رمضان میں لوگوں کا گھروں سے باہر سحری کا رجحان بڑھ رہا ہے اور ایک کلو کی دیگ والی بریانی نے دھوم مچائی ہوئی ہے۔
رمضان المبارک کی مقدس ساعتیں آہستہ آہستہ اختتام کی جانب گامزن ہیں۔ لوگوں میں ماہ مقدس میں گھروں سے باہر سحری کرنے کا رجحان بڑھتا جا رہا ہے اور نت نئے ذائقوں کی تلاش میں شہری دوستوں اور فیملیز کے ساتھ ہوٹلوں، ڈھابوں کا رخ کرتے ہیں۔
ایسے ہی ایک ہوٹل کے بارے بتا رہے ہیں حیدرآباد سے اے آر وائی نیوز کے نمائندے جام فرید لاکھو۔ جہاں دور دور سے لوگ ایک کلو دیگ والی بریانی کھانے کے لیے آ رہے ہیں۔
حیدرآباد میں پہلی بار ایک کلو کی دیگ میں بریانی متعارف کرائی گئی ہے۔ ایک کلو چاول کے ساتھ چکن، بیف اور آلو سے تیار کردہ لذیذ بریانی کو کھانے کے لیے سحری کے وقت لوگوں کی بڑی تعداد لطیف آباد 11 کا رخ کر رہی ہے۔
شہریوں کا کہنا ہے کہ حیدرآباد میں پہلی بار ایک کلو کی دیگ میں بریانی تیار کی جاتی ہے اور خاص بات یہ کہ کسٹمرز کے سامنے اس کی مرضی کے مطابق مصالحہ جات ڈال کر یہ بریانی تیار کی جاتی ہے اور ایک دیگ سے 7 سے 8 افراد کھاتے ہیں۔
بھارت کے شہر علی گڑھ میں سحری کے وقت گھر کے باہر موجود شخص کو فائرنگ کر کے موت کی نیند سلادیا گیا۔
بھارتی میڈیا رپورٹس کے مطابق علی گڑھ میں فائرنگ کا واقعہ ممکنہ طور پر دشمنی کا شاخسانہ معلوم ہوتا ہے، تاہم دیگر زاویوں سے بھی اس کی تفتیش کی جا رہی ہے۔
رپورٹس کے مطابق مقتول حارث نامی شخص پر موٹر سائیکل سوار 4 ملزمان نے فائرنگ کی۔
ملزمان نے مقتول کو ابتدائی طور پر 3 گولیاں ماریں، اس کے بعد 3 گولیاں مزید ماریں تاکہ اس کی موت کی تصدیق کی جاسکے۔
بھارتی میڈیا کا کہنا ہے کہ واقعہ رات سوا 3 بجے پیش آیا، مقتول کرکٹ کھیل کر واپس آیا تھا اور گھر کے باہر سحری بیٹھا سحری ہونے کا انتظار کررہا تھا۔
بھارتی پولیس کے مطابق معاملے کی تحقیقات کا آغاز کردیا گیا ہے، اس واقعے کی سی سی ٹی وی ویڈیو بھی سامنے آ گئی ہے جس کی مدد بھی لی جا رہی ہے۔
اس سے قبل عراق کے دارالحکومت بغداد میں سر عام ایک نوجوان صحافی کو گولیاں مار کر قتل کر دیا گیا ورثا نے قاتل کی گرفتاری کا مطالبہ کیا ہے
واقعہ بغداد کے علاقے العرصات میں منگل کی رات گئے پیش آیا۔ عراقی نیوز ایجنسی (آئی این اے) کے لیے کام کرنے والے صحافی لیث محمد رضا کو سر عام گولیاں مار کر قتل کر دیا گیا۔
رپورٹ کے مطابق جھگڑے کے دوران ایک شخص نے لیث محمد پر گولی چلائی جو اس کے کاندھے پر لگی اور جان لیوا ثابت ہوئی۔
مقتول صحافی کی لاش کو پوسٹمارٹم کے لیے اسپتال لے جایا گیا جہاں پوسٹمارٹم کے بعد فارنزک میڈیسن ڈیپارٹمنٹ کے ڈائریکٹر ڈاکٹر عبدالوہاب عصام نے رضا کے پوسٹ مارٹم کی تفصیلات کا انکشاف کرتے ہوئے بتایا کہ صحافی کے کاندھے میں لگنے والی گولی دل کی جانب گھس گئی تھی جو اس کی موت کا سبب بنی۔
رمضان المبارک کے با برکت مہینے میں فرزندان اسلام رحمتیں اور برکتیں سمیٹنے میں مصروف ہیں، جبکہ مقدس ماہ کے دوران سحری اور افطاری کے لئے خاص اہتمام کیا جاتا ہے۔
بعض اوقات افطار و سحر میں کھانے کے دوران کی جانے والی بے احتیاطی کے باعث بڑی مشکل کا سامنا کرنا پڑ جاتا ہے، ہم آج سحری سے متعلق 5 ایسی چیزوں کا ذکر کریں گے جنہیں استعمال کرنے سے روزہ داروں کو پرہیز کرنا چاہئے۔
سحری کے وقت فروٹ جوس، سوڈا اور دیگر اقسام کے انرجی ڈرنکس (مشروبات) ہرگز نہ پئیں، ان مشروبات میں الگ سے چینی کو شامل کیا جاتا ہے، جس کی وجہ سے بلڈ شوگر لیول زیادہ ہونے کا خدشہ بڑھ جاتا ہے، کیونکہ ہائی بلڈ شوگر کھانے کی خواہش کو بڑھاتا ہے۔ اس لئے سحری میں اس طرح کے مشروبات کے استعمال سے بچنا چاہیے۔
رمضان المبارک میں سحری میں زیادہ مصالحے دار کھانا کھانے سے گریز کرنا چاہیے۔ سحری کے وقت اس طرح کا کھانا کھانے سے ہیٹ برن اور ایسڈ ریفلکس کی پریشانی میں اضافہ کر سکتا ہے، جس سے آپ پورے دن خود کو بیمار محسوس کر سکتے ہیں اس کے علاوہ ساتھ ہی اس طرح کے کھانے سے پیاس کی شدت میں بھی اضافہ ہوجاتا ہے۔
سحری میں زیادہ تلی، بھونی اور مصالحے دار چیزوں سے پرہیز کرنا چاہئے، اس طرح کے کھانے میں غیر صحت بخش چکنائی (فیٹس) اور کیلوریز کی مقدار زیادہ ہوتی ہیں۔ خاص طور سے سموسے، پکوڑے، پوری، کچوڑی اور مٹن وغیرہ کے استعمال سے گریز کرنا چاہئے، کیونکہ سحری میں اس طرح کا کھانا کھانے کے بعد آپ کو پورے دن بدہضمی، کھٹی ڈکار، گیس جیسے مسائل سے نمٹنا پڑ سکتا ہے۔
سحری میں چائے اور کافی کا استعمال کرنے سے گریز کرنا چاہئے، چائے اور کافی میں موجود کیفین بھی جسم میں پانی کی کمی کا باعث بنتی ہے، جس سے آپ کو روزے کی حالت میں زیادہ پیاس لگ سکتی ہے، اس کا نقصان یہ ہوگا کہ آپ روزے کی حالت میں پانی بھی نہیں پی سکتے، ایسے میں سنگین بیماری کا خدشہ لاحق ہو سکتا ہے۔ سحری میں چائے/کافی کی جگہ چھاچھ اور ناریل پانی کا استعمال کرنا بہت اچھا ہے۔
نمک کا استعمال سحری کے وقت محدود مقدار میں ہی کریں تو اچھا ہے۔ زیادہ نمک کھانے سے جسم میں سوڈیم کی سطح میں اضافہ ہوجاتا ہے، جس سے پانی کی کمی کا مسئلہ بڑھ جاتا ہے۔ اس سے آپ کو دن کے وقت میں زیادہ پیاس لگ سکتی ہے۔ اب جب کہ روزے کے دوران آپ پانی بھی نہیں پی سکتے ہیں تو ایسے میں نمک کے زیادہ استعمال سے روزہ کے دوران کافی پریشانی ہوسکتی ہے۔
دنیا بھر میں مسلمانوں کا مقدس مہینہ رمضان المبارک جاری ہے تاہم ایک خطہ میں دن کے وقت ہی سحری، افطار اور تراویح ہوتی ہے۔
اس وقت دنیا بھر میں مسلمانوں کا مقدس مہینہ رمضان المبارک جاری ہے۔ اس ماہ مسلمان اللہ تعالیٰ کی رضا اور خوشنودی کے لیے روزہ رکھتے ہیں۔ سحری (وقت فجر شروع ہونے کا وقت) سے افطار (وقت مغرب) تک بھوکا پیاسا رہتے ہیں۔
دنیا کے مختلف ٹائم زون کے حساب سے ہر ملک میں سحر اور افطار کے الگ الگ اوقات ہوتے ہیں تاہم رواں سال مختلف ممالک میں روزے کا دورانیہ ساڑھے گیارہ گھنٹے سے لے کر 20 گھنٹے سے زائد تک ہے۔
دنیا کے کچھ ممالک ایسے بھی ہیں جہاں سورج بہت کم وقت کے لیے غروب ہوتا ہے یا بالکل ہی غروب نہیں ہوتا۔ ان میں اکثر مکہ اور مدینہ یا پھر قریب ترین علاقوں کے اوقات کے مطابق سحر اور افطار کرتے ہیں۔
ایسا ہی ایک شہر کینیڈا میں ہے۔ نوویک برفیلے آرکٹک سرکل پر واقع ہے اور اس سال ماہ رمضان میں یہاں سورج کبھی بھی غروب نہیں ہوگا۔
یہاں کی آبادی سورج کی روشنی میں ہی سحری کرتی، دن میں ہی افطار کرتی اور تراویح کی نماز بھی ادا کرتی ہے۔
اس علاقے میں موجود مڈ نائٹ سن مسجد دنیا کے سب سے شمال میں واقع مساجد میں سے ایک ہے۔ یہاں آباد مسلمان اسلامی تعلیمات اور طریقوں کے مطابق سحری، افطار اور تراویح کے لیے اوقات کار طے کرتے ہیں۔
بھارت میں مسجدوں سے لائوڈ اسپیکر ہٹائے جانے کے بعد مؤذنوں نے بہترین اقدام کیا اور لوگوں کو سحری میں اٹھانے کے لیے نیا طریقہ اختیار کیا۔
اترپردیش کے شہر سنبھل میں شاہی جامع مسجد کے حوالے سے تنازع پیش آیا تھا، ریاست میں مذہبی مقامات پر لگے لاؤڈ اسپیکر کے خلاف مہم چلائی جا رہی ہے اور سنبھل میں بھی لاؤڈ اسپیکر ہٹانے کی حکومتی مہم پر عمل ہو رہا ہے جس کی وجہ سے بیشتر مسجدوں سے لاؤڈاسپیکر ہٹادیے گئے ہیں۔
شہر میں بہت سی مساجد میں انتظامیہ نے خود ہی لاؤڈاسپیکر ہٹا دیے، ماہ صیام میں سحری اور افطار کے وقت کا اعلان کرنے کے لیے امام اور مؤذنوں نے نیا طریقہ اختیار کیا ہے۔
اذان دیننے اور سحری و افطار کا وقت لوگوں کو بتانے کے لیے مساجد کی چھتوں سے امام، مؤذن یا دیگر کسی ذمہ دار شخص کیا جانب سے اعلان کیا جارہا ہے۔
سحر کے وقت روزہ رکھنے والے اس اعلان سے بیدار ہو رہے ہیں، اس کے علاوہ کئی ذمہ دار مسلم علاقوں میں جا کر ڈھول یا دیگر چیزوں کے ذریعے مسلمانوں کو سحری کے لیے بیدار کر رہے ہیں۔
ترکیہ میں سحری میں جگانے والی خواتین دوبارہ گلیوں میں نکل پڑیں اور ڈھول بجا کر لوگوں کو سحری کے لئے اُٹھایا، جہاں خواتین کے گروپ سے کچھ لوگ خوش ہوئے جبکہ بعض نے ناراضگی کا اظہار بھی کیا۔
بین الاقوامی خبر رساں ادارے کی رپورٹ کے مطابق خواتین کے ایک گروپ نے رمضان المبارک کے مقدس مہینے کے دوسرے دن کی سحری کے وقت ترک ریاست مارسین کے ساحلی علاقے میں ڈھول بجا کر اور نغمے گا کر رہائشیوں کو جگایا۔
میڈیا رپورٹس کے مطابق سحری میں جگانے والا خواتین کا یہ گروپ کئی سالوں سے لوگوں کو ڈھول بجا کر سحری کے لیے جگا رہا ہے۔
غیر ملکی میڈیا کا کہنا ہے کہ اس گروپ میں صرف خواتین شامل ہیں، یہ خواتین ریاست مارسین میں اپنے رہائشی علاقے میں سحری کے وقت مل کر گانے گاتی ہیں اور لوگوں کو سحری میں جگاتی ہیں۔
کراچی : شہر قائد میں سحری کے وقت گیس کا غائب رہنا معمول بن گیا، جس سے خواتین کو سحری کی تیاری میں مشکلات کا سامنا کرنا پڑ رہا ہے۔
تفصیلات کے مطابق کراچی میں گیس بحران شدت اختیار کرگیا ہے، شہر کے مختلف علاقوں میں گیس پریشر میں کمی اور گیس غائب ہونا معمول بن گیا ہے ، گیس کی لوڈ شیڈنگ کی وجہ سے خواتین کوسحری کی تیاری میں مشکلات کا سامنا ہے۔
کورنگی نمبر6، لانڈھی، گلستان جوہر بلاک 20، خواجہ اجمیر نگری ، نارتھ کراچی سیکٹر الیون سی، ماڑی پور، باب بھٹ شمس آئی لینڈ ، منوڑا، بلدیہ، اتحادٹاؤن، قائم خانی کالونی اور لیاقت آباد میں گیس لوڈشیڈنگ جاری ہے۔
اس کے علاوہ ہجرت کالونی، اولڈ سٹی ایریا گارڈن، ڈیفنس، صدر ، گڈاپ ، کاٹھور، اسکیم 33، منگھو پیر اور تیسر ٹاؤن کے شہری بھی گیس کی لوڈ شیڈنگ کے باعث پریشان ہے۔
ایس ایس جی کومجموعی طورپر300 ایم ایم سی ایف ڈی سے زائدکمی کا سامنا ہے، سسٹم میں کمی کے باعث شہرمیں گیس کی لوڈشیڈنگ کی جارہی ہے۔
اس سے قبل بھی کراچی شہرکا بڑاحصہ کم پریشر اور گیس سے اچانک محروم ہوگیا تھا، اطلاعات کے مطابق ساون گیس فیلڈ میں فنی خرابی کے باعث 45ایم ایم سی ایف سی گیس کی کمی واقع ہوگئی ہے۔
رواں برس ماہ رمضان شدید گرمیوں کے موسم میں آیا ہے جس سے روزے داروں کے لیے بیک وقت دینی عبادت کرنا اور صحت کا خیال رکھنا ایک مشکل مرحلہ بن گیا ہے۔
موسم گرما کے روزے میں سب سے مشکل کام جسم کو پانی کی کمی اور سارا دن پیاس نہ لگنے کے احساس سے بچانا ہے۔ خصوصاً ان افراد کے لیے جو دن کے اوقات میں سفر کے لیے نکلیں یا باہر کام کریں۔
علاوہ ازیں گھریلو خواتین جن کا زیادہ تر وقت کچن میں چولہے کے آگے گزرتا ہے ان کے لیے بھی خود کو ہائیڈریٹ رکھنا بہت ضروری ہے۔
ہیٹ ویو کے دوران اگر روزہ ہو تو اس بات کا خاص خیال رکھنا چاہیئے کہ روزے دار ہیٹ اسٹروک کا شکار نہ ہو۔
اس ضمن میں ضروری ہے کہ آپ کو ہیٹ اسٹروک کی علامات معلوم ہوں تاکہ ان کے ظاہر ہوتے ہی آپ فوری طور ہنگامی تدابیر اور احتیاط اپنا سکیں۔
ماہرین طب کے مطابق 60 سال سے زائد عمر کے افراد، اورذیابیطس، امراض قلب اور ہائی بلڈ پریشر کے مریض افراد کا جسم کمزور ہوتا ہے اور یہ گرمی سمیت کسی بھی چیز کا اثر فوری طور پر قبول کرلیتے ہیں۔
لہٰذا ایسے افراد خاص طور پر جسم کے اندر پانی کی کمی نہ ہونے دیں اور اس ضمن میں خصوصی احتیاط برتیں۔
سحروافطارمیں کیا کھایا جائے؟
دن بھر پانی کی کمی سے بچنے اور صحت مند رہنے کے لیے ضروری ہے کہ سحر و افطار میں ایسی غذاؤں کا استعمال کیا جائے جو جسم کی غذائی ضروریات بھی پوری کریں اور آپ کو توانائی پہنچائیں۔
پانی والے پھلوں خاص طور پر تربوز کا استعمال کیا جائے۔ علاوہ ازیں کھیرا اور مختلف سلاد کا استعمال بھی کیا جاسکتا ہے۔
سحری میں کیفین مشروبات، چائے کافی سے حتی الامکان پرہیز کریں۔
مصالحہ دار اور چٹپٹی غذاؤں کے بجائے سادہ کھانے استعمال کیے جائیں۔
سحری میں دہی اور لسی بہترین غذائیں ہیں۔
سحری میں کولڈ ڈرنک سے دور رہیں۔ یہ آپ کے وزن میں اضافہ کریں گی۔
روزہ کے بعد کھجور اور 2 گلاس پانی کے ساتھ افطار کریں۔
مزید احتیاطی تدابیر
افطار کے اوقات میں ایک ساتھ 7 یا 8 گلاس پانی پینا نہ صرف بے فائدہ ہے بلکہ صحت کے لیے نقصان دہ بھی ہوسکتا ہے۔
رات میں نماز تراویح یا کسی اور مقصد سے گھر سے باہرجائیں تو پانی کی بوتل ساتھ لے کر جائیں۔
رات کو ایک پانی کی بوتل اپنے قریب رکھیں۔
کوشش کریں کہ گرم اور دھوپ والی جگہوں پر کم سے کم جائیں۔
ہیٹ اسٹروک کی صورت میں
اگر روزے دار کو پسینہ آنا بند ہوجائے، جسم ایک دم گرم ہوجائے، چکر آنے لگے تو یہ ہیٹ اسٹروک کی علامت ہے۔
ایسی صورت میں روزہ کو مزید برقرار نہ رکھنا بہتر ہے۔ ہیٹ اسٹروک کا شکار شخص کے جسم پر ٹھنڈا پانی ڈالیں، اسے ٹھنڈے پانی کے ٹب میں بٹھا دیا جائے اور گرمی سے بچایا جائے۔
اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔
کراچی : شہرقائد کے مختلف علاقوں میں رمضان المبارک کے پہلے روز بجلی غائب رہی جس کے باعث شہریوں نے اندھیرے میں سحری کی۔
تفصیلات کے مطابق ملک کے سب سے بڑے شہر کراچی میں سحری کے اوقات میں بجلی غائب رہی، جس کے باعث شہریوں کو شدید مشکلات کا سامنا کرنا پڑا۔
گلستان جوہر، گلشن اقبال، ابوالحسن اصفہانی روڈ، ملیر، فیڈرل بی ایریا، شاہ فیصل کالونی، لیاری سمیت شہر کے مختلف علاقے بجلی نہ ہونے کے باعث اندھیرے میں ڈوبے رہے جہاں شہریوں نے اندھیرے میں رمضان المبارک کی پہلی سحری کی۔
کے الیکٹرک کا کہنا ہے کہ شہرمیں کہیں غیراعلانیہ لوڈشیڈنگ نہیں کی جارہی جبکہ ایک یونٹ پرکام کے باعث کچھ علاقوں میں لوڈ مینجمنٹ کی جارہی ہے۔
دوسری جانب محکمہ موسمیات نے کراچی میں رمضان کے پہلے ہفتے کے دوران شدید گرمی پڑنے کی پیشگوئی کی ہے، سمندری ہوائیں بند ہونے کے باعث ایک ہفتے تک پارہ 41 ڈگری سینٹی گریڈ تک جائے گا۔
محکمہ موسمیات نے آج اسلام آباد سمیت پنجاب کے شہروں لاہور، گجرانوالہ، راولپندی، سرگودھا، فیصل آباد، ملتان، ساہیوال میں بارش کی پیشگوئی کی ہے۔
محکمہ موسمیات کے مطابق بلوچستان کے شہروں کوئٹہ اور ژوب سمیت خیبرپختونخو، فاٹا، گلگٹ بلتستان اور کشمیر بھی آج بارش کا امکان ہے۔
خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔
