Tag: سراج الحق

پشاور:جماعت اسلامی کے امیر سراج الحق کا کہنا ہے کہ استعفےدیناہرسیاسی جماعت کاحق ہے، پی ٹی آئی کی خیبرپختونخوااسمبلی توڑنے کی بات عوام نےمستردکی۔

خیبرپختونخوا میں تحریک انصاف کی اتحادی جماعت اسلامی کےامیر سراج الحق کہتے ہیں استعفےدینا ہرسیاسی جماعت کاحق ہے لیکن پاکستان تحریک انصاف کی خیبرپختونخوا اسمبلی توڑنے کی بات کو عوام مسترد کرچکے ہیں، ان کاکہناتھا مارچ سے جمہوریت کو کسی قسم کا نقصان نہیں پہنچنا چاہئے، تمام سیاسی جماعتیں اختلافات بھلا کرمتحد ہوجائیں،انہوں نے متاثرین شمالی وزیرستان کی مکمل بحالی تک چین سے نہ بیٹھنے کے عزم کا بھی اظہارکیا۔

پشاور: امیر جماعت اسلامی پاکستان سراج الحق کا کہنا ہے متاثرین کی بحالی کے لئے جلداز جلد اقدامات کئے جائیں، نواز شریف نے مشرف کی پالیسیوں کوجاری رکھا ہوا ہے۔

پشاور میں میڈیا سےگفتگو میں سراج الحق کا کہنا تھا کہ متاثرین کی بحالی کے لئےعملی اقدامات کو تیزکیاجائے۔آپریشن کےسبب لاکھوں افراد گھربار چھوڑ کرنقل مکانی کرنےپر مجبور ہوئے۔حکومت متاثرین کی امدادکیلئےاحکامات دے۔امیر جماعت اسلامی کا کہنا تھا وزیراعظم نواز شریف سابق صدر مشرف کی پالیسیوں پر عمل پیرا ہیں ۔ملک میں شریعت کا نظام نافذ کریں گے امریکی ایما پر جہاد ترک نہیں کرسکتے ۔

راولپنڈی: امیر جماعت اسلامی سراج الحق نے کہا ہے پرویزمشرف حکومت کے حلق کی ہڈی بن چکے،نوازشریف اسلامی نظام لائیں ان کا ساتھ دیں گے۔

عوامی افطار سےخطاب میں سراج الحق نے کہا کہ پاکستان کو اصل پاکستان بنانے کے لئے اس کا وی آئی پی کلچر بدلنا ہوگا، سراج الحق کا کہنا تھا کہ انہوں نے دنیا بھر کے اسلامی ممالک کے سربراہوں کو خط لکھا ہے کہ وہ اسرائیلی مظالم کے خلاف مسلم امہ کو متحد کریں، امیر جماعت اسلامی نے ستمبر میں راولپندی میں ایک بڑے جلسے کا اعلان کیا۔

کراچی : جماعت اسلامی کے امیر سراج الحق کا کہنا ہے شمالی وزیرستان کے متاثرین کو فوج کے کلیئر کردہ علاقوں میں واپسی کی اجازت دی جائے۔

کراچی میں عوامی دعوت افطارسےخطاب میں سراج الحق نے کہا کہ متاثرہ قبائلیوں کو ان کے گھروں میں عید منانے کی اجازت دی جائے، سراج الحق نے کہاغزہ پراسرائیلی جارحیت کے خلاف مسلم حکمرانوں نے سربراہ اجلاس طلب کیا نہ اسرائیل کے بائیکاٹ کااعلان کیا گیا، امیر جماعت اسلامی کا کہنا تھا ایسانظام چاہتے ہیں جس میں چیف جسٹس کے ہاتھ میں انگریزی کتاب کےبجائے قرآن ہو، اذان ہوتو صدر پاکستان امامت کے لیے آگے بڑھیں۔

کراچی :جماعت اسلامی پاکستان کے امیر سراج الحق نے کہا ہے کہ بستیاں ویران اور قبرستان آباد ہو رہے ہیں، پاکستان کا ہر بچہ آئی ایم ایف کا مقروض ہے، کل بھی پاکستان کو حکمرانوں سے خطرہ تھا آج بھی پاکستان کوبھارت کے ایٹم بم سے زیادہ اپنے حکمرانوں سے خطرہ ہے ۔

جماعت اسلامی پاکستان کے امیر سراج الحق نے کراچی ککری گراؤنڈ میں عوامی دعوت افطارسے خطاب کرتے ہوئے مطالبہ کیا کہ شمالی وزیرستان کے متاثرین کوعید منانے کے لیے ان کے گھروں میں واپس بھیجا جائے،سراج الحق کا کہنا تھا کہ جماعت اسلامی عید کے بعد عوامی ایجنڈا لے کرمیدان میں نکلے گی اور عوام کو بیدار کرے گی انہوں نے کہا کہ اس ملک میں چند لوگوں نے پورے ملک کو یرغمال بنا لیا ہے، بینکوں کو لوٹا سیاست و معیشت کو یرغمال بنایا، وہی چند وڈیرے ، نظام قرآن کا نظام نہیں آیا۔سراج الحق کا کہنا تھاکہ آئی ڈی پیز کا مسئلہ بھی ہمیں درپیش ہے۔

کراچی : امیر جماعت اسلامی سراج الحق نے کہا ہے نواز شریف نے ماضی سے کچھ سبق حاصل نہیں کیا، وہ اپنے وعدے بھول گئے ہیں۔

کراچی میں ایک تقریب سے خطاب کرتے ہوئے امیر جماعت اسلامی کا کہنا تھا گذشتہ سڑسٹھ سالوں سے سیاست، جمہوریت اور عوام یرغمال بنے ہوئے ہیں، نواز شریف نے ماضی سے کچھ سبق حاصل نہیں کیا، وہ اپنے وعدے بھول گئے ہیں۔

ان کا کہنا تھا آج بھی امریکی ڈکٹیشن پرحکومت چلائی جارہی ہے  اور ادارے ورلڈ بینک کے تابع ہیں، ان کا کہنا تھا غزہ کے معاملے پر حکمران امریکی موقف پر عمل پیرا ہیں، غزہ کے معاملے پر اسلامی سربراہی کانفرنس بلائی جانی چاہیئے ۔

اسلام آباد: امیرجماعت اسلامی سراج الحق نے کہا ہے کہ فلسطینیوں پراسرائیلی جارحیت کیخلاف امت مسلمہ کومیدانوں میں نکلناچاہے، اسلامی ممالک کافرض ہے کہ اوآئی سی کااہم اجلاس بلائیں اور موثرآوازاٹھائیں۔

امیرجماعت اسلامی نے آزادکشمیر کی حلف وفاداری سے خطاب میں انھوں نے کہا کہ اقوام متحدہ کفن چوروں کا ٹولہ ہے تمام اسلامی ممالک فلسطین پراسرائیلی حملے کواپنے اوپرحملہ تصورکریں، انھوں نے کہا کہ کشمیر کی آزادی تک برصغیر کی تقسیم کاایجنڈا مکمل نہیں ہوسکتا اورکشمیر کے معاملے پر وزیراعظم نوازشریف اورآرمی چیف اپنا موقف واضح کریں۔

ان کاکہناتھا کہ پاکستان کوسیاسی پنڈتوں نے گھیرے رکھا ہے اورجب تک اسلام آباد میں اسلامی انقلابی حکومت نہیں آئے گی کشمیر کامسئلہ آگے نہیں بڑھے گا، اس سے قبل عبدالرشید ترابی نے جماعت اسلامی آزادکشمیر کی حیثیت سے حلف لیا عبدالرشید ترابی آٹھویں بار جماعت آزادکشمیر کے امیر منتخب ہوئے۔