ARYNews.tv | Urdu – Har Lamha Bakhabar

Tag: سجن جندال

  • نوازشریف کے دوست سجن جندال مقبوضہ کشمیر سے متعلق مودی کے اقدام پر خوشی سے نہال

    نوازشریف کے دوست سجن جندال مقبوضہ کشمیر سے متعلق مودی کے اقدام پر خوشی سے نہال

    نئی دہلی : سابق وزیراعظم نوازشریف کےبھارتی دوست سجن جندال مقبوضہ کشمیر سے متعلق مودی کے اقدام پر خوشی سے نہال ہیں ، جندال کا مطالبہ تھا کہ مودی سرکار کشمیرکی خصوصی حیثیت ختم کرے۔

    تفصیلات کے مطابق سابق وزیراعظم نوازشریف کے بھارتی دوست سجن جندال سماجی رابطے کی ویب سائٹ ٹوئٹر پر مقبوضہ کشمیر سے متعلق مودی کے اقدام پر کہا کہ خوشی ہوئی بی جے پی نے انتخابی منشور کےتحت قدم اٹھایا اور کشمیرکی خصوصی حیثیت ختم کردی۔

    سجن جندال نے ایک دن پہلے ٹوئٹ میں کہا تھا کہ آرٹیکل تھری سیونٹی ختم ہو جانا چاہیے۔

    اس سے قبل بھی پندرہ فروری کوسجن جندال نے آرٹیکل تھری سیونٹی کے خاتمےکامطالبہ کیا تھا، نوازشریف کےدوست آرٹیکل تھری
    سیونٹی کو مسئلہ کشمیر پر سیاست کی جڑ سمجھتے تھے۔

    نوازشریف سے بھارتی اسٹیل ٹائیکون سجن جندال کی ملاقات پرپاکستان میں بڑی لے دے ہوئی تھی، جندال کے حوالے سے تنقید پر مریم نواز نے دفاع کرتے ہوئے کہا تھا کہ سجن جندال وزیراعظم نوازشریف کے پرانے دوست ہیں، نواز جندال ملاقات میں کچھ بھی خفیہ نہیں تھا، ملاقات کی باتوں کو بڑھا چڑھا کربیان نہ کیا جائے۔

    خیال رہے سجن جندال بھارتی وزیراعظم نریندر مودی کے دوست ہیں اور ماضی میں نواز شریف اور مودی کے درمیان ایلچی کا کردار ادا کیا اس کے علاوہ مودی کے دورہ پاکستان میں بھی سجن جندال نے اہم کردار ادا کیا تھا، نوازشریف کی سالگرہ اور ان کی نواسی کی شادی پر بھی سجن جندال اہلیہ کے ساتھ پاکستان آچکے ہیں، شریف خاندان اور جندال خاندان کے درمیان تعلق کی بڑی وجہ لوہے کا کاروبار ہے۔

    واضح‌ رہے بھارتی پارلیمنٹ کے اجلاس میں بھارتی وزیرداخلہ نے آرٹیکل 370 ختم کرنے کا بل پیش کیا گیا تھا۔

    بعد ازاں بھارتی صدر نے آرٹیکل 370 ختم کرنے کے بل پر دستخط کر دیے اور گورنر کا عہدہ ختم کرکے اختیارات کونسل آف منسٹرز کو دے دیئے، جس کے بعد مقبوضہ کشمیر کی خصوصی حیثیت ختم ہوگئی تھی۔

  • وزیراعظم،آرمی چیف ملاقات میں سجن جندال پربات نہیں ہوئی‘مریم اورنگزیب

    وزیراعظم،آرمی چیف ملاقات میں سجن جندال پربات نہیں ہوئی‘مریم اورنگزیب

    اسلام آباد: وزیرمملکت مریم اورنگزیب کا کہناہےکہ وزیراعظم نوازشریف اور آرمی چیف کی ملاقات میں سجن جندال سے متعلق کوئی بات نہیں ہوئی۔

    تفصیلات کےمطابق وزیرمملکت برائے اطلاعات ونشریات مریم اورنگزیب کاکہناہےکہ وزیراعظم،آرمی چیف ملاقات میں سجن جندال پربات نہیں ہوئی۔

    مریم اورنگزیب کا کہناتھاکہ وزیراعظم سے آرمی چیف کی ملاقات میں سجن جندال سے متعلق بات کی خبر غلط ہے۔

    وزیرمملکت برائے اطلاعات ونشریات کاکہناتھاکہ بھارتی اسٹیل ٹائیکون سجن جندال وزیراعظم کےدوست ہیں اور ان سے ذاتی حیثیت میں ملے۔

    مریم نواز نے بھارتی تاجر اور وزیراعظم کے درمیان ملاقات کی تصدیق کردی

    یاد رہےکہ ملاقات کے بعد دفتر خارجہ نے اس غیر رسمی ملاقات کو نجی قرار دیا تھا۔ بعد ازاں وزیر اعظم کی صاحبزادی نے سماجی رابطوں کی ویب سائٹ ٹوئٹر پر اپنے پیغام میں کہا کہ یہ دو دوستوں کی ملاقات ہے، اسے غلط رنگ نہ دیا جائے۔

    واضح رہےکہ 27 اپریل کو بھارتی اسٹیل ٹائیکون سجن جندال سمیت بھارت کا 3 رکنی وفد خصوصی طیارے کے ذریعے کابل سے اسلام آباد پہنچا تھا۔بھارتی وفد میں سجن جندال، سوکیت سنگال، وریندر ببر سنگھ شامل تھے۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

  • نواز جندال ملاقات بیک چینل ڈپلومیسی کا حصہ: بی بی سی کا دعویٰ

    نواز جندال ملاقات بیک چینل ڈپلومیسی کا حصہ: بی بی سی کا دعویٰ

    غیر ملکی نشریاتی ادارے بی بی سی نے دعویٰ کیا ہے کہ بھارتی اسٹیل ٹائیکون سجن جندال اور وزیر اعظم نواز شریف کی ملاقات بیک چینل ڈپلومیسی کا حصہ تھی۔ نشریاتی ادارے کے مطابق ملاقات پاک بھارت کشیدگی کم کرنے کی بھارتی کوشش کا حصہ ہے۔

    تفصیلات کے مطابق بی بی سی میں شائع کردہ ایک رپورٹ کے مطابق سجن جندال اور نواز شریف کی ملاقات بیک چینل ڈپلومیسی کا حصہ تھی۔

    ملاقات کے بعد دفتر خارجہ نے اس غیر رسمی ملاقات کو نجی قرار دیا تھا۔ بعد ازاں وزیر اعظم کی صاحبزادی نے سماجی رابطوں کی ویب سائٹ ٹوئٹر پر اپنے پیغام میں کہا کہ یہ دو دوستوں کی ملاقات ہے، اسے غلط رنگ نہ دیا جائے۔

    تاہم بی بی سی کا دعویٰ ہے کہ پاک بھارت کشیدگی کم کرنے کے لیے بیک چینل ڈپلومیسی کے تحت کی جانے والی اس ملاقات کے بارے فوجی قیادت کو بھی اعتماد میں لے لیا گیا ہے۔

    مزید پڑھیں: وزیر اعظم نواز شریف سے بھارتی اسٹیل ٹائیکون کی ملاقات

    رپورٹ کے مطابق، ’بعض اہم سرکاری ذرائع نے بی بی سی کو بتایا ہے کہ وزیر اعظم میاں نواز شریف نے اپنی ایک حالیہ ملاقات میں سجن جندال کے دورہ پاکستان کے بارے میں چیف آف آرمی اسٹاف جنرل قمر جاوید باجوہ کو اعتماد میں لیا ہے‘۔

    برطانوی نشریاتی ادارے کی رپورٹ میں کہا گیا، ’ذرائع کے مطابق وزیر اعظم نے فوجی قیادت کو بتایا ہے کہ سجن جندال اہم بھارتی حکام کی ایما پر ان سے ملے تھے اور یہ ملاقات پاکستان اور بھارت کی کشیدگی کم کرنے کی بھارتی کوشش کا حصہ ہے‘۔

    بی بی سی کا کہنا ہے کہ فوجی قیادت نے بھی سجن جندال کی وزیر اعظم سے ملاقات کے بارے میں اپنے افسران کو اعتماد میں لیا ہے۔ جنرل قمر جاوید باجوہ نے اپنے ساتھیوں کو بتایا ہے کہ سجن جندال کی وزیر اعظم نواز شریف سے ملاقات بیک چینل ڈپلومیسی کا حصہ ہے۔

    رپورٹ میں مزید کہا گیا کہ فوجی قیادت نے واضح کیا ہے کہ بھارتی جاسوس کلبھوشن کو کسی بھی قیمت پر کسی لین دین کا حصہ نہیں بنایا جائے گا۔

    یاد رہے کہ 27 اپریل کو بھارتی اسٹیل ٹائیکون سجن جندال سمیت بھارت کا 3 رکنی وفد خصوصی طیارے کے ذریعے کابل سے اسلام آباد پہنچا تھا۔

    مزید پڑھیں: سجن جندال کو 10 روزہ ویزا جاری کرنے کا انکشاف

    بھارتی وفد میں سجن جندال، سوکیت سنگال، وریندر ببر سنگھ شامل تھے۔ 3 رکنی وفد کو وزیر اعظم ہاؤس اور دفتر خارجہ کی ہدایت پر 10 روزہ بزنس ویزا جاری کیا گیا جو لاہور اور اسلام آباد کے لیے تھا۔

    تاہم سجن جندال اور ان کے ساتھی ویزا نہ ہونے کے باوجود مری کی سیر کو بھی گئے۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

  • سجن جندال کو 10 روز کا بزنس ویزا جاری کیا گیا

    سجن جندال کو 10 روز کا بزنس ویزا جاری کیا گیا

    اسلام آباد: بھارتی اسٹیل ٹائیکون سجن جندال اور ان کے ساتھیوں کو پاکستان نے 10 روز کا بزنس ویزا جاری کیا تھا جو وزیراعظم ہاؤس اور دفتر خارجہ کی ہدایت پر جاری کیا گیا تھا، جندال مری کا ویزا نہ ہونے کے باوجود وہاں بھی گئے۔

    تفصیلات کے مطابق بھارت سے آنے والے اسٹیل کے بہت بڑے تاجر سجن جندال اور ان کے ساتھ آنے والے دو افراد کو لاہوراور اسلام آباد کا ویزا جاری کیا گیا۔

    اے آر وائی نیوز نے سجن جندال کے ویزے کی کاپی حاصل کرلی، جس کے مطابق سجن جندال اور ان کے دو ساتھیوں کو 10 دن کے لیے پاکستان میں بزنس کیٹگری کا ویزا جاری کیا گیا۔

    اطلاعات کے مطابق ویزا 25 اپریل کو دہلی سے جاری ہوا جو وزیراعظم ہاؤس اور دفتر خارجہ کی ہدایت پر جاری ہوا۔

    اطلاعات ہیں کہ سجن جندال اور ان کے ساتھیوں کے پاس صرف اسلام آباد اور لاہور کا ویزا تھا لیکن وہ خلاف قانون مری کی سیر کو گئے اور کسی بھی سیکیورٹی ادارے نے انہیں گرفتار نہیں کیا نہ ہی پوچھ گچھ کی زحمت گوارا کی۔

    یاد رہے کہ بھارتی اسٹیل ٹائیکون سجن جندال سمیت بھارت کا تین رکنی وفد خصوصی طیارے سے کابل سے اسلام آباد پہنچا تھا۔

    بھارتی وفد میں سجن جندال، سوکیت سنگال، وریندر ببرسنگھ شامل تھے، تین رکنی وفد گزشتہ رات 10بجے اسلام آباد سے مری گیا تھا۔

  • وزیراعظم سے خفیہ ملاقات کرنے والے سجن جندال آخر ہیں کون؟

    وزیراعظم سے خفیہ ملاقات کرنے والے سجن جندال آخر ہیں کون؟

    سجن جندال بھارت کے معروف تاجر ہیں وہ جے ایس ڈبلیو گروپ کے چیئرمین اور مینیجنگ ڈائریکٹر ہیں جو اسٹیل، توانائی، کان کنی، بندرگاہ اور سافٹ ویئر کے شعبے میں تجارت کرتے ہیں۔

    بھارت کی دوسری بڑی نجی اسٹیل مل کے مالک

    سجن جندال کی کمپنی جسے ایس ڈبلیو لوہے اور اسٹیل کی پیداوار میں بھارت کی دوسری بڑی نجی اسٹیل مل ہے جو کہ دنیا کی چھٹی بڑی اورجاپان کی دوسری بڑی اسٹیل کمپنی جے ایف ای کے ساتھ توسیعی منصوبے پر کام کر رہی ہے۔

    سجن جندال جے ایس ڈبلیو کے روح رواں ہونے کے ساتھ ساتھ بھارتی تنظیم برائے صنعت و حرفت کے صدر بھی رہ چکے ہیں اور اس دوران انہوں نے صنعت کے فروغ، محفوظ سرمایہ کاری اور تاجروں کی بہبود کے لیے بے پناہ کام کیے یہی وجہ ہے کہ ان کو تاجربرادری میں عزت کی نگاہ سے دیکھا جاتا ہے۔

    مکینیکل انجینیئر

    سجن جندال 5 دسمبر 1959 کو ہریانہ میں پیدا ہوئے اور مکینیکل انجنیئرنگ میں بی ای کیا جس کے بعد انہوں اپنے والد کی جندال آرگنائزیشن میں ملازمت اختیار کی اور بعد ازاں جندال آئرن اینڈ اسٹیل کمپنی 1989 میں بنیاد رکھی اور ترقی کے منازل طے کرتے ہوئے بھارت میں لوہے کی صنعت میں نمایاں مقام بنایا۔

    سجن جندال کے والد آنجہانی اوم پرکاش بھی تاجر ہونے کے ساتھ ساتھ سیاست دان بھی ہیں اور اپنے حلقے سے رکن اسمبلی بھی منتخب ہوئے تھے جنہوں نے جندال گروپ آف کمپنیز کی بنیاد رکھی تھی اور یہیں سے سجن جندال کی کاروباری صلاحیتوں کو پالش کیا گیا، والد کے انتقال کے بعد کاروبار کی باگ ڈور مکمل طور پر سجن جندال نے سنبھال لی۔

    دورہ پاکستان کے پیچھے ممکنہ اہداف 

    سجن جندال چونکہ کامیاب تاجر ہیں اس لیے ان کا کوئی بھی دورہ کامیاب تجارتی معاہدے کرنے سے خالی نہیں ہوتا اس لیے کہا جارہا کہ پاکستان آمد اور وزیراعظم سے ملاقات کے پیچھے بھی یہی غرض چھپی ہو، وہ افغانستان میں بھی سرمایہ کاری کر چکے ہیں اور اپنا خام مال براستہ پاکستان افغانستان پہنچانا چاہتے ہیں۔

    وزیراعظم نواز شریف سے پہلی ملاقات 

    سجن جندال اور وزیراعظم نواز شریف کا تعارف 2014 میں اس وقت ہوا جب نواز شریف نریندر مودی کی تقریب حلف برداری میں شرکت کے لیےبھارت گئے تھے اور وہاں سجن جندال نے انہیں اپنے گھر چائے پر بھی بلایا جس کے بعد لوہے کی صنعت سے تعلق رکھنے والے ان دونوں تاجروں کے درمیان تعلقات بڑھتے گئے۔

    سجن جندال مودی کے گہرے دوست

    سجن جندال بھارتی وزیراعظم نریندر مودی کے دوست ہیں اور ماضی میں نواز شریف اور مودی کےدرمیان ایلچی کا کردار ادا کیا اس کے علاوہ مودی کے دورہ پاکستان میں بھی سجن جندال نے اہم کردار ادا کیا تھا، نوازشریف کی سالگرہ اور ان کی نواسی کی شادی پر بھی سجن جندال اہلیہ کے ساتھ پاکستان آچکے ہیں، شریف خاندان اور جندال خاندان کے درمیان تعلق کی بڑی وجہ لوہے کا کاروبار ہے۔

    بھارتی اخبار کا دعوی

    سجن جندال بھارت کے اس کنسورشیم کا حصہ ہیں جس نے افغانستان کے علاقے حاجی گت کے پہاڑ میں موجود لوہے کے ذخائر خریدا ہے۔

    خود بھارتی اخبار نے دعویٰ کیا ہے کہ سجن جندال کی خواہش ہے کہ افغانستان کے پہاڑوں سے خام مال کے پی کے سے ہوتا ہوا کراچی آئے اور پھر وہاں سے بھارت جائے۔

    اسی طرح امریکی نمائندہ خصوصی کے پاک بھارت دورے کے بعد جندال کا یہ دورہ اہم سمجھا جارہا ہے۔

    مودی اور نواز کے درمیان قاصد کا کردار

    یہ بھی اطلاعات ہیں کہ سجن جندال نے ماضی میں کئی بار مودی اور نواز شریف کے درمیان رابطوں کا کام سرانجام دیا شاید اسی وجہ سے ان کی اس بار پاکستان آمد پر اپوزیشن جماعتوں نے الزام عائد کیا ہے کہ جندال کاروباری وجہ سے نہیں بلکہ موودی کا پیغام لائے ہیں کیوں کہ اس وقت کلبھوشن یادیو کا معاملہ سرگرم ہے۔

  • بھارتی تاجر کی وزیراعظم سے خفیہ ملاقات حساس معاملہ ہے، شیخ رشید

    بھارتی تاجر کی وزیراعظم سے خفیہ ملاقات حساس معاملہ ہے، شیخ رشید

    راولپنڈی : سربراہ عوامی مسلم لیگ شیخ رشید نے کہا ہے کہ سجن جندال جیسے لوگ شاپنگ کے لیے نہیں بلکہ وزیراعظم سے ملنے آئے ہیں جسے خفیہ رکھنا مزید شکوک و شبہات پیدا کر رہا ہے۔

    شیخ رشید اے آر وائی نیوز کی اینکرز سے گفتگو کے دوران معروف بھارتی تاجر سجن جندال اور وزیراعظم شریف کے درمیان خفیہ ملاقات پر ردعمل دے رہے تھے۔

    انہوں نے کہا کہ نواز شریف کیا کر رہے ہیں یہ میری سمجھ میں نہیں آرہا وہ ایسے کام کر رہے ہیں جو چھپائے نہیں جا سکتے اور اس سے نوازشریف بند گلی میں داخل ہوکر اپنے لیے مسائل کھڑے کر رہے ہیں۔

    *وزیراعظم نوازشریف سےبھارتی اسٹیل ٹائیکون کی ملاقات

    شیخ رشید نے کہا کہ ملکی حالات کیسے ہیں اور سجن جندال جیسے لوگوں کا آنا سمجھ سے باہر ہے اور ایسے معاملات خفیہ نہیں رکھے جا سکتے کیوں کہ میڈیا آزاد ہے اور پاکستانی باخبر قوم ہیں۔

    انہوں نے کہا کہ وزیراعظم نوازشریف اس وقت ضد کے عالم میں ہیں اور پاناما لیکس پر نوازشریف عالمی حمایت حاصل کرنے کے لیے پر تول رہے ہیں کہیں یہ خفیہ ملاقات اسی کا شاخسانہ تو نہیں ؟ لیکن میں انہیں کہنا چاہتا ہوں کہ پاناماکیس میں عالمی حمایت کے باوجود نہیں نکل سکتے۔

    واضح رہے کہ معروف بھارتی بزنس مین سجن جندال اپنے اہل خانہ کے ہمراہ وزیراعظم سے ملنے پاکستان آئے ہیں تاہم اس بات کی کسی کو کان و کان خبر نہ ہونے دی گئی تھی بعد ازاں میڈیا نے اس خفیہ ملاقات بھانڈہ پھوڑا تو وزیراعظم کی صاحبزادی مریم نواز کو ٹوئٹ میں تصدیق کرنا پڑی۔

  • وزیراعظم نوازشریف سےبھارتی اسٹیل ٹائیکون کی ملاقات

    وزیراعظم نوازشریف سےبھارتی اسٹیل ٹائیکون کی ملاقات

    اسلام آباد: وزیراعظم میاں محمد نوازشریف سے بھارتی اسٹیل ٹائیکون سجن جندال نے ملاقات کی ہے۔‘ ملاقات کی تفصیلات خفیہ رکھی جارہی ہیں۔

    تفصیلات کےمطابق بھارتی اسٹیل ٹائیکون سجن جندال سمیت بھارت کا تین رکنی وفد خصوصی طیارے سے کابل سے اسلام آباد پہنچا تھا۔

    بھارتی وفد میں سجن جندال، سوکیت سنگال،وریندرببرسنگھ شامل تھے۔ تین رکنی وفد گزشتہ رات 10بجے اسلام آباد سے مری گیا تھا۔

    ذرائع کےمطابق غیراعلانیہ دورے پرآنےوالابھارتی وفد 3 گاڑیوں میں مری روانہ ہوا۔ بھارتی وفد نے وزیراعظم میاں محمد نوازشریف سے ملاقات کی۔

    خیال رہےکہ کلبھوشن اوراحسان اللہ احسان کے’’را‘‘سے متعلق انکشافات کے بعدجندال کی آمدسوالیہ نشان ہے۔ بھارتی وزیرخارجہ سشماسوراج نے کلبھوشن یادیوکوبھارت کابیٹاقراردیا تھا۔

    کلبھوشن کو بچانے کے لئے کسی بھی حد تک جائیں گے، سشما سوراج

    خیال رہے کہ رواں ماہ راجیہ سبھا میں خطاب کرتے ہوئے بھارتی وزیرخارجہ سشما سوراج نے پاکستان کو دھمکی دیتے ہوئے کہا تھا کہ پاکستان کلبھوشن کو سزا کے فیصلے کے نتائج پرغورکرلے، دونوں ملکوں کے تعلقات پرکیا اثر پڑے گا اس کا بھی جائزہ لے۔

    یاد رہےکہ سجن جندال وزیراعظم نوازشریف کی نواسی کی شادی میں  بھی شریک ہوئے تھے جبکہ نریندرمودی کو رائے ونڈ لانے میں بھی سجن جندال کا اہم کردار بتایا جاتا ہے۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں