Tag: سربراہ ایم کیو ایم پاکستان

کراچی : ایم کیو ایم پاکستان کے کنوینئر ڈاکٹر فاروق ستار کا کہنا ہے کہ ہمارے اجداد نے پاکستان بنایا تھا جب کہ ان کی اولادیں اب پاکستان بچائیں گے۔

ڈاکٹر فاروق ستار نے یوم پاکستان کی مناسبت سے منعقد کردہ ایک تقریب سے خطاب کر تے ہوئے کہا کہ پاکستان کے لیے قربانیاں دینے والے شہداء کا خون رائیگاں نہیں جانے دیں گے اور اس تاریخی دن عہد کرتے ہیں کہ ہم نے پاکستان بنایا تھا اور ہم ہی پاکستان کو بچائیں گے۔

سربراہ ایم کیو ایم پاکستان نے کہ ایم کیو ایم پاکستان قائد اعظم کے 1940 میں کی گئی تقریر کو اپنا منشور بنائے گی جس میں تمام اقلیتوں کو برابر کا حق دینے کی بات کی گئی ہے اور جہاں ریاست کے لیے ہر شہری بلا تفریق رنگ و نسل برابر کی حیثیت رکھتا ہو۔

انہوں نے کہا کہ انھوں نے کہا کہ مردم شماری کو شفاف بنا کرصوبائی اور قومی اسمبلی کی درست نشسوں کا تعین کیا جائے اور ملک کے سب سے بڑے شہر کو اس کا جائز حق دیا جائے اور یہاں رہائش پذیر افراد کی احساسِ محرومی کو ختم کیا جائے۔

ڈاکٹر فاروق ستار نے کہا کہ کراچی کو دو فیصد خیرات کی ضرورت نہیں بلکہ کراچی کو اس کا جائز اور مکمل حق دیا جانا چاہیئے جس کے لیے کراچی کے میئر کو بااختیار کیا جائے تاکہ شہریوں کے مسائل حل کیے جا سکیں۔

انہوں نے کہا کہ لاہور میں اورنج ٹرین اور کراچی میں نیلی پیلی بسیں یہ لولی پاپ اب نہیں چلے گا اور کراچی کے حقوق کی جنگ ہر سطح پر لڑیں گے اس ملک کو وڈیڑوں اور جاگیرداروں نے اس نہج پر پہنچایا ہے جہاں چند فی صد مراعات یافتہ طبقہ لوٹ مار میں مصروف ہے۔

کراچی : ایم کیو ایم پاکستان کے سربراہ ڈاکٹر فاروق ستار نے کہا ہے کہ کوئی بھی معاشرہ کھیل اور صحت مند سرگرمیوں کے بغیر ترقی کے منازل طے نہیں کر سکتا۔

یہ بات انہوں نے پی آئی بی میں واقع اپنی جماعت کے عارضی دفتر میں اسلامیہ کالج کرکٹ ٹیم پشاور کے ایک وفد سے ملاقات کے دوران کہی، انہوں نے کہا کہ کھیلوں کا انعقاد اور ان میں حصہ لینا صحت مند زندگی کی ضمانت ہے۔

فاروق ستار کا کہنا تھا کہ ایم کیو ایم ایسی صحت مند سرگرمیوں کو نہ صرف یہ کہ سراہتی ہے بلکہ کھیل سے جُڑے نوجوانوں کی ہر سطح پر حوصلہ افزائی بھی کرتی ہے کیوں کہ باصلاحیت نوجوان پاکستان کا اثاثہ ہیں۔

سربراہ ایم کیو ایم پاکستان نے اسلامیہ کالج کرکٹ ٹیم پشاور کے کپتان اور کھلاڑیوں کی کرکٹ میں نمایاں کارکردگی کو سراہا اور کہا کہ ایسے ہی با صلاحیت اور چوکس کھلاڑی ملکی سطح پر ہی نہیں بلکہ بین الاقوامی سطح پر بھی پاکستان اور پاکستانی قوم کا سر فخر سے بلند کرسکتے ہیں۔

قبل ازیں ملاقات کے دوران اسلامیہ کالج کرکٹ ٹیم پشاور کے وفد نے ڈاکٹر فاروق ستار کو کرکٹ میں اپنی کارکردگی سے آگاہ کرتے ہوئے درپیش مسائل اور مشکلات کا ذکر بھی کیا جس پر فاروق ستار نے مفید مشورے دیے اور اپنے بھرپور تعاون کا یقین دلایا۔

کراچی : ڈاکٹر محمد فاروق ستار نے کہا ہے کہ ایم کیو ایم پاکستان 17 فروری کو پکا قلعہ حیدرآباد میں جلسہ عام کا انعقاد کر ے گی جس میں آئندہ کے لائحہ عمل کا اعلان کیا جائے گا۔

تفصیلات کے مطابق پی آئی بی میں واقع ایم کیو ایم کے عارضی مرکز میں ہونے والے اجلاس میں ایم کیو ایم پاکستان کی رابطہ کمیٹی نے 17 فروری بروز جمعہ کو حیدرآباد کے علاقے پکا قلعہ میں جلسہ عام کرکے سیاسی قوت کا مظاہرہ کرنے کا فیصلہ کیا ہے۔

دورانِ اجلاس ڈاکٹر فاروق ستار کاکہنا تھا کہ 30 دسمبر کو کراچی میں جلسہ عام کے بعد ایم کیو ایم اب حیدرآباد میں بھی اپنی سیاسی قوت کا مظاہرہ کرنے جاری ہے اس حوالے سے حیدرآباد میں جلد ہی عوامی رابطہ مہم کا آغاز کیا جائے گا۔

سربراہ ایم کیو ایم پاکستان کا مزید کہنا تھا کہ حیدرآباد کا جلسہ ثابت کردے گا کہ حیدرآباد کی عوام ایم کیو ایم پاکستان کے ساتھ ہے اور ایم کیو ایم کا مینڈیٹ تقسیم نہیں بلکہ منظم اور متحد ہے۔

ذرائع کے مطابق رابطہ کمیٹی کا اجلاس ایم کیو ایم پاکستان کے کنوینر ڈاکٹر فاروق ستار کی قیادت میں ہوا جس میں اراکین رابطہ کمیٹی عامر خان، خالد مقبول صدیقی، امین الحق سمیت دیگر اراکین رابطہ کمیٹی اور اراکین اسمبلی نے شرکت کی۔

دریں اثناء اجلاس میں جلسے کے تیاریوں اور انتظامات کے ساتھ ساتھ ملکی سیاسی صورتحال پر تفصیلی تبادلہ خیال کیا گیا جب کہ بدلتی صورت حال کے حوالے سے آئندہ کی پالیسی مرتب کرنے کے لیے غورو خوص بھی کیا گیا۔