Tag: سراج الحق

لاہور: امیر جماعت اسلامی پاکستان سینیٹر سراج الحق نے کہا ہے کہ مسائل کی دلدل سے نکلنے کیلئے چند گھوڑے نہیں بلکہ پورا اصطبل بدلنا ہو گا۔

خیبرپختونخوا کے تین وزراء کی برطرفی پر ردعمل دیتے ہوئے سراج الحق نے کہا کہ وزارتیں نہیں پورے نظام کو تبدیل ہونا چاہیے، یہ لوگ ووٹ پر آئے نہیں بلکہ لائے گئے ہیں جبھی ڈلیور نہیں کر پا رہے۔

انہوں نے کہا کہ حکومت کاجہاز مختلف پرزے جوڑ کر بنایا گیا ہےجو اڑ نہیں سکتا، وزیراعظم نے کہا تھا 2020 خوشخبریوں اور خوشحالی کاسال ہے، پہلی خوشخبری آٹےکی قیمتوں میں اضافہ اوربحران کر کے دی گئی۔

سراج الحق کا کہنا تھا کہ لگتا ہے یہ سال روٹھوں کو منانے اور عوام کےامتحان کاسال ہے، حکومت وینٹی لیٹر پر ہے مصنوعی سانس سےکب تک زندگی بچائی جائےگی، عوام پرزبردستی مسلط کردہ حکومت کوزیادہ عرصہ قائم رکھنا ممکن نہیں۔

امیر جماعت اسلامی نے کہا کہ 5 فروری کو کشمیریوں سے اظہار یکجہتی کیلئے مظاہرے کریں گے۔

لاہور: امیر جماعت اسلامی سینیٹر سراج الحق نے کہا ہے کہ عالم اسلام کو باہمی لڑائیوں سے نکل کر سازشوں کو ناکام بنانا ہوگا۔

تفصیلات کے مطابق امیر جماعت اسلامی سینیٹر سراج الحق نے لاہور میں میڈیا سے گفتگو کرتے ہوئے کہا کہ امریکی صدر ڈونلڈ ٹرمپ عالم اسلام پر جنگ مسلط کرنا چاہتے ہیں، اقوام متحدہ، امن پسند ممالک جنگ کی آگ کو بجھائیں۔

سراج الحق نے کہا کہ عالم اسلام کو باہمی لڑائیوں سے نکل کر سازشوں کو ناکام بنانا ہوگا، اگر جنگ کے شعلے ایک بار بلند ہوگئے تو پوری دنیا اس کی لپیٹ میں آئے گی۔

انہوں نے کہا کہ اس وقت ملک کا بڑا مسئلہ یہ ہے کہ حکومت ہے بھی اور نہیں بھی، حکومت نے اتنے بحران پیدا کردئیے کہ اس کی کشتی بھنور میں پھنس گئی ہے۔

مزید پڑھیں: موجودہ حکومت نے بھی خاموش این آراو شروع کر دیا، سراج الحق

سراج الحق نے کہا کہ 15 ماہ میں بجلی کی قیمت میں 15 بار اضافہ کردیا گیا، آئی ایم ایف کے حکم پر حکومت ہر روز نئے ٹیکس مسلط کررہی ہے۔

واضح رہے کہ چند روز قبل سراج الحق کا کہنا تھا کہ احتساب کا نظام 15 ماہ سے ناکارہ بن کر رہ گیا ہے اور موجودہ حکومت نے بھی خاموش این آر او شروع کردیا۔

ان کا کہنا تھا کہ مقبوضہ کشمیر کا مسئلہ اس وقت بہت زیادہ توجہ طلب ہے، مقبوضہ کشمیر پر قبضے کے بعد بھارتی حکومت نےشہریت متنازع بل پاس کیا جس کے خلاف بھارت میں مظاہرے ہورہےہیں اور اپوزیشن سڑکوں پرہے۔

لاہور: امیر جماعت اسلامی پاکستان سینیٹر سراج الحق نے کہا ہے کہ احتساب کا نظام 15 ماہ سےمذاق بن کررہ گیاہےاور موجودہ حکومت نے بھی خاموش این آراو شروع کیا ہے۔

لاہور میں میڈیا سے بات کرتے ہوئے امیر جماعت اسلامی نے کہا کہ اپوزیشن کہتی ہے آرڈیننس نہیں چاہیےفیصلے پارلیمنٹ میں کریں، ابھی جنگ کی صورتحال نہیں ہے تو حکومت کیوں آرڈیننس کا سہارالیتی ہے۔

انہوں نے کہا کہ حکومت 15ماہ بھی اپنی سمت کا تعین نہیں کرسکی، موجودہ دورحکومت میں شرح سود میں اضافہ ہوا ،جو ن لیگ،پی پی میں تھے آج وہ اس حکومت میں ہیں، ملک میں مصنوعی مہنگائی اور مصنوعی مینڈیٹ ہے، حقیقی مینڈیٹ کی غیر موجودگی میں حکومت چلنے کےقابل نہیں، ہر الیکشن کے بعد دھاندلی کےالزامات لگ جاتے ہیں اگر الیکشن شفاف نہ ہوں تو حکومت مضبوط نہیں بنتی جب کہ ادارےآئینی حدودمیں کام کریں تو جمہوریت مضبوط ہوگی

امیر جماعت اسلامی کا کہنا تھا کہ مقبوضہ کشمیر کا مسئلہ اسوقت بہت زیادہ توجہ طلب ہے، مقبوضہ کشمیر پر قبضے کے بعد بھارتی حکومت نےشہریت متنازع بل پاس کیا جس کے خلاف بھارت میں مظاہرے ہورہےہیں اور اپوزیشن سڑکوں پرہے، مودی نے جو راستہ اپنایا وہ تمام اقلیتوں کیلئے تباہی کا راستہ ہے، لاکھوں کشمیریوں نے قربانیاں دیں،طویل محاصرےکاسامناہے اور حکومت اب تک اوآئی سی کا اجلاس تک اسلام آباد میں نہیں بلاسکی۔

اسلام آباد: امیر جماعت اسلامی سراج الحق کا کہنا ہے کہ شہدا کا خون ضرور رنگ لائے گا، کشمیریوں کو آزادی مل کر رہے گی۔

تفصیلات کے مطابق وفاقی دارالحکومت اسلام آباد میں امیر جماعت اسلامی سراج الحق نے کشمیر مارچ سے خطاب کرتے ہوئے کہا کہ
لاکھوں کا اجتماع آج کشمیریوں کی حمایت میں اسلام آباد میں کھڑا ہے۔

سراج الحق نے کہا کہ پاکستانی عوام نے کشمیرمارچ میں شرکت کر کے مودی کو پیغام دیا، کشمیری شہدا کو خراج عقید ت، بینائی سے محروم کشمیریوں کو سلام پیش کرتے ہیں۔

امیر جماعت اسلامی نے کہا کہ بھارتی جبر کے باوجود حریت قیادت کی زبان پر پیغام ہوتا ہے ہم پاکستانی ہیں، کشمیریوں آپ ہمارے اور ہم تمہارے ہیں، کوئی طاقت ہمیں جدا نہیں کرسکتی، کشمیر میں ایک قیامت گزر گئی ، ہر گلی و کوچہ ایک کربلا بن گیا ہے۔

انہوں نے کہا کہ بھارتی جبر کے شکار آج 18 ہزارکشمیری نوجوان گرفتار ہیں، مقبوضہ وادی میں 14 ہزار کشمیری خواتین کی عصمت دری کی گئی۔

امیر جماعت اسلامی سراج الحق کا کہنا ہے کہ شہدا کا خون ضرور رنگ لائے گا، کشمیریوں کو آزادی مل کر رہے گی۔

واضح رہے کہ مقبوضہ کشمیر میں بھارتی لاک ڈاؤن کو 140 دن ہوگئے، مظلوم کشمیری اپنے گھروں میں محصور ہیں، اشیائے خورونوش کی شدید قلت کا سامنا ہے، وادی میں موبائل اور انٹرنیٹ سروسز مسلسل معطل جا رہی ہیں، جبکہ قابض فورسز کا گھر گھر چھاپے مارنے کا سلسلہ بھی جاری ہے۔

رحیم یار خان: امیر جماعت اسلامی سینیٹر سراج الحق نے کہا ہے کہ ہمیں دہشت گردی کی طرح کشمیر پر بھی ایکشن پلان بنانا ہوگا۔

تفصیلات کے مطابق امیر جماعت اسلامی سینیٹر سراج الحق نے کشمیر مارچ ریلی سے خطاب کرتے ہوئے کہا کہ تمام سیاسی جماعتوں کی کشمیر کے معاملے پر خاموشی نے مایوس کیا ہے، تمام جماعتوں کو کشمیر پر ایک پیج پر آنا ہوگا۔

سراج الحق نے کہا کہ چیف الیکشن کمشنر کے معاملے میں ناکامی سمجھ سے بالاتر ہے، ملک کو گفتار کی بجائے کردار کے غازیوں کی ضرورت ہے۔

انہوں نے کہا کہ سیاست دانوں نے کشمیریوں کو مایوس کیا ہے، وزیراعظم نے کہا تھا اقوام متحدہ سے واپسی پر روڈ میپ دوں گا لیکن وہ خاموش ہیں، مودی کشمیر میں پابندیاں لگا کر شیر ہوگیا ہے۔

مزید پڑھیں: 22 دسمبر کومسئلہ کشمیر پر اسلام آباد میں دمادم مست قلندر ہوگا، سراج الحق

واضح رہے کہ چند روز قبل سراج الحق کا کہنا تھا کہ بھارت نےگلگت اورمظفر آباد کو اپنے نقشے میں شامل کرلیا، ہم 22 دسمبر کومسئلہ کشمیرپر اسلام آباد میں دمادم مست قلندرکریں گے۔

امیر جماعت اسلامی کا مزید کہنا تھا کہ سیاسی قیادتیں ملک نہیں اپنے کاروبار اور کارخانے بدلنے کا سوچتی ہیں، حکمرانوں کی مسلسل خیانت اورکرپشن سےملک کا بچہ بچہ مقروض ہے۔

یاد رہے کہ جموں و کشمیر پر بھارتی قبضے کے دوران بھارتی انتظامیہ جھوٹے مقدموں کے ذریعے کشمیریوں کی جائیداد ہتھیانے لگی ہے، دوسری طرف لاک ڈاؤن اور مسلسل کرفیو کے باعث وادی میں 126 دنوں سے خوف و ہراس کا ماحول اور غیر یقینی کی صورت حال برقرار ہے۔

کالا باغ: امیر جماعت اسلامی پاکستان سینیٹر سراج الحق نے 22 دسمبرکواسلام آباد میں جلسےکااعلان کرتے ہوئے کہا ہے کہ احتجاجی جلسہ حکمرانوں اورمودی سرکار کےخلاف ہوگا۔

تفصیلات کے مطابق تبی سرمیں جلسہ عام سے خطاب کرتے ہوئے امیر جماعت اسلامی سراج الحق کا کہنا تھا کہ کشمیرمیں ہزاروں ماؤں، بہنوں کی عصمت دری ہورہی ہے، کشمیرکی جیلوں میں نوجوانوں پرتشددہورہا ہے اورحکمران تماشہ دیکھ رہے ہیں۔

انہوں نے کہا کہ وزیراعظم بن کرعمران خان کاارمان پوراہوگیامگرعوام کانہیں ہوا،وزیر اعظم کےحلقےمیں لوگ اب بھی جوہڑ کاپانی پیتےہیں۔

امیر جماعت اسلامی کا کہنا تھا کہ آرمی چیف توسیع معاملےمیں حکومت نےفوج کاتقدس پامال کیا ہے۔

سینیٹر سراج الحق نے 22دسمبرکواسلام آباد میں جلسےکااعلان کرتے ہوئے کہا کہ احتجاجی جلسہ حکمرانوں اورمودی سرکار کےخلاف ہوگا۔

لاہور: امیر جماعت اسلامی پاکستان سینیٹر سراج الحق نے کہا ہے کہ شیخ رشید کہتے ہیں میری وزارت سے وزیراعظم اور چین خوش ہے، ریلوےکی وزارت میں سیکڑوں حادثات ہو ئے لیکن کہتے ہیں چین خوش ہے۔

تفصیلات کے مطابق لاہور میں میڈیا سے بات کرتے ہوئے امیر جماعت اسلامی کا کہنا تھا کہ ملک کے 64 فیصد نوجوانوں کے لیے 15 ماہ میں کچھ نہیں ہوا، حکومت نے 15 ماہ میں صرف لنگر خانے کھولے ہیں۔

ان کا کہنا تھا کہ وزیراعظم باہر جا کر بتاتے ہیں میری قوم چوراورکرپٹ ہے لیکن معیشت کی حالت بتا رہی ہے قوم نہیں خودحکومت کرپٹ ہے، افسوس ہے حکمرانوں نے آج تک صرف کرپشن کا کام کیا ہے۔

سراج الحق نے کہا کہ بی آر ٹی پشاور کئی سالوں کے باوجود نہیں بن سکا، حکومت نے 15 ماہ میں 15 سو یو ٹرن لیے ہیں۔

امیر جماعت اسلامی کا کہنا تھا کہ نواز شریف صاحب کے علاج کےلیےملک میں اسپتال نہیں،ن لیگ حکومت کام کرتی تو نواز شریف کے علاج کےلیےاسپتال ہوتا۔

ان کا کہنا تھا کہ بھارت نےگلگت اورمظفر آباد کو اپنے نقشے میں شامل کرلیا، ہم 22 دسمبر کومسئلہ کشمیرپر اسلام آباد میں دمادم مست قلندرکریں گے۔
امیر جماعت اسلامی کا مزید کہنا تھا کہ سیاسی قیادتیں ملک نہیں اپنے کاروبار اور کارخانے بدلنے کا سوچتی ہیں، حکمرانوں کی مسلسل خیانت اورکرپشن سےملک کا بچہ بچہ مقروض ہے۔

اسلام آباد: کشمیریوں سے اظہار یک جہتی کے لیے 22 دسمبر کو امیر جماعت اسلامی سراج الحق نے اسلام آباد جانے کا اعلان کر دیا ہے۔

تفصیلات کے مطابق امیر جماعت اسلامی پاکستان نے کہا ہے کشمیر کی آزادی کے لیے خون کا آخری قطرہ بھی بہا دیں گے، سنگ مرمر کے قبرستان اسلام آباد میں جا کر جہاد کا اعلان کریں گے۔

انھوں نے یوتھ لیڈرز کنونشن سے خطاب کرتے ہوئے کہا وقت کا غزنوی بن کر بھارت کےغرور کا سومناتھ پاش پاش کروں گا، لاکھوں لوگوں کا قافلہ لے کر 22 دسمبر کو اسلام آباد جائیں گے اور کشمیریوں سے اظہار یک جہتی کریں گے۔

سراج الحق کا کہنا تھا اسلام آباد جا کر حکمرانوں کو جگانے کی کوشش کروں گا، پنجاب کے ہر ضلع، ہر علاقے سے قافلے روانہ ہوں، جماعت اسلامی کے کارکنان 22 دسمبر کے لیے تیاری کر لیں، کشمیر کی آزادی کے لیے خون کا آخری قطرہ بھی بہا دیں گے۔

انھوں نے کہا کہ انگریزوں نے ہمارے کلچر کو بھی تباہ کیا، حکومتیں جھوٹ بولتی رہیں کہ تعلیم عام کریں گے، شرم کی بات ہے پاکستان میں تعلیم کے لیے کم بجٹ رکھا جاتا ہے، آیندہ بلدیاتی الیکشن میں نوجوانوں کو دیکھنا چاہتے ہیں۔

امیر جماعت نے مزید کہا کہ حکومت کا ویژن کارخانوں کی بہ جائے لنگر خانوں پر ہے، حکومت کی معاشی پالیسیوں کے نتیجے میں ٹماٹر مہنگا ہوا۔