سجاول: صوبہ سندھ کے شہر سجاول میں راشن نہ ملنے پر غریب شہری نے بچوں کے ہمراہ خود سوزی کی کوشش کی۔

تفصیلات کے مطابق سندھ کے ضلع سجاول میں ڈپٹی کمشنر آفس کے باہر شہری نے راشن نہ ملنے پر شہری کی بچوں سمیت خود سوزی کی کوشش کی۔

متاثرہ شہری کا کہنا تھا کہ ایک ماہ سے گھر میں فاقہ کشی ہے، بچے بھوک سے نڈھال ہیں، بچوں کا یہ حال نہیں دیکھ سکتا، مجبور ہو کر پٹرول چھڑک کر خود کو جلانے آیا ہوں۔ شہری کے مطابق سرکاری راشن کی تقسیم میں غریبوں کو مسلسل نظر انداز کیا جا رہا ہے۔

شہری کی بچوں سمیت خود سوزی کی اطلاع ملنے پر پولیس موقع پر پہنچی۔پولیس اہلکار شاہنواز زنگیجو اور بچوں کو ڈپٹی کشمنر ہاؤس لے گئی۔

سندھ میں مستحق افراد کوگھر کی دہلیز پر امداد پہنچانے کا عمل قابل تعریف ہے،بلاول بھٹو

یاد رہے کہ گزشتہ ہفتے پیپلزپارٹی کے سربراہ بلاول بھٹو کو ویڈیو لنک پر وزیراعلیٰ سندھ نے بریفنگ کے دوران لاڑکانہ میں کروناوائرس سے بچاؤ کے لیے کیے گئے اقدامات سے آگاہ کیا تھا۔

مراد علی شاہ نے بریفنگ کے دوران بتایا تھا کہ لاڑکانہ میں ساڑھے13 ہزار مستحقین میں راشن تقسیم کیاگیا،3 ہزار 313 خاندانوں میں فی خاندان 6 ہزار زکوٰة فنڈ سے تقسیم کیے۔

چیئرمین پیپلزپارٹی بلاول بھٹو کا کہنا تھا کہ سندھ میں مستحق افراد کوگھر کی دہلیز پر امداد پہنچانے کا عمل قابل تعریف ہے۔

سجاول: صوبہ سندھ کے ضلع سجاول کے علاقے شاہ بندر میں مچھیروں کے ٹینٹ پر بجلی گرنے کے واقعے میں 3 افراد جاں بحق، جب کہ 3 زخمی ہو گئے ہیں۔

تفصیلات کے مطابق پاک بحریہ کے ترجمان نے کہا ہے کہ شاہ بندر سندھ میں مچھیروں کے ٹینٹ پر بجلی گرنے کے بعد پاک بحریہ نے ریسکیو آپریشن کیا۔

ترجمان نے بتایا کہ بجلی گرنے سے 3 مچھیرے جاں بحق ہوئے جب کہ 3 زخمی ہوئے، جنھیں پاک میرینز کی کشتیوں کے ذریعے ریسکیو کیا گیا۔

پاک بحریہ کے مطابق زخمیوں کو ڈسٹرکٹ ہیڈ کوارٹر اسپتال سجاول منتقل کیا جا چکا ہے، جب کہ جاں بحق افراد کی لاشیں مقامی انتظامیہ کے حوالے کر دی گئی ہیں۔

موصولہ اطلاعات کے مطابق مچھیرے شاہ بندر پورٹ کے قریب مچھلیاں پکڑ رہے تھے کہ ان پر آسمانی بجلی گری، جاں بحق افراد میں عبد الرزاق، اسماعیل اور دھنی بخش شامل تھے۔

ضرور پڑھیں:  کسی شخص پر آسمانی بجلی گر پڑے تو کیا ہوگا؟

زخمی افراد کو چہار جمالی میں پاکستان نیوی کی ٹیم نے دیہی ہیلتھ سینٹر منتقل کیا۔

یاد رہے کہ جون میں گلگت بلتستان کے شہر اسکردو میں آسمانی بجلی گرنے سے 5 افراد جاں بحق جب کہ 7 سے زاید مکانات جل گئے تھے۔ اس سے چند دن قبل صوبہ بلوچستان کے ضلع شیرانی میں بھی آسمانی بجلی گرنے سے ایک شخص جاں بحق ہو گیا تھا۔

واضح رہے کہ ملک بھر میں مون سون کا موسم جاری ہے اور مختلف شہروں میں گرج چمک کے ساتھ بارشیں ہو رہی ہیں، ایسے موسم میں آسمانی بجلی گرنے کے واقعات بھی پیش آتے ہیں جس میں کئی افراد زخمی یا ہلاک ہو جاتے ہیں۔