ARYNews.tv | Urdu – Har Lamha Bakhabar

Tag: ستارہ امتیاز

  • سعودی عرب میں کئی حجاج کی جانیں بچانے والے آصف بشیر کو ستارہ امتیاز عطا کردیا گیا

    سعودی عرب میں کئی حجاج کی جانیں بچانے والے آصف بشیر کو ستارہ امتیاز عطا کردیا گیا

    اسلام آباد : سعودی عرب میں کئی حجاج کی جانیں بچانے والے آصف بشیر کو ستارہ امتیاز سے نواز دیا گیا۔

    تفصیلات کے مطابق صدر مملکت آصف علی زرداری نے سعودی عرب میں کئی حجاج کی جانیں بچانے والے آصف بشیر کو ستارہ امتیاز عطا کردیا۔

    صدر مملکت نے عوامی خدمات کے شعبے میں نمایاں خدمات پر آصف بشیرک کو ستارہ امتیاز عطا کیا، اس حوالے سے تقریب ایوان صدر اسلام آباد میں ہوئی۔

    آصف نے گزشتہ سال بطور معاونین حج غیرمعمولی اورقابل ستائش خدمات انجام دیں ، 9 ذوالحج کو شدید گرمی کی وجہ سے کئی پاکستانی، بھارتی اوربرطانوی معمرحجاج بیہوش ہوگئے تھے۔

    اس بحران کے دوران آصف اور ان کی 5 رکنی ٹیم نے متاثرہ عازمین کوابتدائی طبی امداد فراہم کی اور کئی متاثرہ بھارتی عازمین کو بھی پاکستانی ٹیم نے امداد فراہم کی تھی۔

    مشکل حالات میں آصف نے 26 عازمین جن میں17 بھارتی شامل تھے ، انہیں کندھوں پراٹھا کراسپتال پہنچایا اور ان کی فوری کارروائی کی بدولت ان افراد کی جانیں بچائی جاسکیں۔

    آصف کی شاندارخدمات کے اعتراف میں بھارتی وزیراقلیتی امورنے بھی تعریفی خط لکھا تھا۔

  • صدر مملکت کا ڈاکٹر سلیمان شہاب الدین کے لیے ستارہ امتیاز کا اعلان

    صدر مملکت کا ڈاکٹر سلیمان شہاب الدین کے لیے ستارہ امتیاز کا اعلان

    کراچی: صدر مملکت آصف علی زرداری نے آغا خان یونیورسٹی کے صدر ڈاکٹر سلیمان شہاب الدین کے لیے ستارہ امتیاز کا اعلان کیا ہے۔

    تفصیلات کے مطابق پاکستان کے یوم آزادی کے موقع پر صدر آصف علی زرداری نے آغا خان یونیورسٹی کے صدر اور وائس چانسلر ڈاکٹر سلیمان شہاب الدین کو پاکستان میں تعلیم اور معیار زندگی کی بہتری کے لیے ان کی گراں قدر کی خدمات پر ستارہ امتیاز سے نوازا۔

    ستارہ امتیاز پاکستان کا تیسرا سب سے بڑا سول اعزاز ہے اور صدر پاکستان کی جانب سے فنون، ادب، کھیل، سائنس اور سماجی خدمات سمیت مختلف شعبوں میں بہترین کارکردگی کا مظاہرہ کرنے والوں کی غیر معمولی خدمات کے اعتراف میں یہ ایوارڈ دیا جاتا ہے۔ اس ایوارڈ کا مقصد ان لوگوں کو اعزاز دینا ہے جنھوں نے ملکی ترقی کے لیے کار ہائے نمایاں انجام دیے ہیں۔ ڈاکٹر شہاب الدین کو یہ ایوارڈ 23 مارچ 2025 کو اسلام آباد میں سرمایہ کاری سے متعلق ایک تقریب میں دیا جائے گا۔

    صدر شہاب الدین کے دور میں آغا خان یونیورسٹی میں طلبہ اور فیکلٹی کی تعداد میں اضافہ ہوا اور تحقیق، تعلیم اور پالیسی سازی میں اس کے اثرات نظر آئے۔ ڈاکٹر شہاب الدین کی قیادت میں آغا خان یونیورسٹی نے پاکستان میں تحقیق کے میدان میں اعلیٰ مقام حاصل کیا اور بین الاقوامی سطح پر اعلیٰ درجے کے مطالعہ جات اور اسٹڈیز کی اشاعت اس کا منہ بولتا ثبوت ہے۔

    2022 کے تباہ کن سیلاب جیسے بحران کے دوران ڈاکٹر شہاب الدین کی نگرانی نے اہم کردار ادا کیا۔ آغا خان یونیورسٹی نے ان کی رہنمائی میں متاثرہ علاقوں میں سیلاب کے کیمپوں میں موجود افراد کو صحت، تعلیم سمیت ضروری امداد فراہم کی۔

    بطور صدر صرف اپنے ابتدائی دو سالوں کے دوران ڈاکٹر شہاب الدین نے بین الاقوامی اور مقامی سطح پر اہم شراکتیں قائم کیں، جن میں امریکا کی مشی گن یونیورسٹی اور واشنگٹن یونیورسٹی، کینیڈا میں میک ماسٹر یونیورسٹی، آئرلینڈ کی مینوتھ یونیورسٹی، یونیورسٹی آف دارالسلام، پاکستان میں انسٹی ٹیوٹ آف بزنس ایڈمنسٹریشن اور دیگر شامل ہیں۔

    دریں اثنا، آغا خان یونیورسٹی انیقہ بانو کا جشن بھی منا رہا ہے جو انسٹیٹیوٹ فار ایجوکیشنل ڈیولپمنٹ کی سابق طالبہ ہیں اور انھیں صدر پاکستان کی جانب سے فخر پاکستان کے اعزاز سے نوازا گیا ہے۔ آغا خان یونیورسٹی انسٹیٹیوٹ فار ایجوکیشنل ڈیولپمنٹ کا حصہ بننے کے بعد اپنی سماعت سے محروم بیٹی کی پرورش کے چیلنجوں کا سامنا کرنے کے بعد انیقہ نے اپنے شوہر افضل رسول کے ساتھ مل کر نرجس خاتون کے نام سے سماعت سے محروم بچوں کے اسکول کی بنیاد رکھی۔ وہ اسکردو کے گورنمنٹ کالج آف ایجوکیشن فار ویمن میں انسٹرکٹر کے طور پر بھی خدمات انجام دے رہی ہیں جو تعلیم کے لیے ان کی لگن اور مختلف معذور بچوں کی مدد کی شاندار مثال ہے۔

  • سی ای او اے آر وائی ڈیجیٹل نیٹ ورک سلمان اقبال کو یوم پاکستان پر ستارہ امتیاز سے نوازا جائے گا

    سی ای او اے آر وائی ڈیجیٹل نیٹ ورک سلمان اقبال کو یوم پاکستان پر ستارہ امتیاز سے نوازا جائے گا

    کراچی: اے آر وائی ڈیجیٹل نیٹ ورک کے صدر اور سی ای او سلمان اقبال کو 23 مارچ 2022 کو یوم پاکستان کے موقع پر پاکستان کا ؕاعلیٰ سول ایوارڈ ستارہ امتیاز سے نوازا جائے گا۔

    پاکستان سپر لیگ (پی ایس ایل) کی فرنچائز کراچی کنگز کے مالک سلمان اقبال کو کرکٹ کے لیے ان کی خدمات پر یہ اعزاز دیا جائے گا۔

    کابینہ ڈویژن کی جانب سے جاری کردہ خط میں اے آر وائی ڈیجیٹل نیٹ ورک کے صدر اور سی ای او کو بتایا گیا ہے کہ یوم پاکستان کے موقع پر منعقدہ تقریب میں گورنر سندھ عمران اسماعیل کی جانب سے انھیں ستارہ امتیاز سے نوازا جائے گا۔

    سلمان اقبال پی ایس ایل فرنچائز کراچی کنگز کے مالک ہیں جس نے متعدد معیاری کرکٹرز تیار کیے ہیں-

    جون 2021 میں سلمان اقبال نے ’90-نائنٹی بیش’ کے نام سے ایک نئی بین الاقوامی کرکٹ لیگ کا بھی اعلان کیا تھا جو جلد ہی متحدہ عرب امارات (یو اے ای) میں منعقد ہوگی۔

    ستارہ امتیاز کیا ہے؟

    ستارہ امتیاز پاکستان کا اعلیٰ سویلین اعزاز ہے۔ یہ ان افراد کو دیا جاتا ہے جنھوں نے "پاکستان کی سلامتی یا قومی مفادات، عالمی امن، ثقافتی یا دیگر اہم عوامی کوششوں کے لیے شان دار خدمات” انجام دی ہوں۔

  • شہرۂ آفاق ادیب ابنِ صفی کے لیے ستارۂ امتیاز

    شہرۂ آفاق ادیب ابنِ صفی کے لیے ستارۂ امتیاز

    شہرۂ آفاق ناول نگار ابنِ صفی کو حکومتِ پاکستان کی جانب سے ستارۂ امتیاز دیا گیا ہے۔ جاسوسی کی دنیا کے مقبول ترین کردار علی عمران کے خالق کو بعد از مرگ یومِ دفاع پر اس اعزاز سے نوازا گیا ہے۔ ایوانِ صدر سمیت صوبوں میں گورنر ہاؤس میں فنونِ لطیفہ سے وابستہ جن شخصیات کو اعزازات دیے گئے ان میں ابنِ صفی شامل کا نام شامل تھا جو 1980 میں انتقال کرگئے تھے۔

    ان کا اصل نام اسرار احمد تھا، جو دنیا بھر میں‌ قلمی نام ابنِ صفی سے پہچانے گئے۔ 1948 میں بی اے کی ڈگری حاصل کرنے کے بعد اسرار احمد نے سنجیدگی سے قلم تھاما اور ان کی پہلی کہانی ایک جریدے میں شایع ہوئی جس کے بعد ہر ماہ ایک جاسوسی ناول لکھنے کا آغاز ہوا اور انھوں‌ نے خود کو ابنِ صفی کے نام سے متعارف کروایا اور آج بھی جاسوسی ادب میں یہ نام سرِفہرست اور نہایت معتبر ہے۔

    وہ 1952 میں پاکستان آگئے تھے اور یہاں جاسوسی دنیا کا وہ لازوال اور مقبول ترین کردار سامنے لائے جس نے گویا انھیں شہرت کے ہفت آسمان طے کروا دیے، یہ کردار تھا علی عمران۔

    یہ 1955 کی بات ہے اور اس کے بعد 1957 سے 1960 تک ابنِ صفی کا تخلیقی جوہر عروج پر نظر آیا۔ انھوں نے فریدی اور حمید جیسے جاسوسی کردار متعارف کروائے اور اسی دوران جاسوسی ناولوں شیدا قارئین عمران سیریز کے دیوانے ہوچکے تھے۔

  • بیمار بچوں کو خوش اور صحت مند دیکھنا چاہتی ہوں، مہوش حیات

    بیمار بچوں کو خوش اور صحت مند دیکھنا چاہتی ہوں، مہوش حیات

    کراچی: ستارہ امتیاز حاصل کرنے والی معروف اداکارہ مہوش حیات نے کہا ہے کہ بیمار بچوں کو خوش اور صحت مند دیکھنا چاہتی ہوں۔

    تفصیلات کے مطابق معروف اداکارہ مہوش حیات نے ستارہ امتیاز ملنے کے بعد نجی اسپتال میں بچوں کے وارڈ کا دورہ کیا، اداکارہ نے بچوں کے ساتھ مختلف سرگرمیوں پینٹنگ، رائٹنگ اور گپ شپ میں حصہ لیا اور ان کی صحت یابی کے لیے دعا کی۔

    ڈاکٹروں نے بچوں کے اسپتال میں معیاری علاج ادویات اور دیکھ بھال کے حوالے سے مہوش حیات کو آگاہ کیا، ڈاکٹروں نے کہا کہ یہ صرف علاج کا مرکز نہیں بلکہ بحالی کا مرکز ہے اور یہاں تربیت یافتہ اسٹاف صحت عامہ کے لیے سرگرم رہتا ہے۔

    مہوش حیات نے کہا کہ مریض بچوں کو علاج، سہولیات اور تفریحی پروگرام کے حوالے سے دیکھ کر خوشی ہوئی اور یہاں کا عملہ دوستانہ ہے۔

    مزید پڑھیں: اداکارہ مہوش حیات کا خود پر ہونے والی تنقید کا کرارا جواب

    اداکارہ نے کہا کہ ان بچوں کی فرمائش پر دوبارہ بھی آئیں گی اور تمام بچوں کو صحت یاب دیکھنا ان کی بڑی خواہش ہے۔

    واضح رہے کہ معروف اداکارہ مہوش حیات کو 23 مارچ کو صدر پاکستان عارف علوی کی جانب سے ستارہ امتیاز سے نوازا گیا تھا۔

    یاد رہے کہ حال ہی میں انسانی حقوق کی وزیر شیریں مزاری نے مہوش حیات پر تنقید کرنے والوں کو آڑے ہاتھوں لیتے ہوئے انہیں بیمار اور خراب ذہنیت کے افراد قرار دیا تھا۔

  • پاک فوج کے 23 افسران کو ستارہ امتیاز سے نواز دیا گیا، آئی ایس پی آر

    پاک فوج کے 23 افسران کو ستارہ امتیاز سے نواز دیا گیا، آئی ایس پی آر

    لاہور : پاک فوج کے 23 افسران کو ستارہ امتیاز، 48 افسران کو تمغہ امتیاز ملٹری اور 15 سولجرز کو تغمہ بسالت سے نواز دیا گیا، آپریشنز میں اعلی کارکردگی کا مظاہرہ کرنے والے افسران کو ایوارڈ دیا گیا۔

    پاک فوج کے شعبہ تعلقات عامہ (آئی ایس پی آر) کے مطابق کور ہیڈ کوارٹر لاہور میں پاک فوج کے شہدا اور غازیوں کے اعزاز میں تقریب کا اہتمام کیا گیا، تقریب میں پاک آرمی کے شہدا کی فیملیز اور غازیوں کو ایوارڈز سے نوازا گیا۔

    کور کمانڈر لاہور لیفٹیننٹ جنرل ماجد احسان تقریب کے مہمان خصوصی تھے، تقریب میں آپریشنز میں اعلی کارکردگی کا مظاہرہ کرنے والے افسران کو ایوارڈ دیا گیا، جس میں 23 افسران کو ستارہ امتیاز، 48 افسران کو تمغہ امتیاز ملٹری، 15 سولجرز کو تغمہ بسالت سے نوازا گیا۔

    شہدا کے ایوارڈز میڈل انکی فیملیز کی جانب سے ریسیو کیے گئے۔

    مزید پڑھیں : سائنس دانوں، انجینئرز کو ستارہ امتیاز، دیگر اعزازات دینے کی تقریب، آئی ایس پی آر

    یاد رہے دو روز قبل جوائنٹ اسٹاف ہیڈ کوارٹرز راولپنڈی میںسائنس دانوں، انجینئرز کو ستارہ امتیاز سمیت دیگر اعزاز دینے کی تقریب کا انعقاد کیا گیا تھا، جس میں 5  افراد کو ستارہ امتیاز اور 2 کو تمغہ امتیاز سے نوازا گیا جبکہ 9 افراد کو پرائڈ آف پرفارمنس سے بھی دیا گیا تھا۔

    واضح رہے یوم پاکستان 23 مارچ کے موقع پر بھی صدر پاکستان عارف علوی نے پاکستان نیوی کے آفیسرز اور سیلرز کو ملٹری اعزازات سے نوازا تھا، 7 شوبز شخصیات کو بھی تمغہ حسن کارکردگی دیا گیا تھا.اے آر وائی نیوز کے سینئر اینکر پرسن ارشد شریف کو بھی اعزاز دیا گیا تھا۔

    اس کے علاوہ صدر مملکت عارف علوی نے سابق کرکٹرز وسیم اکرم، وقار یونس ودیگر کو بھی اعزازات دئیے تھے۔

  • مہوش حیات، 8 سال کی عمر سے ستارہ امتیاز حاصل کرنے تک کا سفر

    مہوش حیات، 8 سال کی عمر سے ستارہ امتیاز حاصل کرنے تک کا سفر

    کراچی: ستارہ امتیاز حاصل کرنے والی خوبرو اداکارہ مہوش حیات نے اپنی آپ بیتی بیان کردی۔

    تفصیلات کے مطابق پاکستانی خوبرو اداکارہ مہوش حیات کو ستارہ امتیاز حاصل کرنے سے قبل کن کن مراحل سے گزرنا پڑا، اداکارہ نے سماجی رابطے کی ویب سائٹ انسٹاگرام پر سب کچھ بیان کردیا۔

    مہوش حیات نے کہا کہ جب وہ آٹھ سال کی تھیں تو اپنی والدہ کے ساتھ پہلی بار پی ٹی وی اسٹوڈیو میں گئیں وہ لمحہ میرے لیے بہت خوشگوار تھا، وہاں پر بہت سے لوگ موجود تھے اور اپنے اپنے کاموں میں مصروف تھے۔

    انہوں نے کہا کہ پی ٹی وی اسٹوڈیو میں ہر کوئی اپنے کام میں ماہر تھا اور میری والدہ بھی بہت محنتی اور اچھی اداکارہ تھیں، میں نے پی ٹی وی سے ہی سفر کا آغاز کیا، بہت سے لوگ خواب دیکھتے ہیں لیکن میں نے جو خواب دیکھے وہ پورے ہوئے۔

    مہوش حیات نے کہا کہ گزشتہ روز اسی چھوٹی سی بچی نے اپنی والدہ کا ہاتھ تھام کر ایوان صدر کا دورہ کیا، اس بچی کو یقین تھا کہ میری ماں ہی ہے جس کی بدولت میں آج اس مقام پر پہنچی ہوں اور بہت سے ممتاز افراد کو اس ایوارڈ سے نوازا جاچکا ہے۔

     

    View this post on Instagram

     

    An eight year old girl went to the PTV studios holding her mother’s hand tightly. She was totally clueless about all the hustle and bustle going on around her. But she was equally fascinated by the lights, the cameras and the way in which everybody was hard at work including her mother who was an actress. Even as a child the wobbly sets amused her but she could see on the screens the magic being woven in that studio creating dreams for so many people. Yesterday that same little girl arrived at the Aiwan e sadr holding tightly on to her mother’s hand equally bemused by her surroundings. That girl knows that she is blessed to be there receiving such a prestigious honour in the company of such distinguished people following in the footsteps of so many legends, so many of her own heroes. At heart she remains that simple little girl from Karachi who has been fortunate to live her dreams. Her journey from that PTV studio to the Awan-e-sadr has been a long one and by no means the easiest. But never in her wildest dreams did she see this recognition coming at such a tender age. Nor did she see the role she would go on to play in the revival of Pakistani Cinema and her contribution being acknowledged in this way…! Thank you to the Government of Pakistan and the President for bestowing this honour upon me and making the dream of that little girl come true. Today, I share this with all the other girls in Pakistan who have a dream, to them I simply say, "Hope lies in dreams, in imagination, and in the courage of those who dare to make dreams turn into reality.” Thank you also to all my family, friends and colleagues who have shared this wondrous journey and above all to all the fans who have supported me each step of the way and made me worthy of this award! 🙏🇵🇰 #MehwishHayat #Tamghaeimtiaz 🎖#Medalofexcellence #pakistanzindabad 💚

    A post shared by Mehwish Hayat (@mehwishhayatofficial) on

    اداکارہ نے کہا کہ کراچی کی اس چھوٹی سی لڑکی نے بڑے بڑے خواب دیکھے جو ایوان صدر میں ستارہ امتیاز کا ایوارڈ حاصل کرکے پورے ہوگئے، پی ٹی وی اسٹوڈیو سے ایوان صدر تک کا سفر آسان نہیں تھا لیکن میں نے ہمت نہیں ہاری اور اپنی منزل کو پاکر رہی۔

    مہوش حیات نے گورنمنٹ آف پاکستان اور صدر عارف علوی کا شکریہ ادا کیا کہ انہوں نے اس قابل سمجھا کہ چھوٹی سی بچی اس ایوارڈ کی حقدار ہے۔

    مزید پڑھیں: مہوش حیات بچپن میں کیسی نظر آتی تھیں؟ اداکارہ کی تصویر وائرل

    انہوں نے مداحوں کے نام پیغام میں کہا کہ ’امید خوابوں میں ہے‘ لہٰذا اپنے خوابوں کو پورا کرنے کے لیے سخت محنت کریں اور کبھی ہمت نہ ہاریں، کامیابی آپ کے قدم چومے گی۔

    آخر میں مہوش حیات نے اپنے دوستوں، مداحوں اور رشتے داروں کا شکریہ ادا کرتے ہوئے کہا کہ میرے اس سفر میں سپورٹ کرنے والے تمام لوگوں کی شکر گزار ہوں، انڈسٹری میں میرے ایک ایک قدم نے مجھے اس ایوارڈ کا حقدار بنایا۔

  • یوم پاکستان: گورنر سندھ نے مختلف شخصیات کو اعزازات سے نوازا

    یوم پاکستان: گورنر سندھ نے مختلف شخصیات کو اعزازات سے نوازا

    کراچی : گورنرسندھ ڈاکٹر عشرت العباد خان نے آج یوم پاکستان کے موقع پر گورنر ہاؤس کے دربار ہال میں منعقد ایک پروقار تقریب میں اپنے اپنے شعبوں میں نمایاں کارکردگی دکھانے والے 27 افراد کو ستارہ امتیاز، صدارتی تمغہ برائے حسن کارکردگی اور تمغہ امتیاز دیئے۔

    تقریب میں سینئر صوبائی وزیر تعلیم نثار احمد کھوڑو، ڈپٹی اسپیکر شہلا رضا، کورکمانڈر لیفٹننٹ جنرل نوید مختار ، پاک بحریہ کے کمانڈر کراچی وائس ایڈمرل عارف اللہ حسینی، پاک فضائیہ کی سدرن کمانڈ کے کمانڈر ائر وائس مارشل اظہر حسن رضوی کے علاوہ اعلیٰ حکام ، عمائدین شہر اور ایوارڈز حاصل کرنیوالوں کے اقرباء نے شرکت کی۔

    چیف سیکریٹری سندھ محمد صدیق میمن نے تقریب کی نظامت کی ۔ گورنر سندھ ڈاکٹر عشرت العبادخان نے پانچ افراد کو ستارہ امتیاز، 12 افراد کو صدارتی اعزاز برائے حسن کارکردگی اور دس افراد کو صدر پاکستان کی جانب سے  تمغئہ امتیاز دیا۔

    تمغئہ امتیاز پانیوالوں میں پروفیسر ڈاکٹر عبد القادر مغل (تعلیم)، یوسف کمال شکیل (فن،اداری)، پروفیسر نثار احمد صدیقی (خدماتِ عامہ)، نجیب دانہ والا(خدمات عامہ)، محمد صدیق شیخ (خدمات عامہ) شامل ہیں۔

    صدارتی تمغہ برائے حسن کارکردگی حاصل کرنے والوں میں ڈاکٹر رخسانہ مغل (صحت)، پروفیسر شہناز اسماعیل (بصری آرٹس، تعلیم) مہر افروز (فن، پینٹنگ)، مسمات پری (فن، فراسی بنائی)، صلاح الدین تنیو (فن، اداکاری)، عبدالکریم سولنگی (فن، مجسمہ سازی)، محمد بخش عرف نجش مھرانوی(فنون لطیفہ)، ولی رام ولبھو(ادب)، ڈاکٹر علی شوق (ادب و تعلیم)، محمد سلیم کوثر (ادب)، محمد ادریس بختیار (صحافت)، اور عقیل خان (کھیل، ٹینس) شامل ہیں۔

    جب کہ تمغئہ امتیاز حاصل کرنیوالوں میں ڈاکٹر سید ریاض باقر (سائنسی تحقیق)، محمد ظفر عادل ملک (انجینئرنگ)، پروفیشر ذکریا ساجد (صحافت)، علامہ غلام رسول سعیدی (تعلیم)، پروفیسر ڈاکٹر محمد شکیل اوج شہید،بعداز وفات(تعلیم)، انواراحمد خان مرحوم ، بعد از وفات (کھیل، ھاکی)، عبدالوحید خان (کھیل، ھاکی)، نجم الثاقب حمید (سماجی خدمات)، مہتاب الدین چاؤلہ (سماجی خدمات)، اور سید عتیق الرحمان (سماجی خدمات) شامل ہیں۔