Tag: سراج الحق

دیر: جماعت اسلامی نے کورونا وائرس کے پیش نظر 2 ہفتے کے لیے تمام سیاسی سرگرمیاں معطل کرنے کا اعلان کردیا۔

اے آر وائی نیوز کی رپورٹ کے مطابق امیر جماعت اسلامی سراج الحق نے دیر جلسے میں کورونا وائرس کے پیش نظر 2 ہفتے کے لیے تمام سیاسی سرگرمیاں معطل کرنے کا اعلان کیا۔

سراج الحق نے کہا کہ اگلے مرحلے میں جماعت اسلامی پنجاب میں جلسہ کرے گی، تحریک کا دوبارہ آغاز گوجرانوالہ سے ہوگا۔

واضح رہے کہ پی ڈی ایم کی جانب سے کل ملتان میں جلسہ کرنے کا اعلان کیا گیا ہے جبکہ پنجاب حکومت نے کورونا کے پیش نظر جلسے کی اجازت نہ دینے کا فیصلہ کیا ہے۔

کورونا کے پھیلاؤ کے خطرے کے پیش نظر
آج دیر جلسہ عام میں جماعت اسلامی کی سیاسی و عوامی سرگرمیوں کو آئندہ دو ہفتوں کے لیے معطل کرنے کا اعلان کیا
تحریک کے اگلے مرحلے میں جماعت اسلامی پنجاب میں جلسے کرے گی۔ آغاز گوجرانوالہ سے ہوگا۔ ان شاء اللہ pic.twitter.com/iSPagxRJbh

— Siraj ul Haq (@SirajOfficial) November 29, 2020

یاد رہے کہ ملک میں گزشتہ 24 گھنٹوں کے دوران کورونا وائرس کی وجہ سے مزید 43 افراد جاں بحق ہو گئے۔

نیشنل کمانڈ اینڈ آپریشن سینٹر کے مطابق ملک میں 24 گھنٹوں کے دوران مزید 2 ہزار 829 کورونا کیسز رپورٹ ہوئے، جس سے ملک میں کورونا کے مصدقہ کیسز کی تعداد 3 لاکھ 95 ہزار 185 ہو گئی۔

ملک میں 24 گھنٹوں کے دوران کرونا وائرس سے مزید تیتالیس افراد کے انتقال کے بعد پاکستان میں کورونا سے انتقال کرنے والوں کی تعداد 7 ہزار 985 ہو گئی ہے، جب کہ 2 ہزار 186 مریضوں کی حالت تشویش ناک ہے۔

کراچی: امیر جماعت اسلامی سراج الحق کا کہنا ہے کہ شفاف الیکشن ہوئے تو کراچی میں جماعت اسلامی کا میئر ہوگا۔

اے آر وائی نیوز کی رپورٹ کے مطابق امیر جماعت اسلامی سراج الحق نے حقوق کراچی مارچ سے خطاب کرتے ہوئے کہا کہ کراچی کی تباہی پاکستان کی تباہی ہے، صوبائی اور وفاقی حکومتوں نے کراچی والوں کو مایوس کیا ہے۔

سینیٹر سراج الحق نے کہا کہ کراچی کے نوجوان بے روزگار ہیں، شہریوں کو میرٹ کی بنیاد پر ملازمتیں دی جائیں، جماعت اسلامی کراچی کے شہریوں کے ساتھ کھڑی ہے۔

انہوں نے کہا کہ کراچی کے شہریوں کو مردم شماری پر شک ہے، آج کراچی میں پانی نہیں ہے، گٹر ابل رہے ہیں، جب کراچی کے لوگ خوشحال ہوتے ہیں تو پاکستان خوشحال ہوتا ہے، کراچی جب پریشان ہوتا ہے تو دیگر صوبے بھی پریشان ہوتے ہیں۔

امیر جماعت اسلامی نے کہا کہ کراچی میں صرف مہاجر ہی نہیں ہے تمام قومیت کے لوگ بستے ہیں، کراچی کی کامیابی پاکستان کی کامیابی ہے، ہم ملک بھر میں عوام کی ترجمانی کریں گے۔

سراج الحق نے کہا کہ نیب نے بھی احتساب کو انتقام کی طرح اپنایا ہوا ہے، ملک میں اخلاقی، مالی دہشت گردی بھی جاری ہے، حکومت نے معیشت کا بیڑا غرق کردیا ہے، وزیراعظم یوٹرن لینے کے بجائے رائٹ ٹرن لے لیں تو بہتر ہوگا۔

انہوں نے کہا کہ رونے دھونے سے مسائل حل نہیں ہوں گے، اپنے بچوں کے مستقبل کے لیے کراچی کو نکلنا پڑے گا، 14 اکتوبر پورے ملک میں کراچی کے عوام کے لیے نکلیں گے، سینیٹ میں ہر مسئلے کو اجاگر کرنے کی کوشش کرتا ہوں، چاہتے ہیں کراچی کے بچوں کو انصاف ملے۔

لاہور: امیر جماعت اسلامی پاکستان سینیٹر سراج الحق نے کورونا وائرس کا پھیلاؤ روکنے کے لیے بھرپور مہم چلانے کا اعلان کرتے ہوئے کہا ہے کہ ملک بھر میں صفائی مہم چلائی جائے گی اور شہریوں میں جراثیم کش صابن تقسیم کیے جائیں گے۔

منصورہ لاہور میں پریس کانفرنس کرتے ہوئے سراج الحق نے کہا کہ کورونا وائرس سے پیدا ہونے والی صورتحال کے تناظر میں جماعت اسلامی نے اہم فیصلے کیے ہیں، ابتدائی طور پر کورونا سے آگاہی مہم چلائی جائے گی جب کہ ساتھ ساتھ صفائی بھی کی جائے گی۔

انہوں نے کہا کہ علما کرام اور با اثرشخصیات سے وفود کی شکل میں رابطہ کیاجائے گا، عوام میں صفائی مہم اور ذخیرہ اندوزی سےمتعلق آگاہی دیں گے۔

سراج الحق کا کہنا تھا کہ جماعت اسلامی بڑے شہروں میں ڈاکٹرمہیا کرے گی اور شہریوں میں جراثیم کش صابن تقسیم کیے جائیں گے۔انہوں نے مطالبہ کیا کہ موجودہ حالات کے پیش نظر 25ہزار روپے سےکم آمدن والے ملازمین کےگیس اور بجلی بل معاف کئےجائیں۔

سینیٹر سراج الحق کا مزید کہنا تھا کہ ملک بھر میں جماعت اسلامی کے کارکنان الخدمت فاؤنڈیشن کے رضاکاروں سے مل کر کورونا وائرس سے نمٹنے کے لیے بھرپور اقدامات کریں گے۔

اسلام آباد: امیر جماعت اسلامی پاکستان سراج الحق کا کہنا ہے کہ ایسے شخص کو پارٹی ٹکٹ نہیں دوں گا جو اپنی بہن کو وراثتی حق نہ دے۔

تفصیلات کے مطابق وفاقی دارالحکومت اسلام آباد میں حیا مارچ سے خطاب کرتے ہوئے سراج الحق نے کہا کہ ہماری سوسائٹی میں ماں،بہن اور بیٹی طاقتور ہے، پاکستان کی سوسائٹی اسلامی سوسائٹی ہے۔

امیر جماعت اسلامی کا کہنا تھا کہ اسلام میں عورت اور مرد کا اپنا اپنا مقام ہے، ہم چاہتے ہیں بہنیں ڈاکٹرز، انجینئرز ، پروفیسر ، پائلٹ بنیں، ہم تو چاہتے ہیں ہماری خواتین چاند تو کیا مریخ کا سفر کریں۔

سراج الحق نے کہا کہ خواتین کے مساوی حقوق کے لیے سینیٹ میں آواز اٹھاتا رہوں گا، ایوان قومی اسمبلی میں سب سے اچھی کارکردگی خواتین کی ہے۔

وراثت سے متعلق انہوں نے کہا کہ ہمارا مطالبہ ہے ہماری بہنوں کو وراثت میں ان کا حق دیا جائے، ایسے شخص کو پارٹی ٹکٹ نہیں دوں گا جو اپنی بہن کو وراثتی حق نہ دے۔

امیر جماعت اسلامی کا مزید کہنا تھا کہ جماعت اسلامی میں خواتین کو بڑا مرتبہ حاصل ہے، یہ بہنیں صرف سپورٹر نہیں یہ ہماری پارٹی کا حصہ ہیں۔

مرد اور عورت کو لڑانے والے انسانیت کو تباہ کرنا چاہتے ہیں، سراج الحق

یاد رہے کہ گزشتہ روز کراچی میں امیر جماعت اسلامی سینیٹر سراج الحق نے جلسے سے خطاب کرتے ہوئے کہا تھا کہ مرد اور عورت کو لڑانے والے انسانیت کو بتاہ کرنا چاہتے ہیں۔

لاہور: امیر جماعت اسلامی پاکستان سینیٹر سراج الحق نے کہا ہے کہ جنھوں نےقوم کوٹرک کی بتی کےپیچھے لگایا وہ آج خودپریشان ہیں۔

لاہور سے جاری بیان کے مطابق امیر جماعت اسلامی کا کہنا تھا کہ وزیراعظم نےکچھ پیاروں کی خاطر عوام کومہنگائی کےسونامی کےحوالےکردیا، حکومت نے ملک کےحال کو بدحال اور مستقبل کو تاریک کردیا ہے۔

انہوں نے کہا کہ تبدیلی پہلےمذاق اور اب خوف کی علامت بن چکی ہے، سرخی پاؤڈر اترنے کے بعدحکومت کا اصل چہرہ عوام کے سامنے آگیا ہے جنھوں نےقوم کوٹرک کی بتی کے پیچھے لگایا وہ آج خودپریشان ہیں۔

امیر جماعت اسلامی کا کہنا تھا کہ وزیراعظم نے کہا تھاکہ2020خوشخبریوں کا سال ہوگا لیکن اب تک وزیراعظم کے تمام دعوے الٹ ثابت ہوئے ہیں، حکومت کوووٹ اور سپورٹ دینے والے سب پریشان ہیں۔

سراج الحق نے مزید کہا کہ چور حکومت نے قوم کو ذاتی مفادات کی بھینٹ چڑھا دیا اب وزیراعظم گھبرائیں نہیں اور آٹا چینی کابحران پیدا کرنے والوں کےنام بتادیں۔

کراچی: امیر جماعت اسلامی پاکستان سراج الحق نے کہا ہے کہ کشمیری 6 ماہ سے محصور ہیں، مسئلہ کشمیر پر ملائیشیا اور ترکی کے سوا کسی ملک نے ہمارا ساتھ نہیں دیا۔

ان خیالات کا اظہار انھوں نے اے آر وائی نیوز کے پروگرام الیونتھ آور میں کیا، سراج الحق کا کہنا تھا کہ مسئلہ کشمیر کے حل کے لیے پاکستان کو معاشی طور مضبوط کرنا چاہیے، ملک میں قومی یک جہتی کی ضرورت ہے، جب کہ حکومت نے مسئلہ کشمیر پر ایک دن بھی سیاسی جماعتوں کو نہیں بلایا، مسئلہ کے حل کے لیے کشمیری قیادت کو آگے لانا چاہیے۔

امیر جماعت کا کہنا تھا کہ حکومت نے تو کشمیر کے معاملے پر کچھ کیا ہی نہیں، اقوام متحدہ میں تو ہر حکمران نے تقریریں کی ہیں، 27 ستمبر کی تقریر خود عمران خان کو ڈھونڈ رہی ہے، حکومت کے پاس کوئی روڈ میپ نہیں، مشرف دور میں جو باڑ لگی اس کو ہٹانا چاہیے۔

حکومت گرانے سے متعلق سراج الحق کا کہنا تھا کہ جماعت اسلامی کبھی کسی سازش کا حصہ بنی اور نہ بنے گی، مولانا فضل الرحمان کا دھرنے کا فیصلہ ان کا اپنا تھا، خود ہی چلے گئے، مولانا سے کہا تھا حکومت گرانے کے بعد کس کو لانا ہے یہ بتائیں، حکومت گرانا آسان کام ہے، اصل مسئلہ اچھی حکومت کو لانا ہے۔

انتخابات سے متعلق انھوں نے کہا کہ پاکستان میں کبھی شفاف الیکشن نہیں ہوئے، پاکستان میں جب بھی شفاف الیکشن ہوئے تو جماعت اسلامی ہی آئے گی، پاکستان میں جمہوریت کبھی بھی آزاد نہیں رہی۔