسعید خان شہید ہوگیا۔

    تفصیلات کے مطابق لودھراں میں دھند کے باعث حادثے کا شکارہونے والی گاڑیوں کو سب انسپکٹر سڑک سے ہٹا رہا تھا کہ دھند میں آنے والی تیزرفتاربس نے اسے کچل ڈالا۔

    حادثے میں فرائض کی ادائیگی کے دوران موٹروے پولیس کا سب انسپکٹرشہید ہوگیا۔

    ترجمان موٹروے پولیس کے مطابق شہید پولیس افسردیانت داراوربہادرتھے، مرحوم کی نمازجنازہ بھکر میں ادا کی جائے گی۔

    پنجاب کے مختلف علاقوں میں شدید دھند کا راج

    واضح رہے کہ صوبہ پنجاب کے مختلف شر شدید دھند کی لپیٹ میں ہیں اور حد نگاہ کم ہونے کے باعث موٹروے کے کئی سیکشنز گاڑیوں کی آمدورفت کے لیے بند کردیے گئے۔

    ترجمان موٹروے نے مسافروں کو ہدایت کی ہے کہ شہری گاڑیوں میں فوگ لائٹس کا استعمال کریں اور دھند کے دوران غیر ضروری سفر سے گریز کریں اور موٹروے پرسفر سے قبل موٹروے ایپلی کیشن ایف ایم 95 ریڈیو اور ہیلپ لائن 130 سے مدد لیں۔

  • استعفیٰ دے دوں گا مگر بےانصافی نہیں کروں گا ‘ چیف جسٹس

    استعفیٰ دے دوں گا مگر بےانصافی نہیں کروں گا ‘ چیف جسٹس

    لاہور: سب انسپکٹرپروکلا کے تشدد سے متعلق ازخود نوٹس کی سماعت کے دوران سپریم کورٹ نے نامزد وکلا کی گرفتاریوں سے متعلق حکم امتناع جاری کرنے کی استدعا مسترد کردی۔

    تفصیلات کے مطابق سپریم کورٹ لاہور رجسٹری میں چیف جسٹس میاں ثاقب نثار کی سربراہی میں سب انسپکٹرپروکلا کے تشدد سے متعلق ازخود نوٹس کی سماعت ہوئی۔

    عدالت نے سماعت کے دوران انسداد دہشت گردی کی دفعات معطل کرنے اور وکلا کی گرفتاریوں سے متعلق حکم امتناع جاری کرنے کی استدعا مسترد کردی۔

    چیف جسٹس آف پاکستان نے ریمارکس دیے کہ استعفیٰ دے دوں گا مگر بے انصافی نہیں کروں گا۔

    سپریم کورٹ نے وکلا کی جانب سے سب انسپکٹر پرتشدد کی ویڈیو آئندہ سماعت پر طلب کرلی، چیف جسٹس نے کہا کہ آئندہ سماعت پرویڈیوعدالت میں چلا کرذمے داران کا تعین کریں گے۔

    چیف جسٹس کا لاہور میں پولیس انسپکٹرپروکلا کے تشدد کا نوٹس

    چیف جسٹس نے گزشتہ ہفتے لاہور میں سب انسپکٹرپروکلا کے تشدد کا نوٹس لیتے ہوئے آئی جی پنجاب کو13 اکتوبرکو واقعے کی رپورٹ پیش کرنے کا حکم دیا تھا۔

    واضح رہے کہ گزشتہ دنوں لاہور ڈسٹرکٹ بار کے وکلا نے سب انسپکٹرپرتشدد کیا تھا جس کی ویڈیو سوشل میڈیا پروائرل ہوگئی تھی۔