ARYNews.tv | Urdu – Har Lamha Bakhabar

Tag: سراج الحق

  • رحمان ملک اور سراج الحق کا پشاور میں آرمی پبلک اسکول کا دورہ

    رحمان ملک اور سراج الحق کا پشاور میں آرمی پبلک اسکول کا دورہ

    پشاور: جماعت اسلامی کے امیرسراج الحق نےکہاہےملٹری کورٹس پر رضامندی حکومتی درخواست پر کی،رحمان ملک نے افغانستان سےملا فضل اللہ کو مانگ لیا ہے۔

    پیپلز پارٹی کے رہنما رحمان ملک اور امیر جماعت اسلامی سراج الحق نے پشاور میں آرمی پبلک اسکول کا دورہ کیا اور شہدا کو خراج عقیدت پیش کیا ۔

    پشاور میں سیاسی جرگے کے بعد میڈیا سے گفتگو میں امیر جماعت اسلامی سراج الحق نے کہاپشاور تین دہائیوں سے دہشتگردی کا شکار ہے،سراج الحق نے کہا حکومتی اپیل پر ملٹری کورٹس کے قیام پررضا مند ہوئے۔

     پیپلزپارٹی کے رہنما سینیٹررحمان ملک نےپشاورشہدا کیلئے نشان حیدرکامطالبہ کرتے ہوئےافغان حکام سے ملا فضل اللہ کوپاکستان حوالے کرنے کی اپیل کی،سیاسی جرگے کےرہنماؤں نےپشاورشہداکےایصال ثواب کیلئےفاتحہ خوانی بھی کی۔

  • سانحہ پشاور نے کئی بڑے سوالات کو جنم دیا ہے، سراج الحق

    سانحہ پشاور نے کئی بڑے سوالات کو جنم دیا ہے، سراج الحق

    لاہور: جماعتِ اسلامی کے امیر سراج الحق کا کہنا ہے کہ ملک دہشت گردی اور سیاسی بحران کا شکار ہے، سانحہ پشاور نے کئی بڑے سوالات کو جنم دیا ہے۔

    ان کا کہنا تھا کہ موجودہ دور میں ایک عام آدمی الیکشن نہیں لڑسکتا، دہشتگردی کا علاج صرف قانون کی بالادستی سے ممکن ہے، ملک سیاسی اور معاشی دہشتگردی کا شکار ہے، تمام جماعتوں کو مل کر حل نکلنا ہوگا۔

    سراج الحق کا کہنا ہے کہ پشاور کے واقعے پر سب کوتشویش ہے، سانحہ پشاور کربلا کا واقعہ ہے، اس واقعہ سے کئی بڑے سوالات کو جنم دیا ہے۔

    سراج الحق نے کہنا تھا کہ سانحۂ پشاور میں خاندان کا اکلوتا بیٹا بھی نشانہ بنا ہے، لوگوں کو سہارا دینے کے الفاظ ختم ہوگئے ہیں، انھوں نے کہا کہ باحیثیت قوم شہدائے پشاور کو ضرور جواب دیں ہیں۔

  • دہشت گردوں کا کوئی مذہب نہیں،سراج الحق

    دہشت گردوں کا کوئی مذہب نہیں،سراج الحق

    لاہور: حکومت امن کیلئے اقدامات کرے جماعت اسلامی مکمل سپورٹ کرے گی،دہشت گردوں کا کوئی مذہب نہیں،ملک بھر سے دہشت گردی کیخلاف آواز اُ ٹھ رہی ہے۔

    ان خیالات کا اظہار جماعت اسلامی کے امیر سراج الحق نے لاہور میں پاکستان تحریک انصاف کے مرکزی رہنما شاہ محمود قریشی سے ملاقات کے بعد میڈیا سے گفتگو کرتے ہوئے کیا۔

    سراج الحق نے کہا کہ امید ہے کہ موجودہ حکومت ایسے اقدامات کرے گی کہ جس سے ملک امن کا گہوارہ بن جائے،انہوں نے کہا کہ سال دو ہزار پندرہ کو امن کا سال قرار دیا جائے۔

    ہمارے پاس امن کے سوا اب کوئی چارہ نہیں،حکومت خودآگے بڑھ کر مسائل حل کرنے کی کوشش کرے، ایک سوال کے جواب میں سراج الحق کا کہنا تھا کہ تحریک انصاف نے دھرنا ختم کر کے اچھا پیغام دیا۔

    ان کا کہنا تھا کہ دھاندلی کی شفاف تحقیقات ہوں تو دودھ کا دودھ اور پانی کا پانی ہوجائے گا،انہوں نے کہا کہ حکومت کے ساتھ جو نشست ہوئی وہ بہت اچھی رہی۔

    اس موقع پر تحریک انصاف کے رہنما شاہ محمود قریشی نے کہا کہ سانحہ پشاور کا درد ہر گھر میں محسوس کیا گیا۔ پی ٹی آئی کے نمائندے ایکشن پلان کمیٹی کا حصہ ہیں۔

    ایک سوال کے جواب میں ان کا کہنا تھا کہ مذاکرات کا انحصار حکومت کے رویے پر منحصر ہے، انہوں نے کہا کہ دہشت گردی سے نمٹنے کا یہ بہت اچھا موقع ہے، اس وقت پوری قوم دہشت گردی کے خلاف متحد ہے، اور اس حوصلے بلند ہیں۔

  • وزیر داخلہ چوہدری نثار سے امیر جماعت اسلامی سراج الحق کی ملاقات

    وزیر داخلہ چوہدری نثار سے امیر جماعت اسلامی سراج الحق کی ملاقات

    اسلام آباد: وفاقی وزیر داخلہ چوہدری نثار علی خان سے امیر جماعت اسلامی سراج الحق نے ملاقات کی۔

    اسلام آباد پنجاب ہاوس میں وزیر داخلہچوہدری نثار اور امیر جماعت اسلامی کے درمیان ملاقات ہوئی، دونوں رہنماوں نے ملکی صورتحال پر تبادلہ خیال کیا، امیر جماعت اسلامی سراج الحق نے مذاکرات کی بحالی کے حوالے سے سیاسی جرگے کی کاوشوں سے چوہدری نثار کو آگاہ کیا، اس موقع پر چوہدری نثار کا کہنا تھا کہ حکومت مذاکرات کے ذریعے ملک کی سیاسی صورتحال پر قابو پانا چاہتی ہے۔

  • سراج الحق نے اسحق ڈار کی پریس کانفرنس کو خوش آئند قرار دے دیا

    سراج الحق نے اسحق ڈار کی پریس کانفرنس کو خوش آئند قرار دے دیا

    کراچی: امیر جماعت اسلامی سراج الحق نے حکومت کی طرف سے عمران خان کے ساتھ غیر مشروط اور قانون کے دائرے میں رہتے ہوئے مذاکرات کرنے کے اعلان کا خیر مقدم کیا ہے۔

    سراج الحق کا کہنا تھا کہ حکومت اورپاکستان تحریک انصاف کوفوری طور پر اپنی مذاکراتی ٹیموں کا اعلان کر کے جگہ اور وقت کا بھی تعین کر لینا چاہئے تاکہ مذاکرات بغیر کسی تاخیر کے شروع ہوسکیں ،سراج الحق نے وفاقی وزیر خزانہ اسحق ڈار کی پریس کانفرنس کو خوش آئند قرار دیتے ہوئے کہا ہے کہ ملک میں امن و امان کی سب سے بڑی ذمہ داری حکومت پر عائد ہوتی ہے ،موجودہ حالات سے نکلنے کیلئے حکومت کے پاس مذاکرات ہی بہترین راستہ ہے ،جسے اختیار کرنے میں مزید وقت ضائع نہیں کرنا چاہئے ۔سراج الحق نے عمران خان کی طرف سے مذاکرات کے لیے آمادگی کے بیان کو بھی سراہا اور امید ظاہر کی کہ اب فریقین میں جلد مذاکرات کا آغاز ہو جائے گا۔

  • جماعت اسلامی کے امیر سراج الحق کی رحمان ملک سے ملاقات

    جماعت اسلامی کے امیر سراج الحق کی رحمان ملک سے ملاقات

    اسلام آباد: سیاسی جرگےکےسربراہ سراج الحق کہتےہیں جب دونوں فریق متفق ہیں تو عدالتی کمیشن بن جانا چاہئے،رحمان ملک نے کہا کہ پی ٹی آئی اور حکومت تصادم کو روکیں اور ایک میز پر آئیں۔

    سیاسی جرگے کا اجلاس اسلام آباد میں رحمان ملک کی رہائش گاہ پر ہوا سراج الحق نے میڈیا سے گفتگو میں کہا کہ ہمیں ماضی سے سبق سیکھنا چاہئے،وہ مرحلہ آگیا ہے جب پی ٹی آئی اور حکومت کا موقف ایک ہے،رحمان ملک نے کہا کہ فریقین تصادم کو روکیں اور مذاکرات کی میز پر آجائیں، اجلاس میں فیصل آباد واقعے پر اظہار افسوس اور آئندہ کے لائحہ عمل پر غور کیا گیا۔

  • جب دونوں فریق متفق ہیں تو عدالتی کمیشن بن جانا چاہئے،سراج الحق

    جب دونوں فریق متفق ہیں تو عدالتی کمیشن بن جانا چاہئے،سراج الحق

    اسلام آباد: سیاسی جرگے کے سربراہ سراج الحق کا کہنا ہے کہ جب دونوں فریق متفق ہیں تو عدالتی کمیشن بن جانا چاہئے جبکہ سابق وزیرِ داخلہ سنیٹر رحمان ملک نے کہا کہ پی ٹی آئی اور حکومت تصادم کو روکیں اور ایک میز پر آئیں۔

    سیاسی جرگے کا اجلاس اسلام آباد میں رحمان ملک کی رہائش گاہ پر ہوا،۔ اجلاس میں فیصل آباد واقعے پر اظہار افسوس اور آئندہ کے لائحہ عمل پر غور کیا گیا، اجلاس کے بعد سراج الحق نے میڈیا سے گفتگو میں کہا کہ ہمیں ماضی سے سبق سیکھنا چاہئے، وہ مرحلہ آگیا ہے، جب پی ٹی آئی اور حکومت کا موقف ایک ہے، انھوں نے کہا کہ فیصل آباد جیسے واقعات سے بچنے کے لئے حکومت اور تحریکِ انصاف کو مذاکرات کی میز پر آنا چاہیئے.

    siraj

    سراج الحق نے کہا کہ تاریخ دہرانے کی کوشش کی جارہی ہے، 1958 اور 1977  اور  1999 میں جیسے مارشل لاء کا سامنا کرنا پڑا، اسی طرح ایک مرتبہ پھر ویسے ہی حالات پیدا ہورہے ہیں۔ انہوں نے کہا کہ اب فریقین جوڈیشل کمیشن پر راضی ہے تو فوری طور پر دھاندلی کی تحقیقات کے لئے کمیشن بنا دینا چاہیئے۔

    دوسری جانب رحمان ملک نے کہا کہ فریقین تصادم کو روکیں اور مذاکرات کی میز پر آجائیں۔

  • حکومت پی ٹی آئی کے ساتھ مذاکرات میں پہل کریں، سراج الحق

    حکومت پی ٹی آئی کے ساتھ مذاکرات میں پہل کریں، سراج الحق

    پشاور: جماعت اسلامی پاکستان کے امیرسراج الحق کاکہناہے کہ حکومت پاکستان تحریک انصاف کے ساتھ مذاکرات میں پہل کریں حکومت کے پاس کوئی اختیارنہیں کہ وہ کسی سیاسی جماعت کواحتجاج سے روکیں۔

    شیخ آبادپارک پشاورمیں دستاربندی تقریب سے خطاب میں انہوں نے کہاکہ موجودہ سیاسی بحران سے نکلنے کاواحدذریعہ مذاکرات ہیں اگرمذاکرات کامیاب نہ ہوئے توسارے سیاست دان گھرجائینگےسراج الحق نے بتایاکہ ڈاکٹرطاہرالقادری کے ملک سے باہرجانے کے بعداب بحران بدستورموجودہے جلسے وجلوس کرناتمام سیاسی جماعتوں کاحق ہے جماعت اسلامی کے امیرنے بتایاکہ حکمرانوں کے اربوں روپے کے اثاثے ہیں ایسے حکمرانوں کوغریب آدمی کوریلیف فراہم کرنے کے لیے فہرست نہیں ملتی انہوں نے یہ بھی اعلان کیاکہ پچیس دسمبرکوکراچی میں جماعت اسلامی اپنے نئے ایجنڈے کااعلان کرےگی۔

  • جےیو آئی کا بینظیر بھٹوکی برسی پرلاڑکانہ بندکرنےکااعلان

    جےیو آئی کا بینظیر بھٹوکی برسی پرلاڑکانہ بندکرنےکااعلان

    کراچی: جے یو آئی نے ڈاکٹر خالد محمود سومرو کے قاتلوں کی عدم گرفتاری پر بینظیر بھٹو کی برسی کے موقع پر ستائیس دسمبر کو گڑھی خدا بخش جانے والے راستے سیل کر نے کا اعلان کر دیا۔

    ،جے یو آئی کی کال پر ملک بھر کی طرح لاڑکانہ میں بھی شہید ڈاکٹر خالد محمود سو مرو کے قاتلوں کی عدم گرفتاری پر احتجاجی مظاہرہ کیا گیا مظاہرین سے خطاب کرتے ہوئے ڈاکٹر خالد محمود سومرو کے بیٹے ناصر محمود سو مرو کا کہنا تھا خالد محمود سو مرو کی شہادت کے بعد سندھ حکومت کاکوئی نمائندہ تعزیت کے لیے نہیں آیا اور نہ ہی کسی نے رابطہ کیا، ان کا کہنا تھا سندھ حکومت مکمل طور پر ناکام ہوچکی ہے ۔

          جمعیت علما ئے اسلا م( ف ) کی جانب سے ملک کے بیشتر شہروں میں مولانا فضل الرحمان پر حملے اور خالد سومرو کے قتل کے خلاف مظا ہرے کئے گئے اسلام آباد مظا ہرے کی قیا دت عبدالغفور حیدری نے کی مو لانا عند الغفور حیدری نے مطا لبہ کیا کہ دونوں واقعات میں ملو ث ملزمان کو بے نقاب کیاجائے، لا ہور میں سینیٹر خالد محمود سومرو کے قتل کے خلاف مال روڈ پر مسجد شہدا کے باہر مظا ہرہ کیا گیا۔

    احتجاج کے باعث مال روڈ پر ٹریفک جام ہو گیا ،عمرکوٹ، جعفر آباد ،مٹھی، پشاور ،میر پور خاص ،سکھر ،شکار پور، سانگھڑ ، نوابشاہ ، سکھر ، نو شہرو فیروز اور لاڑکانہ میں بھی کا رکنوں نے مظا ہرے کئے جے یو آئی ف سندھ کے رہنما وں نے اعلان کیا کہ وہ ستائیس دسمبر بے نظیر شہید کی برسی کے موقع پر سندھ سمیت لاڑکانہ کے تمام داخلی اور خارجی راستوں پر دھرنا دیکر شاہراہوں کو بند کیا جائیگا۔

    دوسری جانب جے یو آئی کے رہنما ڈاکٹر خالد سومرو کے قتل کی تفتیش میں اہم پیش رفت ہوئی ہے، پولیس نے دو اہم ملزمان کو گرفتار کر لیا ہے، لاڑکانہ میں جے یو آئی کے رہنما ڈاکٹر خالد سومرو کے قتل کی تفتیش کے دوران پولیس نے دو اہم ملزمان سمیت بارہ افراد کو ریر حراست لے لیا۔ملزمان کا تعلق لاڑکانہ کے علاقے وارہا سے ہے۔ مولانا فضل الرحمان پر قاتلانہ حملے اور ڈاکٹر خالد سومرو کے قتل کے خلاف کئی شہروں میں احتجاجی مظاہر ے کئے گئے۔

  • سیاسی بحران کو حل نہ کیا تو ملک میں کوئی بڑا سانحہ ہو سکتا ہے، سراج الحق

    سیاسی بحران کو حل نہ کیا تو ملک میں کوئی بڑا سانحہ ہو سکتا ہے، سراج الحق

    لاہور: امیر جماعت اسلامی سراج الحق نے کہا ہے کہ اگر سیاسی بحران کو مذاکرات کے ذریعے حل نہ کیا گیا تو ملک میں کوئی بڑا سانحہ ہوسکتا ہے۔

    لاہور میں دینی ادارہ سنابل الخیر کے آفس کے افتتاح کے موقع پر میڈیا سے گفتگو کرتے ہوئے سراج الحق نے کہا کہ خوشی ہے کہ تحریک انصاف کے بعد حکومت بھی مذاکرات کی میز پر آنے کی خواہش کررہی ہے۔ انھوں نے کہا کہ حکومت کو انا کی لکیر عبور کرکے مذاکرات کرنا چاہئیں۔

    سراج الحق نے کہا کہ قوم کو پتہ چلنا چاہیے کہ دھاندلی کس نے کی اوراس میں کون ملوث تھا۔ انھوں نے کہا کہ اصلاحات کے بغیر آئندہ انتخابات کرائے گئے تو کوئی اسے تسلیم نہیں کرے گا۔

    انہوں نے کہا کہ قبائلی علاقوں میں ایسے کیمیکل اور ہتھیار استعمال کیے گئے جسکے نتائج ہیروشیما اور ناگاساکی جیسے نکلیں گے۔ امیر جماعت اسلامی کا کہنا تھا کہ طاہرالقادری نے پچیس دسمبر کا کراچی کا جلسہ ملتوی کرکے جماعت اسلامی کو جلسہ کرنے کی اجازت دی ہے۔