بالی ووڈ کے مسٹر پرفیکشنسٹ عامر خان کی نئی فلم ‘ستارے زمین پر’ وہ کس کردار میں نظر آئیں گے، انھوں نے خود آشکار کردیا۔
عامر خان پچھلے کئی ماہ سے سلور اسکرین سے دور ہیں، تاہم وہ اس وقت میڈیا کی نظروں میں آئے تھے جب انھوں نے اپنا اور گرل فرینڈ گوری سپراٹ کا تعلق آشکار کیا تھا، اب ایک بار پھر سے عامر خان اپنی فلم ستارے زمین کو لے کر خبروں کی زینت بن رہے ہیں۔
بالی ووڈ اداکار نے اپنے چائنہ بیسٹ فین کلب سے سوشل میڈیا انٹرایکشن کیا اس گفتگو کو انھوں نے بعد میں سوشل میڈیا پلیٹ فارم ایکس پر بھی شیئر کیا
عامر خان نے بتایا کہ "ستارے زمین پر تقریباً تیار ہے، یہ تارے زمین پر کا سیکوئل ہے، تاہم اس فلم کی تھیم پچھل فلم کی تھیم سے دس قدم آگے ہے، یہ فلم ان لوگوں کے بارے میں ہے جو مختلف صلاحیتوں کے حامل ہیں”۔
انھوں نے بتایا کہ ستارے زمین پر محبت، دوستی اور زندگی کے بارے میں ہے، تارے زمین پر نے آپ کو رلا دیا لیکن یہ فلم آپ کو ہنسائے گی۔”
عامر خان نے فلم میں اپنے کردار کے بارے میں بتاتے ہوئے کہا کہ اس فلم میں میرے کردار کا نام گلشن ہے، لیکن اس کی شخصیت تارے زمین پر کے نکمبھ نامی کردار کے بالکل برعکس ہے۔
یہ کردار بالکل حساس نہیں ہے، یہ بہت بدتمیز ہے اور سب کی توہین کرتا ہے، وہ اپنی بیوی، ماں سے لڑتا ہے، میرا یہ کردار فلم میں ایک باسکٹ بال کوچ کا ہے اور وہ اپنے سینئر کوچ کو مارتا بھی ہے۔
https://urdu.arynews.tv/aamir-khan-june-20-release-sitaare-zameen-par/
