لاہور: ڈی جی پنجاب رینجرز میجر جنرل طاہرجاوید کاکہناہےآئندہ بھارت سےسیکٹر کمانڈر سطح پر میٹنگ نہیں ہوگی،مذاکرات ڈی جی ایم اوز اور ڈی جی کی سطح پر ہوں گے۔
رینجرز ہیڈ کوارٹر لاہور میں صحافیوں سے غیر رسمی گفتگو کرتے ہوئے ڈی جی رینجرز کاکہناتھابھارت کی جانب سے سرحدی خلاف ورزی عرصہ دراز سے جاری ہے، گزشتہ روز شکر گڑھ سیکٹر پر جو کچھ ہوا وہ انتہائی افسوسناک ہے بھارت نے نا صرف ہمارے دو جوانوں کو زخمی کیا بلکہ انھیں ریسکیو کرنے کا بھی موقع نہیں دیا اوردونوں جوان جام شہادت نوش کرگئے اس واقعے کے بعد بھارت سے سیکٹر سطح پر مذاکرات بند کرنے کا فیصلہ کیا گیا ہے۔
