ARYNews.tv | Urdu – Har Lamha Bakhabar

Tag: سجاد علی

  • سجاد علی کا نوجوان گلوکاروں کو اہم مشورہ

    سجاد علی کا نوجوان گلوکاروں کو اہم مشورہ

    پاکستان کے معروف گلوکار سجاد علی نے نوجوان گلوکاروں کے ساتھ اپنا تجربہ شیئر کرتے ہوئے انہیں اہم مشورہ دیا ہے۔

    حال ہی میں آرٹس کانسل آف پاکستان میں  ایک خصوصی ماسٹر کلاس کا انعقاد کیا گیا، جہاں سجاد علی نے نوجوان گلوکاروں سے گفتگو کی۔

    ان کا کہنا تھا کہ گائیکی ایک فطری صلاحیت ہے، جو محض سیکھنے سے نہیں آتی اور اکثر ایسا ہوتا ہے کہ جو گاتے ہیں وہ سیکھنے پر توجہ نہیں دیتے اور جو سیکھتے ہیں، وہ گائیکی میں دل سے کام نہیں لیتے۔

    گلوکار نے کہا کہ گلوکار پیدا ہوتے ہیں، بنائے نہیں جاتے لیکن گائیکی میں جس قدر محنت کی جائے، اسی تناسب سے نتائج حاصل ہوتے ہیں آج کے نوجوانوں میں جوش و جذبے کو اکثر ‘موڈ‘ کا نام دیا جاتا ہے، جو وقتی ہوتا ہے۔

    https://urdu.arynews.tv/sajjad-ali-video-message-pathaan-besharm-rang-music-copy/

    سجاد علی نے کہا کامیابی کے لیے صرف موڈ پر انحصار کافی نہیں، بلکہ ایک منظم حکمتِ عملی اور تسلسل ضروری ہے، پیشن کو عادت اور نظم و ضبط میں ڈھالنا ہی اصل کامیابی ہے۔

    گلوکار نے اپنی کامیابی کا راز ڈسپلن کو قرار دیا اور کہا کہ میں نے بہت سے باصلاحیت افراد کو دیکھا ہے لیکن کامیاب وہی ہوئے جنہوں نے خود کو ڈسپلن میں رکھا، ٹیلنٹ بھی اہم ہے، لیکن اگر اس کے ساتھ نظم و ضبط نہ ہو تو وہ ضائع ہو جاتا ہے۔

  • ’پٹھان‘ کے گانے کی ’دھن‘ پر سجاد علی کی وضاحت آگئی

    کراچی: بالی ووڈ اداکار شاہ رخ خان کی فلم ’پٹھان‘ کے گانے ’بے شرم رنگ‘ کی دھن سے متعلق سوشل میڈیا صارفین کا کہنا تھا کہ اس گانے میں سجاد علی کے مشہور گانے کی دھن چرائی گئی ہے۔

    سوشل میڈیا صارفین کی جانب سے گزشتہ دنوں گلوکار سجاد علی کے 25 سال پرانے گانے کی ویڈیوز شیئر کی گئیں اور تبصرے کیے گئے کہ بھارتی فلم میکر پاکستانی گانوں کی دھنیں کاپی کرتے ہیں۔

    گلوکار سجاد علی نے ویڈیو شیئر کی جس میں انہوں نے کہا کہ  ’ایک نئی فلم کا گانا سنا جس پر اپنا 25 سال پرانا گانا ’اب کے ہم بچھڑے‘ یاد آگیا۔‘

    سوشل میڈیا صارفین کی جانب سے کہا گیا کہ ’بالی ووڈ کو پاکستان کو کریڈٹ دینا چاہیے تھا۔‘

    اب سے کچھ دیر قبل سجاد علی نے ٹوئٹر پر ویڈیو پیغام شیئر کیا اور مداحوں سے اپیل کی کہ ’آپ لوگ تسلی رکھیں۔‘

    انہوں نے کہا کہ ’گانا سننے کے بعد لوگوں نے یہ کہنا شروع کردیا کہ میں کہہ رہا ہوں کہ میرے گانے کی نقل کی گئی ہے، پہلی بات تو یہ ہے ایسا سجاد علی نے کب کہا؟ میری ویڈیو دیکھ لیں کسی گلوکار کا نام نہیں لیا نہ کسی گانے، میوزک ڈائریکٹر اور اداکار کا نام لیا۔‘

    سجاد علی کا کہنا ہے کہ ’انہوں نے یہ کہا تھا کہ میں ایک گانا سن رہا تھا تو مجھے میرا گانا یاد آگیا اور کیوں یاد آگیا کہ راگ بہروی میں 80 فیصد گانے ہمارے ان سے مماثلت رکھتے ہیں میں نے بھی گانے بنائے ہیں اور لوگوں نے اسے نقل سمجھ لیا۔

    گلوکار نے کہا کہ ’میں ایسے بیان نہیں دیتا کہ میرا گانا نقل ہوگیا یا یوں ہوگیا مجھے اس سے کوئی فرق نہیں پڑتا ہے تو یہ گانا میری نقل نہیں ہے اور نہ ہی مجھے سستی شہرت کی ضرورت ہے۔‘

    سجاد علی کا کہنا تھا کہ ’90 میں جب میرے پورے پورے گانے کاپی ہورہے تھے تب میں ایسا نہیں کہا اور نہ ہی اس طرح کی بات آج کروں گا مجھے اس شہرت کی ضرورت نہیں الحمد للہ میرے دنیا میں بہت مداح ہیں۔

  • لائٹ جاندی اے: سجاد علی کا گنگنا کر پریشانی کا اظہار

    لائٹ جاندی اے: سجاد علی کا گنگنا کر پریشانی کا اظہار

    ملک میں بجلی کی لوڈ شیڈنگ نے سب کو پریشان کر رکھا ہے اور فنکار بھی اس پریشانی سے آزاد نہیں، لیکن معروف گلوکار سجاد علی نے اس پریشانی کو بھی گانے کی شکل دے دی۔

    سماجی رابطے کی ویب سائٹ ٹویٹر پر سجاد علی نے ایک مختصر ویڈیو شیئر کی جس میں وہ اپنی ٹیم کے ساتھ اسٹوڈیو میں موجود ہیں۔

    غالباً اس دوران انہیں بجلی کی آنکھ مچولی نے پریشان کر رکھا ہے، تبھی وہ پنجابی میں گانا شروع کرتے ہیں، لائٹ آندی اے، لائٹ جاندی اے۔

    اس کے ساتھ ہی ان کی ٹیم اس پر موسیقی بجانا شروع کردیتی ہے جس کے بعد یہ اچھے خاصے گانے کی شکل اختیار کرجاتا ہے۔

    سجاد علی کی اس ویڈیو پر مداح بہت لطف اندوز ہوئے، کئی لوگوں نے خود کو بھی اسی پریشانی کا شکار قرار دیا جبکہ کچھ نے سجاد علی کے گانے کی تعریف کی۔

  • سجاد علی نے منقبت نئے انداز سے پیش کردی

    سجاد علی نے منقبت نئے انداز سے پیش کردی

    کراچی: پاپ و کلاسیکل موسیقی پر مہارت رکھنے والے نامور پاکستانی گلوکار سجاد علی نے اپنی پرانی منقبت کو نئے انداز کے ساتھ پیش کردیا۔

    تفصیلات کے مطابق پاکستانی میوزک کی دنیا میں نام بنانے والے سجاد علی نے اپنی تازہ ویڈیو شیئر کی جس میں وہ نوجوان موسیقاروں کے ساتھ بیٹھ کر اپنی آواز کا جادو جگا رہے ہیں۔

    سجاد علی نے ماضی کی مشہور منقبت ’بولو حیدر قلندر علی علی‘ گایا، اس موقع پر اُن کی صاحبزادی زو بھی موجود تھیں جبکہ نوجوان گٹارسٹ اور وائلن بجانے والے میوزیشن بھی اپنے فن کا مظاہرہ کررہے تھے۔

    پاکستانی گلوکار کسی بالکونی میں بیٹھے ہیں، انہوں نے ویڈیو شیئر کرتے ہوئے لکھا ’باہر کی محفل‘۔ سجاد علی خود ہارمونیم بجا رہے ہیں جبکہ دیگر ساتھی اُن کا کسی نہ کسی طرح ساتھ دیتے نظر آرہے ہیں۔

    مزید پڑھیں: سجاد علی کا جون ایلیا کو پڑھنے کا مشورہ

    اسلام آباد سے تعلق رکھنے والے دو بھائی جو میوزک انڈسٹری میں ’لیو ٹوئنس‘ کے نام سے کام کرتے ہیں، وہ بھی اس ویڈیو میں موجود ہیں اور اپنے فن کا مظاہرہ کرتے دکھائی دے رہے ہیں۔

    وائلن اور گٹار پر سولو پرفارم کرنے والے میوزیشنز نے بہت عمدہ طریقے سے سجاد علی کا ساتھ نبھایا اور گلوکار نے بھی مدھر آواز میں خوب سر بکھیر کر منقبت کو نئے انداز سے پیش کیا۔

    سجاد علی دھیمی اور دلوں کو چھو جانے والی موسیقی ترتیب دینے کے حوالے سے مشہور ہیں، ان کا گزشتہ برس ریلیز ہونے والے گانے ’لگایا دل‘میں بھی اس کی جھلک واضح طور پر نظر آئی تھی، پاکستانی گلوکار کا ’چیف صاحب، تم ناراض ہو، ہر ظلم تیرا یاد ہے‘ آج بھی مداحوں میں مقبول ہے۔

    پرانی ویڈیو

  • سجاد علی کی سادہ افطاری، تصویر سوشل میڈیا پر وائرل

    سجاد علی کی سادہ افطاری، تصویر سوشل میڈیا پر وائرل

    کراچی: ماہِ رمضان میں تقریباً ہر شخص کی خواہش ہوتی ہے کہ وہ شرعی احکامات کے عین مطابق روزہ رکھے اور پھر افطار بھی کرے۔

    عام طور پرمسلسل سفر میں رہنے کی وجہ سے شوبز انڈسٹری کے معروف ستارے، کھلاڑی اور تاجر شرعی احکامات کی روشنی میں روزے قضا بھی کردیتے ہیں۔

    اسی طرح معروف پاکستانی گلوکار سجاد علی نے سماجی رابطے کی ویب سائٹ پر روزہ کھلنے سے قبل ایک تصویر شیئر کی جس کے ساتھ انہوں نے لکھا کہ ’سادہ افطاری‘۔

    سماجی رابطے کی ویب سائٹ ٹویٹر پر متحرک صارفین نے سجاد علی کے اس اقدام کو سراہا اور ان کے لیے اپنی نیک خواہشات کا بھی اظہار کیا جبکہ کچھ نے دلچسپ اور طنزیہ تبصرے بھی کیے۔

    یہ بھی پڑھیں: سجاد علی کا ’ تماشہ‘ اور بوہیمیا کا جادو

    واضح رہے کہ سجاد علی معروف اداکار اور کرکٹر شفقت حسین ساجن کے بیٹے ہیں، آپ پاکستانی موسیقی کے افق پر 80 کی دہائی میں ابھر کر سامنے آئے اور 90 کی دہائی میں دنیا ان کے مشہور گانوں ’بے بی آ‘ اور ’چیف صاحب‘ پر جھومتی رہی۔

    سجاد علی خود بھی شاعر، اداکار اور ہدایتکار ہیں اور وہ اپنے گانوں کی شاعری عموماً خود ہی لکھتے ہیں، ایک سال قبل پاکستانی گلوکار کی صاحبزادی زو علی نے کوک اسٹوڈیو میں والد کے ہمراہ گانا گا کر سب کو حیران کردیا تھا۔

    خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

  • ابرار الحق بوہیمیا کی زندگی تبدیل کرنے میں مددگار

    ابرار الحق بوہیمیا کی زندگی تبدیل کرنے میں مددگار

    معروف پاکستانی نژاد گلوکار بوہیمیا کا کہنا ہے کہ پاکستانی گلوکار ابرار الحق نے انہیں الکوحل اور سگریٹ نوشی چھوڑنے کی ترغیب دی۔

    اپنے سماجی رابطوں کی ویب سائٹ ٹوئٹر پر بوہیمیا نے اپنی اور ابرار الحق کی ایک تصویر پوسٹ کرتے ہوئے کہا، ’جب سے میں اس شخص سے ملا ہوں، میں نے الکوحل اور سگریٹ نوشی ترک کردی ہے‘۔

    بوہیمیا نے ابرار الحق کا شکریہ ادا کرتے ہوئے اپنے پرستاروں کو بھی اپنی روش اختیار کرنے کا کہا۔

    اس سے ایک ماہ قبل بھی انہوں نے ٹوئٹر پر اپنی ایک پوسٹ میں لکھا تھا کہ گزشتہ ایک ماہ سے وہ الکوحل اور سگریٹ کا استعمال بالکل چھوڑ چکے ہیں، تاہم اس وقت انہوں نے یہ نہیں بتایا کہ اس کی ترغیب انہیں کس نے دی۔

    یاد رہے کہ بوہیمیا ابرارالحق کے نئے گانے ’ایتھے رکھ‘ میں اپنی آواز کا جادو جگانے جا رہے ہیں اور گانے کی عکس بندی کے لیے دونوں گلوکار آج کل دبئی میں موجود ہیں۔

    بوہمیا اس سے قبل سجاد علی کے ساتھ ان کے گانے تماشہ میں بھی اپنی گلوکاری کا مظاہرہ کر چکے ہیں۔

  • سجاد علی کا ’ تماشہ‘ اور بوہیمیا کا جادو

    سجاد علی کا ’ تماشہ‘ اور بوہیمیا کا جادو

    معروف گلوکار سجاد علی نے اپنا نیا گانا ’ تماشہ‘ جاری کردیا جس میں ان کے ساتھ معروف پاکستانی نژاد گلوکار بوہیمیا بھی اپنی آواز کا مخصوص جادو جگا رہے ہیں۔

    سجاد علی کا گانا جاری ہوتے ہی پاکستانی یوٹیوب پر پہلے نمبر پر آگیا۔

    ان کے ساتھ گانے میں موجود بوہیمیا اس سے قبل بھی اردو و پنجابی گانے گا چکے ہیں۔

    اپنے سماجی رابطوں کی ویب سائٹ ٹوئٹر پر سجاد علی نے لکھا کہ وہ بوہیمیا جیسے عاجز انسان کے ساتھ کام کر کے بہت خوش ہیں۔ انہوں نے ’تماشہ‘ میں اپنے رنگوں کا اضافہ کیا۔

    دوسری جانب بوہیمیا نے بھی سجاد علی کے ساتھ کام کرنے کو اپنے کیریئر کی سب سے بڑی کامیابی قرار دیا۔

    سجاد علی معروف اداکار اور کرکٹر شفقت حسین ساجن کے بیٹے ہیں۔ وہ پاکستانی موسیقی کے افق پر 80 کی دہائی میں ابھر کر سامنے آئے اور 90 کی دہائی میں دنیا ان کے مشہور گانوں ’بے بیا‘ اور ’چیف صاحب‘ پر جھومتی رہی۔

    سجاد علی خود بھی شاعر، اداکار اور ہدایتکار ہیں اور وہ اپنے گانوں کی شاعری عموماً خود ہی لکھتے ہیں۔