لاہور: علامہ طاہرا لقادری کہتے ہیں کارکنان نے کبھی صبر کا دامن ہاتھ سے نہیں چھوڑا منہاج القرآن سےناجائز اسلحہ مل جائے تو انقلاب مارچ کی کال واپس لےلوں گا۔

منہاج القر آن سیکریٹریٹ کے باہر میڈیا سے گفتگو میں ڈاکٹر طاہر القادری کا کہنا تھا کہ پاکستان عوامی تحریک کبھی بدامنی کاتصور نہیں کرسکتی، طاہر القادری نے الزامات لگانے والے حکومتی وُزرا،سیاسی جماعتوں اور انسانی حقوق کی تنظیموں کو دعوت دیتے ہوئے کہا کہ وہ ماڈل ٹاؤن آئیں کہیں سے نا جائز اسلحہ بر آمد ہوا تو انقلاب مارچ کی کال واپس لےلی جائے گی، طاہر القادری کا کہنا تھا کہ پولیس اپنے لوگوں کو مار کر جھوٹےمقدمات بنا رہی ہے، علامہ طاہر القادری نے کھانا پہنچانے اور میڈیکل کیمپ لگانے پر ایم کیو ایم کے قائد الطاف حسین کا شکریہ ادا کیا اور ایم کیو ایم کی جانب سے بھیجے گئے امدادی سامان کے روکے جانے کو قابل مذمت قرار دیا۔

لاہور: پاکستان عوامی تحریک کےرہنما ڈاکٹر طاہر القادری نےکہاہےکہ جنگ گروپ کے اخبار دی نیوز کی خبر ذیادتی اورناانصافی پر مبنی ہے،انقلاب کےبغیر واپسی پرشہید کرنے کی بات اپنے اور عمران کیلئے کی تھی، حقائق دکھانےپر حکومت نےچندچینلز پر پابندی لگانے کافیصلہ کرلیا۔

علامہ طاہرالقادری نےکارکنوں کی جانب سے پولیس پرتشدد کے الزامات مسترد کرتے ہوئےوزیراعلیٰ پنجاب پر پولیس میں دہشت گرد بھرتی کرنے کاالزام عائد کردیا، سربراہ عوامی تحریک نےوزیراعظم سےسوال کیا کہ اگرپی اے ٹی کےورکرزکی تعدادچندہزار ہےتو پنجاب کوجہنم بنانے اورسیل کرنے کی کیاضرورت تھی۔

علامہ طاہرالقادری نے کہااگرن لیگ کوبھاری مینڈیٹ ملاتوان کےحامی باہرکیوں نہیں نکلتے،طاہرالقادری کاکہناتھاتحریک انصاف اورعوامی تحریک کے مقاصد ایک ہیں، ان کاکہناتھا اب تک آئین میں بیس ترامیم حکمرانوں کیلئے کی گئیں بیس عوام کیلئے بھی ہوسکتی ہیں،اگر عوام کی اکثریت نےن لیگ کوووٹ دیئے تو وہ انقلاب کاراستہ روکنے کیلئے باہرکیوں نہیں نکلتے۔

لاہور: طاہر القادری نے کارکنوں کوشہر شہریوم شہدا منانے کی ہدایت کردی، یوم شہدا کی مرکزی تقریب ماڈل ٹاؤن میں ہی ہوگی،انہوں نے کہا کہ شہباز شریف نے کارکنوں پر براہ راست گولی چلانے کا حکم دیا۔

پاکستان عوامی تحریک کے رہنما ڈاکٹرطاہرالقادری نےکارکنوں کو لاہور آنے سے روکتے ہوئے شہر شہر یوم شہدا منانے کی ہدایت کردی، انہوں نےکہا حکومت نےملک میں نئی خونچگاں رقم کردی شہباز شریف نے کارکنوں پر براہ راست گولی چلانے کا حکم دے رکھاہے،طاہر القادری نے کہا یوم شہدا کی مرکزی تقریب کل ادارہ منہاج القرآن میں ہوگی،جس میں آئندہ کی حکمت عملی کا اعلان کریں گے۔

طاہر القادری کا کہنا تھا پندرہ سے بیس ہزار کارکن گرفتار کرلئے گئے، سیکڑوں زخمی کارکنوں کو طبی امدادکےلئے نہیں جانے دیاجارہا،علامہ طاہر القادری نے کہا شریف برادران ملک میں آگ لگانا چاہتے ہیں، ملک میں انسانیت کا جنازہ نکل گیا،اتناظلم ہونے پرادارے خاموش کیوں ہیں؟۔